不可能任務

不可能任務|譚俊彥帶隊體驗做特警 李思雅頂硬上 似玩魷魚遊戲

最新娛聞

廣告

無綫熱血綜藝節目《不可能任務》繼張振朗率領七名藝人隊員完成「動作特技考驗」後,再播出的Mission II 由出爐視帝譚俊彥擔任隊長,帶領七名隊員接受「特警遴選體驗」挑戰,個個身穿有號碼制服,似足玩緊魷魚遊戲。同Misson I一樣,有教官監場,曾是網球港隊代表的李思雅都話頂唔順,搞到面青口唇白,真係唔係講玩!

不可能任務Mission II

在《不可能任務》Mission II中,承諾自己「無論 40、50 抑或 60 歲都要勇敢面對新挑戰」的譚俊彥Shaun,集齊七名各有所長的隊員後,便出發前往接受集體能、意志、應變等多個項目挑戰的「特警遴選體驗」,眾人一到埗即要接受為時兩小時的熱身挑戰(共有5輪項目),分別為5公里來回反應跑、300下舉啞鈴、270次掌上壓、300下仰臥起坐,及270下蹲後伸腿。

不可能任務

不可能任務 首輪挑戰,是為時兩小時的熱身挑戰。其中一個挑戰項目為 5 公里來回反應跑。呢個挑戰仲會要求身穿號碼衫的參加者在跑速上「三段」升呢,少啲耐力都唔掂,再加埋在場嘅教官,令人諗起《魷魚遊戲》。
首輪挑戰,是為時兩小時的熱身挑戰。其中一個挑戰項目為 5 公里來回反應跑。呢個挑戰仲會要求身穿號碼衫的參加者在跑速上「三段」升呢,少啲耐力都唔掂,再加埋在場嘅教官,令人諗起《魷魚遊戲》。(圖片來源:無綫提供)

男女一視同仁

整個挑戰更是男、女參加者一視同仁,李思雅、何泳芍及吳紫韻並未因為是女兒身而獲得優待,辛苦情況可想而知;即使曾為網球港隊代表的李思雅,「來回跑」不久即面露痛苦神色兼面青口唇白,之後在肌肉鍛鍊環節,李思雅雖表現回復平穩兼獲教官讚許,但在「掌上壓」挑戰中仍是被逼中途離場,及後李思雅 受訪時坦言:「簡直係地獄式!挑戰人體嘅極限。」

不可能任務 李思雅跑到嘴唇都白晒,陰公。
李思雅跑到嘴唇都白晒,陰公。(圖片來源:無綫提供)
不可能任務 吳紫韻左)同 何泳芍中)一聽到其中一個熱身運動、竟然係舉300下30磅嘅啞鈴,當堂呆咗,何泳芍 名副其實眼都凸埋。
吳紫韻(左)同 何泳芍(中)一聽到其中一個熱身運動、竟然係舉300下30磅嘅啞鈴,當堂呆咗,何泳芍 名副其實眼都凸埋。(圖片來源:無綫提供)

跑完再舉啞鈴

至於精通潛水的何泳芍、及有意向打女路線發展的吳紫韻更是慘烈,吳紫韻 在「來回跑」環節中僅跑了約 500 米已因嚴重落後被叫停,何泳芍雖然比吳紫韻 捱得久一點,但亦險些抽筋。二人在舉啞鈴環節更是搞笑,何泳芍舉至「紅都面晒」兼面容扭曲,吳紫韻則明顯冇氣又冇力。吳紫韻事後坦言已盡了全力:「呢對啞鈴係我三分之一嘅磅數。我哋三個女仔體力真係唔夠男仔嚟,我哋有盡量去舉起個啞鈴,基本上係用晒成身嘅力。」

不可能任務 何泳芍努力嘗試戰勝啞鈴,佢大叫一聲,然後谷盡頂硬上,真係「紅都面晒」。
何泳芍努力嘗試戰勝啞鈴,佢大叫一聲,然後谷盡頂硬上,真係「紅都面晒」。(圖片來源:無綫提供)
不可能任務 吳紫韻話自己已經用咗全身嘅力去舉。
吳紫韻話自己已經用咗全身嘅力去舉。(圖片來源:無綫提供)

譚俊彥領軍有功

至於隊中年紀最大、現年41歲的譚俊彥,就憑藉驚人意志完成「來回跑」、「仰臥起坐」等挑戰,但在「舉啞鈴」及「掌上壓」環節卻多番到達極限兼累至標汗,事後譚俊彥坦承自己有弱點:「啱啱做完啞鈴再做掌上壓我真係投降!我知道自己弱點,就係上半身嘅肌肉(爭啲)。」 縱然自身難保,但身為隊長的譚俊彥還是不忘觀察同隊隊員狀態,並在適當時候給予以支持及鼓勵,是暖男表表者。

不可能任務 連譚俊彥都舉到好痛苦。
連譚俊彥都舉到好痛苦。(圖片來源:無綫提供)
不可能任務 佢一度要停低休息。
佢一度要停低休息。(圖片來源:無綫提供)
不可能任務 譚俊彥全程係咁爆汗,明顯 Chur 盡全力。
譚俊彥全程係咁爆汗,明顯 Chur 盡全力。(圖片來源:無綫提供)

健美先生關曜儁最接近達標

而男隊員中暫以現年 28 歲、曾在健美比賽獲得亞軍殊榮的關曜儁表現最為理想,被教官事後點名稱讚「最接近達標」的他,挑戰過程中亦一度露出力竭狀態,他事後坦言全因譚俊彥及教官在旁打氣,才能堅持下去:「阿 Sir 不斷嗌住我 Number,叫我加油,畀到推動力我;譚俊彥又鼓勵我要做埋佢,唔好放棄。」除了正面鼓勵,李思雅三名女組員亦對關曜儁起了另類激將法作用:「我舉啞鈴時,見到隔籬三個女仔都係攞緊同一個重量嚟舉,我就覺得自己梗係唔停得啦,所以我就係咁舉。」

不可能任務 關曜儁被教官大讚,之後做 Sit Up,佢都仲好似似模似樣咁,難怪教官稱佢「最接近達標」,以後係咪可以簡稱佢「幾近達標之子」。
關曜儁被教官大讚,之後做 Sit Up,佢都仲好似似模似樣咁,難怪教官稱佢「最接近達標」,以後係咪可以簡稱佢「幾近達標之子」。(圖片來源:無綫提供)
不可能任務 估唔到企正喺女子組隔籬舉啞鈴,成為關曜儁嘅另類推動力。
估唔到企正喺女子組隔籬舉啞鈴,成為關曜儁嘅另類推動力。(圖片來源:無綫提供)
不可能任務 由於做完一大輪運動先做掌上壓,連男子隊都做到投晒降,連腰都伸唔直。
由於做完一大輪運動先做掌上壓,連男子隊都做到投晒降,連腰都伸唔直。(圖片來源:無綫提供)
不可能任務 8 位藝人挑戰期間仲要落大雨,呢張相的焦點去咗譚俊彥個髮型度。
8 位藝人挑戰期間仲要落大雨,呢張相的焦點去咗譚俊彥個髮型度。(圖片來源:無綫提供)
不可能任務 挑戰雖然好辛苦,難得佢哋團火依然冇熄滅,仲愈燒愈旺添,加油呀!期待下一輪更精彩嘅挑戰。
挑戰雖然好辛苦,難得佢哋團火依然冇熄滅,仲愈燒愈旺添,加油呀!期待下一輪更精彩嘅挑戰。(圖片來源:無綫提供)

撰文:東方新地圖片來源:無綫提供

讀者留言