一舞傾城

一舞傾城︱演員陣容 9大女主角平均年齡曝光 「最後一個處女」結局劇透

最新娛聞

廣告

由王晶擔任製作人、鍾少雄監製的《一舞傾城》,將接棒《法言人》由5月15日起逢周一至五晚九點半翡翠台播映,主要演員包括陳法蓉、姚子羚、蔡潔、陳星妤、文凱玲、莊鍶敏、莊思明等。雖然未正式播出,但劇中嘅9位女女已經引起熱話!

一舞傾城 盤點 《一舞傾城》由5月15日起逢周一至五晚九點半翡翠台播映。
《一舞傾城》由5月15日起逢周一至五晚九點半翡翠台播映。(圖片來源:TVB

一舞傾城︱演員陣容強勁!9女加埋平均年齡38.4歲

《一舞傾城》以80、90年代盛極一時的舞廳作背景,故事圍繞當中最火紅的夜總會萬國城發生,一班來自不同年齡和階層的女生於萬國城相遇成為好姊妹,眾人一同經歷了人生的高高低低,從中培養出深厚姊妹情。《一舞傾城》靚女眾多,單是萬國城已雲集9大不同年齡層美女,包括陳法蓉、姚子羚、蔡潔、文凱玲、陳星妤、鄺潔楹、莊鍶敏、莊思明和傅嘉莉。不過仔細睇睇,佢哋相當「成熟」,9位美女加埋平均年齡38.4歲!有網民笑指:「喺嗰個年代就一定會睇!」

一舞傾城 盤點 56歲嘅陳法蓉keep得幾好!
56歲嘅陳法蓉keep得幾好!(圖片來源:TVB

一舞傾城︱女主角1. 56歲陳法蓉飾「皇牌媽媽生」沙律

「沙律呀沙律!」不過今次唔係關秀媚飾演的「沙律」!陳法蓉飾演的沙律是「高貴皇牌媽媽生」,對屬下「囡囡」有情有義,當好姊妹遇到困難時,沙律永遠當仁不讓第一時間衝出來擋,霸氣十足。現年56歲的陳法蓉保養得宜,劇中以多套Bling Bling晚裝現身,身材Fit到漏,今次亦是她相隔6年再拍無綫劇,值得期待。陳法蓉在預告片更霸氣道︰「如果你跟我搵食,包你一年搵過百萬。」

一舞傾城 盤點 一舞傾城 陳法蓉是舞廳中的金牌媽媽生,率領住蔡潔與文凱玲搵食。
陳法蓉是舞廳中的金牌媽媽生,率領住蔡潔與文凱玲搵食。(圖片來源:無綫影片截圖)
一舞傾城 盤點 一舞傾城 陳法蓉 陳法蓉仲Keep得幾好!
陳法蓉仲有感情戲!(圖片來源:無綫影片截圖)

一舞傾城︱女主角2. 42歲姚子羚飾臥底警花Michelle

42歲姚子羚飾演的Michelle是「超班警花卧底」,身為警花的Michelle為查案混入萬國城做見習媽媽生,劇中的子羚將再度大顯好身手,更有一個打幾個的動作場口。其實姚子羚喺《鐵拳英雄》已經打到飛起,估唔到今次都係繼續做「打女」!

一舞傾城 盤點 姚子羚明顯好大氣場!
姚子羚明顯好大氣場!(圖片來源:TVB
一舞傾城 盤點 姚子羚喺呢套劇都要打!
姚子羚喺呢套劇都要打!(圖片來源:TVB

一舞傾城︱女主角3. 34歲蔡潔飾「頭牌」Monica

蔡潔飾演的Monica是「當家第一頭牌」,樣靚身材正的她是萬國城最有名的「金魚」(即眼看手勿動),惟她同時亦是一名戀愛腦,更因被渣男欺騙才做舞小姐。在《一舞傾城》預告片中演出被強姦戲,蔡潔被在劇中飾演奸角的李嘉從後強姦。

一舞傾城 盤點 蔡潔飾演的Monica是「當家第一頭牌」!
蔡潔飾演的Monica是「當家第一頭牌」!(圖片來源:TVB )
一舞傾城 盤點 楊明同蔡潔有對手戲!
楊明同蔡潔有對手戲!(圖片來源:TVB )
一舞傾城 盤點 一舞傾城 陳法蓉 一舞傾城 做慣惡人的李嘉竟是第一次拍床戲?
蔡潔同樣遭殃!(圖片來源:無綫影片截圖)

