亞洲電影大獎 鄭秀文林雪齊奪獎
廣告
一年一度的「 亞洲電影大獎 」頒獎禮今年已經係第11屆，昨晚回歸香港文化中心舉行，雲集亞洲各國紅星，最精彩當然係眾女星在紅地毯爭妍鬥麗！另外香港代表林雪勇奪「最佳男配角」，而鄭秀文(Sammi) 則獲頒「卓越亞洲電影人大獎」！恭喜恭喜！
鄭秀文獲「卓越亞洲電影人大獎」
Sammi多年來獲已多次獲香港電影金像獎最佳女主角提名，但都未能成功封后，呢日終於獲頒「卓越亞洲電影人大獎」，表揚佢多年來為電影業作出的貢獻。Sammi在台上感激觀眾一直以來的支持，佢表示要多謝上帝，亦多謝幾位伯樂杜琪峯、韋家輝和劉德華。
林雪勇奪最佳男配角
至於憑《樹大招風》角逐「最佳男配角」的林雪，最後成功獲獎，佢在台上笑說獲多次提名都係空手而回，點知今次冇準備致謝辭就竟然得咗。林雪先感激導演杜琪峯將他由幕後帶到幕前，另外又指其公司有如「免費學院」，又多謝韋家輝和游乃海教佢好多嘢。得獎後林雪亦少有地流露出感性一面感謝亡父，佢表示當年係爸爸叫佢拍戲，冇爸爸就冇今日！
昨日香港文化中心星光熠熠，亞洲各國紅星盛裝出席，你又覺得邊個最出位呢？
林嘉欣
林嘉欣呢晚以Gucci性感大Deep V裙亮相，性感迷人，在紅地毯上突圍而出！
蒙嘉慧
好耐冇公開亮相的蒙嘉慧呢日擔任大會司儀，接受訪問時提到謝天華在舞台劇《風雲5D》扮演聶風，佢就笑說冇人可以代替到老公鄭伊健！
溫碧霞
50歲的溫碧霞依然不失性感女神的風采，一身粉紅色長裙開胸大露背裝，更疑似飛釘！
楊千嬅與淺野忠信
范冰冰
熊黛林
薛凱琪
全文完
