周永恒

自稱人渣周永恒 離婚半年極速娶內地女友

最新娛聞

廣告

自認係人渣嘅世紀賤男周永恒(Roy)與趙頌茹(Yu)結婚不過4年,育有2個女兒,但2014年突爆婚外情,17年離婚後,火速和內地女友陳薇奉子成婚,仔仔至今已經歲半,仲同爸爸餅印添!

撰文:Sunday Kiss 圖片:新傳媒資料室、周永恒FB、陳𦾡IG、趙頌茹IG

自稱人渣周永恒 離婚半年閃娶內地女友

Roy離咗婚唔夠半年已經另娶一名女子做老婆,更加連仔都生埋!老婆好鍾意喺網上大哂仔仔合照,但睇真啲個仔同Roy真係餅印,唔知個仔大個會唔會步爸爸後塵呢?

自稱人渣周永恒 離婚半年極速娶內地女友

自稱人渣 17年與阿Yu正式離婚

Roy喺2017年底同前妻趙頌茹(Yu)正式辦好離婚手續,半年後就入紙申請再婚,未婚妻陳薇在婚事曝光後,即上載與Roy嘅婚紗照,相中佢從後攬住Roy,甜蜜表示:「可能我揀咗一條最艱辛嘅路,但無論如何我都會喺你身邊支持你,陪住你行落去。」

婚前天水圍同居

周永恆及現任太太陳薇,在5月底入紙「擬結婚通知書」中,所報地址為天水圍同一屋苑住所,Britni接受訪問時力撐Roy有才華,為人亦唔係咁壞:「其實係咪唔好將一個人曾經嘅錯誤繼續放大同標籤繼續打擊佢呢?畢竟佢真係有改變咗好多,成年人嘅問題有時真係兩個人先知,放過佢,畀多啲空間佢啦!」

離婚半年極速娶內地女友 自稱人渣周永恒為仔仔搞百日宴

周永恒為囝囝搞百日宴

陳薇9月為周永恒誕下一子,取名周聖恩。本月18日周永恒和太太陳薇一起為兒子辦百日宴,兒子圓滾滾的大眼睛和爸爸很像呢。

兒子周聖恩擁有一雙和父親一樣又圓又大的眼睛,很有父子相呢。
兒子周聖恩擁有一雙和父親一樣又圓又大的眼睛,很有父子相呢。
周永恒手抱出生一百日的兒子周聖恩,太太陳薇則在傍輕碰兒子的臉頰。
周永恒手抱出生一百日的兒子周聖恩,太太陳薇則在傍輕碰兒子的臉頰。

驚兩個女唔開心

阿Roy承認自己好自私,話自己有個新家庭,不過呢個事實兩個女未必會接受,仲驚兩個女會唔開心,覺得自己對佢哋好大虧欠。但係同一時間又怕對未出世嘅囝囝,同埋現任太太唔公平。

阿Roy仲話覺得自己好差,唔明點會仲有女人信自己!因為佢不單止拆散自己頭家,又涉及偷食、家暴,仲惡嚇妻女,幾乎將自己趕上絕境,但係得到現任太太嘅接納,至令佢慢慢願意面對自己。

周永恆
周永恒FB

曾經諗過自殺

阿Roy話最艱難嗰幾年,阿都諗過自殺,不過上到60幾樓又唔敢跳落嚟; 又經常失眠,完全瞓唔到覺,最後醫生開啲思覺失調嘅藥物畀佢食,食到個人冇哂情緒,開心唔開心都唔識。

離婚半年極速娶內地女友 自稱人渣周永恒為仔仔搞百日宴

經過咁多風風雨雨,阿Roy話而家自己已經成為一個可以重新面對自己責任嘅人。

曾偷食打老婆

Roy與趙頌茹(Yu)結婚不過4年,育有2個女兒,但2014年突爆婚外情,事緣阿Yu揭發人渣偷食,小三正是Roy模特兒公司拍檔、港視小花劉依靜(Ruby),同時二人情慾短片流出,Roy自此被封為世紀賤男。

周永恒FB
周永恒FB

躁底周永恒更一度動粗,出手打阿Yu,令她下巴及面部受傷須送院縫針,更登阿Yu娘家家門,吐口水及用粗口辱罵外父外母,並以WhatsApp恐嚇殺死妻女及自殺,涉嫌刑事恐嚇被拘捕,最後法庭裁定普通襲擊罪成。

周永恒FB
周永恒FB

嬲到爆粗

Roy偷食打老婆恐嚇咩都做齊,前年上ViuTV節目時疑不滿兩位女士不斷提及佢打老婆同有外遇等事,更嬲到爆粗起身走人!

