李金凱獻唱《今生今世》肥媽哽咽稱：好似哥哥返嚟 評審「交足戲」惹熱議

肥媽哽咽激讚李金凱：好似哥哥返咗嚟咁樣呀

肥媽邊說邊一再哽咽謂：「我今日係真係感受到，好似哥哥返咗嚟咁樣呀，尤其是嗰句『今生約定他生再擁抱』」…令我諗番起哥哥…多謝李金凱，令到我哋記番起哥哥嘅溫暖。」王馨平：「你是這次的歌手裏面，一開口我就知道ok的，佢嘅聲音好溫暖，就算唱啲咁夭心夭肺嘅情歌，佢都好溫暖我…（哽咽）我之前喺電視機前面聽佢唱歌，我已經好感動，依家我坐喺現場，我見識到現場嘅威力，你令我好有啟發，我都要再唱歌，你鼓勵到我，你知道嗎？！」

海兒結婚望李金凱現場獻唱《今生今世》

海兒更指將來若有機會結婚，會想在現場再聽一次李金凱版本的《今生今世》，海兒：「我聽其他歌手唱歌，我會諗好多嘢，但我聽金凱唱，我會好似空白咗咁，我只會諗我如果有日結婚，都想再聽佢再唱多一次呢首歌。」

另一方面，根據TVB官方YouTube數據，李金凱在八強淘汰當晚演唱的《今生今世》獲得41萬觀看次數，遠超MVP趙浚承的21萬次以及同樣被淘汰的王鄭的14萬次。

網民：係幾好但又未到感動到咁誇張

網民評價兩極，有人認為即使李金凱唱得再好，都不能與巨星張國榮相提並論，「其實都幾欣賞金海唱歌，但係聽完之後總要睇呢件嘢喊苦喊忽真係搞到大打折扣」、「歌唱比賽，竟然用感覺去評分…太不專業吧！」、「係幾好但又未到感動到咁誇張。」亦有人指呢個節目D評判嘅作用就係要「交足戲」，不要太認真。搞笑的是，有觀眾cap低主持人車婉婉嘅表情，猜測她當時可能非常無奈！

《中年好聲音3》7強見面會 李金凱再唱《今生今世》

經過數月激烈比拼，《中年好聲音3》即將於本周日在啟德體育館迎來總決賽，七強選手展開巔峰對決。為爭取公眾支持，七強近日現身屯門現場獻唱，李金凱再度演繹《今生今世》，以歌聲拉票，展現不俗實力。

支持者讚金凱正能量

有網友不滿李金凱每集提及過往辛酸經歷，認為「前兩三集講就夠，大家已經知道，之後次次講，真係救命呀」，質疑其博取同情分，認為評審可能因此給予額外分數。

另一方面，不少網民為李金凱抱不平，強調他從未自稱悲慘，反而傳遞正能量。一位網友表示：「人哋無講過自己慘喎，你有無真係睇？人哋集集帶出正能量！」支持者指出，李金凱雖有過坎坷經歷，但總以積極態度面對人生，其歌聲更能打動人心，認為同情分屬評審決定，不應否定他的努力與表現。