中年好聲音冠軍︱周吉佩曾因先斬後奏參賽與港姐老婆嘈大交被指「發明星夢」

中年好聲音冠軍︱周吉佩擊敗李佳：我真係好鍾意唱歌

《中年好聲音登峯之戰》，終極決戰結果出爐，周吉佩擊敗李佳，總得分以115分擊敗大熱李佳，成功登上《中年好聲音》冠軍殊榮，而李佳總得分則是111分！吉吉勇奪冠軍，在台上已激動流淚，並發表真摯感言：「我好多謝中年好聲音呢個比賽、多謝我太太，我無唸過會贏到冠軍，要紅，晨早紅咗啦！但係我成日都唔想放棄，我真係好鍾意唱歌，呢十幾年賺錢都係為咗唱歌，多謝「中年」所有兄弟姊妹、粉絲。」頒獎嘉賓譚詠麟發表感受：「我覺得今晚，中年好聲音大家庭都拎到冠軍，只要堅持，真係可以圓夢。」頒獎嘉賓曾志偉：「半年的堅持，成功追夢成為一個Star，我好感動。」志偉隨即宣布《中年好聲音》第二季，正式接受報名。

周吉佩人氣爆燈的周吉佩早前亦靠敗者復活賽，成功躋身8強。 — 人氣爆燈的周吉佩早前亦靠敗者復活賽，成功躋身8強。（圖片來源：IG@katchau86）

中年好聲音冠軍︱周吉佩決賽表現驚喜爆冷奪冠！

周吉佩先斬後奏參賽曾釀兩公婆嘈大交

周吉佩在過去十餘年一直未有放棄當歌手的夢想，為了一圓心願，去年更瞞著家人參加《中年好聲音》，搞到兩公婆更因此事而鬧大交，周太表示：「曾經反對過佢參加比賽，仲鬧咗好大場交，當時係焗住要接受。」直到周吉佩在節目中與龍婷對戰落敗之後，周吉佩太太才開始被其的真誠和堅持感動到，開始支持其追夢。

周吉佩周吉佩先斬後奏參賽，搞到兩公婆更因此事而鬧大交 — 周吉佩先斬後奏參賽，搞到兩公婆更因此事而鬧大交（圖片來源：《中年好聲音》截圖）

周吉佩不過最後周太都被周吉佩感動到，支持對方繼續參賽。 — 不過最後周太都被周吉佩感動到，支持對方繼續參賽。（圖片來源：《中年好聲音》截圖）

港姐老婆唔撐周吉佩發明星夢 1條件平息太太憂慮

除了瞞著家人先斬後奏參賽之外，周吉佩在大女剛出生時，亦曾經在未得到太太同意後簽約新唱片公司。當時大女的出世令家庭開支大增，太太當然反對周吉佩繼續發明星夢，不過周吉佩就承諾對方會在維持正職的情況下繼續追夢，經過一番說服後才能平息太太的憂慮。周吉佩亦曾公開表示感謝太太的不離不棄：「我做歌手時好失敗，但太太冇嫌棄我又窮又冇出色，就算連份工都冇埋，佢都係好支持我，多謝太太呢10幾年對我不離不棄。」