四葉草

主角頒獎禮重聚 經典青春劇《四葉草》系列回顧

最新娛聞

廣告

《萬千星輝頒獎典禮2017》中,胡鴻鈞憑《降魔的》主題曲〈到此一遊〉奪得「最受歡迎電視劇歌曲獎」,不過頒獎嘉賓更令人關注,幾位《當四葉草碰上劍尖時》第一代演員激罕聚首一堂,當年hit爆的主題曲〈Shining Friends〉奏起、之後大屏幕展現佢哋初出道時的青澀樣子!15年前的青春劇,當年追看時仲係學生一名,青春回憶返晒嚟!

撰文:東方新地
圖片:新傳媒資料庫、網上截圖

第一代《四葉草》頒獎

《萬千星輝頒獎典禮2017》星期日圓滿結束,其中頒發「最受歡迎電視劇歌曲獎」的幾位嘉賓,正是《當四葉草碰上劍尖時》第一代演員,包括黎諾懿、李逸朗、姚子羚、唐詩詠和傅嘉莉。劇集15年前極受歡迎,連主題曲〈Shining Friends〉都播到街知巷聞,由佢哋頒獎合適不過!

青澀樣子重現

宣布得獎者前,大會更在背後大屏幕展現眾人15年前的青澀樣子!兩位男主角樣貌唔算話好大分別,不過幾位女星真係睇到大家「嘩」一聲!姚子羚都不禁道:「我哋索咗好多!」

《當四葉草碰上劍尖時》(2003)

《四葉草》系列係唔少8、90後的青春回憶,係無綫當年少有的青春劇,播出後反應極佳!劇集以劍擊為主題,講述一班私立高校新生的校園戀愛故事。黎諾懿、李逸朗當年在劇中飾演兩兄弟,前者依家係無人不曉的「神之馬壯」,有一個幸福家庭;後者近年長居內地做網劇導演,但最爆都係佢15年時哭腔翻唱陳慧嫻名曲〈傻女〉!

詩詠同子羚當年分別只係22同23歲,仍然一臉稚氣,尤其子羚呢個四眼妹look確係經典!

女角仲有傅嘉莉同戴夢夢,前者繼續喺大台拍劇,後者就好耐無見~

 

《赤沙印記@四葉草.2》(2004)

《四葉草》第一部反應咁好,無綫翌年推出《赤沙印記@四葉草.2》,今次劇集以沙灘排球為題材,女主角有楊秀惠、李思欣、陳自瑤等、男主角則為司徒瑞祈同蔡淇俊,不過呢兩位都已經離開大台。一班後生女著沙排look晒吓腰晒吓腿,當然好睇~

《盛裝舞步愛作戰》(2008)

之後係2008年的三部曲《盛裝舞步愛作戰》,今次以馬術為主題,以衛詩雅及洪卓立的戀愛故事為主軸,仲有羅仲謙、龔嘉欣、陳家樂、李蘊、趙碩之等年青演員… Mandy Lieu都喺度!

衛詩雅入行10年

衛詩雅今年剛好入行10年,佢早前更拍了短片紀錄呢入行十年的感受,片中有唔少洋蔥位… 睇返當年的青春泳衣照,詩雅樣貌唔算好大分別,笑容一樣甜美,依家就多咗份成熟魅力~

龔嘉欣-最佳女配角

龔嘉欣當年同今日都係咁靚女,依家更多了一份成熟女人味~

李蘊已榮升媽媽

當年得17歲的Renee,如今已經結埋婚,生咗個可愛女兒~

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!