渣男

苦等四日 嚇壞女兒

Roy仲自爆曾去過大女信希就讀的幼稚園門外苦等四日,見到女兒仲忍唔住撲過去!不過信希見到佢又好似唔係好熟咁,之後有保母將佢抱回學校,仲唔敢出嚟!轉個頭已分居的太太Yu就send message俾佢,話佢咁樣做學校會報警,但其實佢都唔知自己做錯啲咩。

周永恒FB
周永恒FB

三父女4年冇見面

報導指,阿Roy話好愛兩個女,成日都會好想見佢哋,但係好無力,唔知點做。仲話當初明明係自己錯,就變咗係感情問題,冇對錯嘅。唔接受自己錯,唔肯面對自己,所以覺得對兩個女好大虧欠。

離婚半年極速娶內地女友 自稱人渣周永恒為仔仔搞百日宴

而且佢亦都知道自己當年嘅行為好癲,好過份,所以明白兩個女點解唔想見佢。不過而家佢已經知錯,始終都係父女關係,如果兩個女而家肯見佢,佢唔會再逃避。仲喊哂口咁同阿Yu同兩個女講:「對唔住!」

離婚半年極速娶內地女友 自稱人渣周永恒為仔仔搞百日宴

遲了4年的道歉 阿Yu:咁得意!?

阿Yu趙頌茹4年嚟一直獨力撫養兩個囡囡,據報導,阿Yu對於前夫阿Roy嘅道歉,只係淡淡然講咗句:過咗4年先講呢番說話?咁得意?阿Yu兩個女都知道爸爸再婚,而家有個細佬,阿Yu仲話兩個女而家都大喇,好多嘢都識,都知道。對於前夫再做爸爸,阿Yu都有大方祝福對方。

阿Yu喺訪問中仲提到,同阿Roy喺舊年12月已辦妥離婚,不過到現時為止,只係畀咗兩個月兩個女嘅生活費,喺受訪之後,就突然畀番之前嗰三個月嘅生活費。

阿Yu話唔清楚阿Roy係咪有咩問題,就算佢有咩原因唔畀,阿Yu話都一樣會靠自己努力賺錢養兩個女。亦希望阿Roy將來,會盡作為父親嘅責任。

兩個女好生性

阿Yu曾在社交網站分享一件生活軼事,事緣大女信希要購買樂器,但由於只是初學的關係,所以阿Yu就問女兒希望買比較便宜還是比較貴的款式 —「平的因為希望家裡的錢會多一點」信希回答,阿Yu直言呢個答案令佢覺得女兒真的長大了,並非因為佢真係為屋企慳了錢,而是女兒的乖巧懂事才令佢最感動。

 

阿Yu更打了一個Hastag:「謝謝你做我女兒」,可見佢真係非常欣慰!
阿Yu更打了一個Hastag:「謝謝你做我女兒」,可見佢真係非常欣慰!

離婚後 三母女感情更好

阿Yu 2016年接受《Sunday Kiss》訪問時指,離婚的決定是經過長久以來的掙扎,因為害怕改變,害怕一個人搞不定,更擔心小朋友的成長有所缺陷,但想到若然婚姻繼續下去的話,反而對小朋友的成長有較壞影響。一切風波過後, 阿Yu有向女兒坦白一切,雖然女兒只有幾歲人仔,但也大概明白了家中發生甚麼事情,最難得是因此更增進了三母女的感情。「我每次都好坦白同佢哋講解,坦白嘅意思唔係將事情最差嘅一面話佢哋知, 而係有限度、佢哋認知範圍上面,去讓佢哋明白到父母雖然分開居住,佢哋仍然有爸爸。」

離婚半年極速娶內地女友 自稱人渣周永恒為仔仔搞百日宴

盤點十個世紀賤男

講開周永恒,其實以往都有不少劈腿、甚至棄糟糠的賤男,同樣令人咬牙切齒!以下十個賤男你要看清楚!

極級人渣 周永恒

自認係人渣的世紀賤男周永恒與趙頌茹在2010年結婚,育有兩個女兒,不過年前爆出Roy搭上同公司拍檔、港視小花劉依靜(Ruby)!同時人渣Roy家暴阿Yu,又出口話要離婚同爭撫養權;更登阿Yu娘家家門,吐口水用粗口辱罵外父外母,並以WhatsApp恐嚇殺死妻女及自殺,涉嫌刑事恐嚇被拘捕,最後法庭裁定普通襲擊罪成,大快人心!

