一周星星｜張智霖演奸角太入戲！高海寧拍到崩潰匿埋喊：唔好掂我

高海寧自揭崩潰爆喊 Chilam嚇到急急自首

談到劇中恐怖的「官家」，飾演Chilam老婆的高Ling在節目中突然自揭，拍攝時曾被逼到情緒崩潰：「我最後係逼到自己匿埋喺窗簾後面喊。」Chilam聞言立即「自首」，還原當時情況，他憶述：「Cut 咗機之後，佢自己縮埋一角喊，我心諗死嘞！我係咪過分咗呢？」他當時上前關心對方，問她是否OK，沒想到高Ling反應極大，Chilam模仿道：「都未講完，佢話『唔好掂我』，冇咩事我出去先。」超真實的反應引來全場爆笑。

江美儀激讚Chilam迎來第二個十年 奸角演技獲高度肯定

Chilam在《璀璨之城》飾演的官孝賢奸到出汁，劇中演員在訪問時被問到誰最陰險恐怖，眾人竟一致指向Chilam，笑指：「你同阿爹（姜大衛）差唔多，不過你陰險啲」、「佢笑住嚟奸」。連高Ling都煞有介事地說：「我唔敢講啊！驚佢折磨我。」資深演員江美儀更形容他「陰陰濕濕好恐怖」，並給予極高評價，向Chilam派定心丸：「我成日同人講呢套戲一定要睇 Chilam，上次 Cool 魔可以 10 年，呢個係佢第二個 10 年。」不過Chilam對自己要求甚高，竟然唔收貨，認為可以做得更好：「睇返片，我覺得自己太多反應再好啲嘅可以。」

網民熱議Chilam反派魅力 「Cool魔變惡魔太震撼」

節目播出後，網民對Chilam的破格演出反應熱烈，紛紛留言大讚其演技。不少觀眾表示被他的反派魅力所震懾，留言洗版：「Chilam做奸角真係好恐怖，完全唔係平時嘅佢！」、「由Cool魔變惡魔，個反差太震撼，但又好想繼續睇！」、「高Ling個反應好真實，證明Chilam真係演得好好！」、「江美儀講得啱，呢個角色絕對係佢另一個代表作！」、「睇到佢笑住奸，真係毛骨悚然！」