谷德昭《晴朗》講足1.5小時 3點回應《功夫女足》抵制風波

谷德昭分析觀眾難捨周星馳昔日作品「落差感」

谷德昭在節目中指出香港觀眾對周星馳愛得深厚，卻往往變成極端預設期待，他又回顧90年代星爺作品，指出當年亦都唔係每套一上映便獲得好評。他回顧當年《破壞之王》、《國產凌凌漆》及兩套《西遊記》初上映時，戲院反應同樣極度冷淡，觀眾當時不斷質問為何不再拍《唐伯虎點秋香》類型喜劇，他直指星爺如今已年過 60 歲，若強行做回昔日誇張肢體喜劇，連本人都會覺得極不自然。

回應《功夫女足》「不了」抵制浪潮

針對網民指出《功夫女足》「唔係拍畀香港人睇」作為拒看藉口，並揚言「不了」，谷德昭直言這種說法本身是一個極其奇怪偽命題。他以《奧本海默》為例，「難道《Oppenheimer》係專門拍畀香港觀眾睇嘅咩？普世優秀嘅電影

都是希望能面向全世界觀眾，而不是單一市場。」 他認為優質影視作品具備超越地域與語言普世價值。若只因為背景或市場考量就一句「不了」拒之門外，實質上係香港觀眾自己在損害自身視野。「個世界好大，如果因為某啲原因封閉咗呢件事，連出面發生緊咩事、人哋個娛樂事業去到點都不去了解，我覺得係我哋自己蝕底！」  

谷德昭當面質疑周星馳欠缺廣東話版

儘管力挺星爺創作理念，谷德昭在專訪期間坦言，在《爆谷一周》也有問到星爺為何電影沒有同步推出廣東話配音版本。周星馳對此親自回應指出，因為製作時間實在過於倉促而「趕唔切」。

引述星爺回應 強調仍然熱愛廣東話

谷德昭私下有向星爺強調：「佢嘅廣東話對白係香港幾代人嘅共同記憶，『人冇夢想同鹹魚有咩分別』、『前面黑濛濛，度度都係咁架，天光之後就會好靚啦！』呢啲金句大家都仲用緊。我同佢講你對香港嘅廣東話係一個好重要嘅人，今次冇廣東話版本，對香港影迷嚟講真係哂咗。」佢亦呼籲星爺日後喺串流平台上映時務必補返廣東話配音，以回饋香港觀眾，而星爺亦有回應肥谷 ：「今次時間就真係做唔切，唔好意思囉！」周生又強調自己本身仲係是好愛廣東話：「今次做廣東話訪問，都成個精神晒啦！」

網民狂轟《晴朗》大篇幅談論《功夫女足》唔Buy肥谷

節目播出後引發大批網民湧入社交平台熱烈討論，不少人對長達 1.5 小時內容表示反感。有網民留言直斥「我明佢同周生好fd…但今朝晴朗講住個半鐘《功夫女足》….真係有點多呢」，亦有人針對電影陣容表示「連廣東話配音都冇，又真係令人無言」、「啲部AI戲根本就係賣周星星個名」，部分觀眾堅持拒看立場，認為電影出現文化差異，直指預告片特技爛且人物充滿塑膠感。