{"IPTC-DATA":"NMG","data":{"photoID":2162089}}

阿Yu現時獨力照顧兩名女兒,一家三口過着幸福新生活!

劉依靜暗指陳庭欣做小三

講開劉依靜,近日佢曝光率奇高,原因係佢之前有個擁過億身家的彩豐行老闆楊振源(Benny),但Benny現時正同TVB姐仔拍拖,所以陳庭欣被指做「小三」搶人男友!所以唔少網民都話,劉依靜「剃人頭者,人亦剃之」……

陳庭欣被指做「小三」
陳庭欣被指做「小三」

專食空姐 李潤庭

東張西望》主持李潤庭與任職空姐的太太Crystal Wong於2011年結婚,不時在網上放閃,給人顧家好老公的形象。不過李潤庭2016年時卻被爆趁任職空姐的太太外出工作時,與小三在赤柱街頭親熱,狂摸對方Pat Pat之餘又公然激吻,偷食都唔識「東張西望」!早喺結婚五周年紀念時,李潤庭在網上大晒與太太的恩愛合照,不過慶祝翌日就被影到帶小三回家!

離婚半年極速娶內地女友 自稱人渣周永恒為仔仔搞百日宴

新聞一出,李潤庭即時被瘋狂鬧爆,疑似小三身份亦迅速曝光!據知小三Tiffany已是一名人妻,育有一對仔女!消息指Tiffany老公家境不裕,兩人婚後住在元朗的豪宅區,出入更有司機接送,生活無憂!更爆的是,原來小三結婚前,竟然係與正印Crystal同一間公司的空姐!

離婚半年極速娶內地女友 自稱人渣周永恒為仔仔搞百日宴

羽壇賤男 林丹

外號「超級丹」的中國羽毛球好手林丹,與前中國羽毛球代表的太太謝杏芳被稱為羽壇的「神鵰俠侶」,謝杏芳今年11月4日更為老公誕下麟兒,一家三口樂也融融。直至11月17日,林丹被爆在太太懷孕期間與2009年環球旅遊中國小姐冠軍趙雅淇到酒店密會!林丹在房中攬實女方纖腰,更輕拍對方屁股,全程被斷正!老婆懷孕期間偷食,林丹你對得住芳芳嗎?

離婚半年極速娶內地女友 自稱人渣周永恒為仔仔搞百日宴

離婚半年極速娶內地女友 自稱人渣周永恒為仔仔搞百日宴
「名偵探趙五兒」微博圖片
離婚半年極速娶內地女友 自稱人渣周永恒為仔仔搞百日宴
「名偵探趙五兒」微博圖片

老婆原諒

事後謝杏芳選擇原諒林丹,神鵰俠侶重修舊好,兩人喺網上繼續不時放閃!

離婚半年極速娶內地女友 自稱人渣周永恒為仔仔搞百日宴

謝杏芳與寶貝仔~

離婚半年極速娶內地女友 自稱人渣周永恒為仔仔搞百日宴

人如其名 吳忠義

司馬燕老公吳忠義(Togi)被爆多年前已搭上內地小三Summer Sun(孫君子),司馬燕當時得悉姦情後,大受打擊屈出癌症!在老婆抗癌期間,Togi背妻跟Summer藕斷絲連,甚至趁老婆留院時,經常飛去北京會小三,令司馬燕身心受盡折磨,認真唔要得!後來事情峰迴路轉,Togi發聲明認曾跟Summer拍拖,但已於去年九月已分手。不過點都好啦,老婆屍骨未寒就搞三搞四,非常唔要得!

離婚半年極速娶內地女友 自稱人渣周永恒為仔仔搞百日宴

賤男導演 彭順

2014年5月,彭順背太太李心潔於圓方與o靚模李悅彤(Liddy)密會,期間兩人肆無忌憚當眾拖手、啜嘴、搣胸、搭膊、攬腰乜都做齊,偷食斷正,彭順被網民鬧爆兼狂插係賤男。醜事曝光後,彭順即飛往馬來西亞箍煲,有傳心潔得悉事件後傷心痛哭!

離婚半年極速娶內地女友 自稱人渣周永恒為仔仔搞百日宴

又係老婆原諒

最後彭順與心潔就事件一起作出回應,而心潔最終選擇原諒老公,兩人和好如初。今年七月,心潔為老公誕下一對可愛孖仔,哥哥叫彭濟雲,弟弟則叫彭子然,一家四口樂也融融。

離婚半年極速娶內地女友 自稱人渣周永恒為仔仔搞百日宴

超級無品 魏駿傑

魏駿傑1998年與滕麗名拍《陀槍師姐》撻着,人前人後都好似兩公婆咁,情侶關係一直維持至2007年中,二人正式分手。當時圈中人都覺得好奇怪,原來魏搭上比自己年輕廿載的重慶女子張利華,翌年更火速跟張利華結婚生女。後來滕麗名爆魏駿傑婚後用短訊求復合,背妻再想搞前度,冇品王仲唔係你?!