一舞傾城︱女主角4. 28歲陳星妤飾「處女」KK

陳星妤飾演的KK是「萬國城最後一個處女」,為照顧年老體弱的母親及為弟妹供書教學,只好放棄升讀大學,為口奔馳。年輕貌美的KK最大賣點是仍是處子之身,首日開工已打破營業紀錄,是萬國城的新進炸子雞。首次演出重戲份角色的星妤,劇中除了不乏破格演出,還會以不同造型現身,包括學生妹、純純小雲Look、性感晚裝等,相當搶焦。

一舞傾城 盤點 一身學生妹look,幾純真!
一身學生妹look,幾純真!(圖片來源:TVB )
一舞傾城 盤點 即刻變身亦得,得咗!
即刻變身亦得,得咗!(圖片來源:TVB )
一舞傾城 盤點 仲要應付老外!唔易㗎!
仲要應付老外!唔易㗎!(圖片來源:TVB )

一舞傾城︱女主角5. 30歲鄺潔楹飾細細粒

鄺潔楹飾演的細細粒,性格古靈精怪愛做戲欺騙男人。預告片其中一個大花生位係唔少SM性暴力情節,非常重口味!片中30歲鄺潔楹穿上小背心被人SM,滿身傷痕之餘表情亦相當痛苦。有趣的是,其中一張劇照見鄺潔楹好似拎住智能電話,唔通係穿崩?

一舞傾城 盤點 鄺潔楹飾演的細細粒經常愛做戲欺騙男人。
其中一張劇照見鄺潔楹好似拎住智能電話,唔通係穿崩?(圖片來源:TVB )
一舞傾城 盤點 一舞傾城 陳法蓉 認真大挑戰!
認真大挑戰!(圖片來源:無綫影片截圖)
一舞傾城 盤點 一舞傾城 陳法蓉 滿身傷痕睇見都痛!
滿身傷痕睇見都痛!(圖片來源:無綫影片截圖)

一舞傾城︱女主角6. 40歲文凱玲飾爛賭女Money

文凱玲飾演的Money,是爛賭過氣女神,賭字行頭,但屬義氣仔女。不過都係嗰句,王晶嘅戲點都要加賭嘅成份!

一舞傾城 盤點 王晶嘅劇點都要加賭!
王晶嘅劇點都要加賭!(圖片來源:TVB )

一舞傾城︱女主角7-8. 42歲莊鍶敏飾魚旦媽、36歲莊思明飾巴巴拉

至於屬於萬國城29組的「毒舌大家姐」魚旦媽(莊鍶敏飾)、「黑帶傻大姐」巴巴拉(莊思明飾)和「冷艷心機女」Paula(傅嘉莉飾),經常和沙律帶領的38組搞對抗,最愛撩是鬥非搞搞震。莊鍶敏與妹妹莊思明以閃閃熱褲的超性感造型出現,硬撼媽媽生陳法蓉,雖然未知勝負,不過有網民笑指莊家姊妹似著阿婆底底多啲!

一舞傾城 盤點 搞事3人組。
搞事3人組。(圖片來源:TVB )
一舞傾城 盤點 莊思明cosplay女警上陣!
莊思明cosplay女警上陣!(圖片來源:TVB )
一舞傾城 盤點 一舞傾城 陳法蓉 一舞傾城 莊鍶敏旗下小姐有莊思明同趙碩之,咁嘅質素點同陳法蓉鬥呀?
莊鍶敏旗下小姐有莊思明同趙碩之,咁嘅質素點同陳法蓉鬥呀?(圖片來源:無綫影片截圖)

一舞傾城︱女主角9. 38歲傅嘉莉飾心機女Paula

「冷艷心機女」Paula(傅嘉莉飾)同屬萬國城29組,亦是與莊家姊妹喺劇中專搞破壞。

一舞傾城 盤點 傅嘉莉都係皇牌之一。
「冷艷心機女」Paula(傅嘉莉飾)同屬萬國城29組。(圖片來源:TVB )

即睇預告片!

TVB《一舞傾城》陳法蓉將率領幾多位索女在舞廳工作?

《一舞傾城》以八十年代尖東舞廳做背景,預告片中陳法蓉將率領一班無綫女藝人集體下海⋯⋯按此看角色介紹

TVB《一舞傾城》劇情背景與那一套劇相似?

有觀眾表示,劇集出發點如果係仿效《華燈初上》,難免貨比貨,而新劇《一舞傾城》的風格與無綫1990年代的一部經典劇集極為相似,有觀眾提出不如改劇名⋯⋯按此看劇情介紹

撰文:東方新地圖片來源:TVB、無綫影片截圖