《純熟意外》茄人羅鈞滿重演「14巴港女」事件
廣告
重演「14巴港女事件」
《純熟意外》日前第二集尾段中，講到七線大茄藝人羅鈞滿為求女友回心轉意，跪地之餘更被喪摑，劇情勁似幾年前網絡瘋傳的大事件「14巴港女」事件！不過，觀眾睇到後並未同情茄人羅鈞滿，反而覺得大快人心！皆因羅鈞滿本身就係一個賤男！曾背女友張文采同索空姐Sylvia去韓國旅行，最後飲大咗影一名韓國女生裙底，結果被當地警局扣留兩個月先甩身，難怪大家睇到拍掌！
殷然(蔡思貝)接手家偉(羅鈞滿)工傷案，穿大媽裝戴頭巾同黑超跟蹤家偉，見家偉停留喺水晶店門口，然用相機拍低對方睇飾物過程，作證據之用！之後入水晶店見偉買手鏈禮物後，原來偉到診所將手鏈送俾可敏(梁麗瑩)，敏照單全收，而然懷疑偉騙工傷保險！
如欲率先接收資訊，請讚好我們的FB專頁並於「已讚好」選單設定「搶先看」，多謝支持。
網址：www.facebook.com/orientalsundayhk
延伸閱讀：
《人在邊緣》六大精采必睇位
花心洪永城被爆翻撻舊愛
跪地求原諒
之後偉專誠去敏屋企附近等對方放工返家，敏見偉感生氣，叫偉唔好再喺佢屋企附近出現，仲喝令佢走！為了令偉死心，表示要斷絕來往，但偉依然無動搖，仲表示好掛住對方，之後更跪地求原諒，引來唔少途人圍觀，敏感到極尷尬，更惱羞成怒狂摑偉，十足幾年前「14巴港女」事件！
延伸閱讀：
《人在邊緣》六大精采必睇位
花心洪永城被爆翻撻舊愛
吳啟華插手
假戲真做，賤男羅鈞滿被摑到啪啪聲，觀眾睇到心都涼！而正當敏摑唔停手，相信大家都估到會有人出嚟幫手，就係文傑(吳啟華)喇！文傑見義勇為，捉實敏右手，直指對方不是，而敏問偉是否認識傑，偉表示唔識更指傑多事！傑見自己好心冇好報，質問偉係咪男人，有冇尊嚴！而敏冇理二人便離去，偉見狀亦追上去，真係犯賤！