離婚半年極速娶內地女友 自稱人渣周永恒為仔仔搞百日宴

離婚半年極速娶內地女友 自稱人渣周永恒為仔仔搞百日宴
魏駿傑與太太張利華

不過早年張利華就被爆與前港隊單車名將鄧宏業暗中撻着,兩個人撐完枱腳去散步,男方幫張利華拎手袋仲攬埋腰,似乎關係匪淺。雖然兩夫妻曾因此事吵大鑊,不過之後佢哋已經和好如初,魏駿傑更豪擲千七萬購入獨立屋送俾老婆!

離婚半年極速娶內地女友 自稱人渣周永恒為仔仔搞百日宴

劈腿色狼 郭政鴻

滕麗名與冇品王魏駿傑甩拖後,於2008年被爆與郭政鴻拍《桌球天王》演情侶,啜出真愛。當阿滕以為搵到個好男人,兩人發展迅速,成為公認一對,但原來男方一直呃住阿滕結咗婚重生埋女,阿滕又被蒙在鼓裏,自己做咗小三都唔知!直至2010年9月被傳媒影到,阿滕才知道又愛錯人。阿滕2013年時跟圈外男友朱建崑結婚,終於覓得如意郎君!

離婚半年極速娶內地女友 自稱人渣周永恒為仔仔搞百日宴

做個好爸爸

離婚半年極速娶內地女友 自稱人渣周永恒為仔仔搞百日宴

拋妻賤男 陶大宇

一代師奶殺手最後都係因偷食而搞到身敗名裂!陶大宇同拍拖多年的太太黃寶慧搞離婚,當年盛傳介入做第三者的就係「狐妮」郭羨妮!大宇為咗呢段情放棄大好形象,成為負心賤男,可惜最後都分手收場。最離奇係大宇曾再翻撻前妻,過住「兩公婆」嘅生活,更加衰到「o趙完唱」,指郭羨妮係娛圈蕩花,呢啲反轉豬肚的行為,各位女士,認清呢種賤郎啦!

離婚半年極速娶內地女友 自稱人渣周永恒為仔仔搞百日宴

郭羨妮一家三口好幸福

而郭羨妮則於2011年下嫁內地武指朱少杰,育有可愛女兒Kylie,一家三口好幸福~

離婚半年極速娶內地女友 自稱人渣周永恒為仔仔搞百日宴

扮好男人 羅嘉良

03年羅嘉良轉投寰宇,北上大陸發展,夫婦聚少離多,感情進一步轉淡,撈家決定分居,並在08年初辦理離婚手續,正式結束28年情。有傳當年離婚係因第三者介入,撈家雖然否認,但相隔半年,撈家就宣布跟內地演員蘇岩將於九月結婚後誕下女兒,佢覓得第二春就開心,但有報道指前妻生活為供樓同養仔,一份炒蛋多士分開兩餐食,慳得就慳。

離婚半年極速娶內地女友 自稱人渣周永恒為仔仔搞百日宴

淫狼代表陳浩民

陳浩民2011年時被本刊拍到於橫店拍劇時藉醉狼吻陳嘉桓,又對佢上下其手,以致要攜即將臨盆的太太蔣麗莎開記招,聲淚俱下向陳嘉桓道歉!在眾目睽睽之下,陳浩民硬拖着大肚妻子蔣麗莎上演大龍鳳不特止,短短7分鐘記者會中,浩民一哭二鬧三鞠躬四道歉,臨走時還作狀發軟蹄,要大肚妻攙扶,結果扮死狗失敗,更被網民罵個體無完膚!

離婚半年極速娶內地女友 自稱人渣周永恒為仔仔搞百日宴

事過境遷,蔣麗莎好好生養,為陳浩民先後誕下三女一子,希望陳浩民真心悔改做個好老公好爸爸!

離婚半年極速娶內地女友 自稱人渣周永恒為仔仔搞百日宴

月租10萬天池屋

陳浩民早年已在國內崛起,去年中全家由紅磡過千呎複式單位,進駐月租10萬的何文田半山壹號的天台特色泳池屋,全家得閒就喺天台游水,奢華到不得了…

離婚半年極速娶內地女友 自稱人渣周永恒為仔仔搞百日宴

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!