今次終於齊人!古天樂生日「新五虎」 24年後再重聚

最新娛聞

講起無綫五虎,大家第一時間一定會諗起劉德華、梁朝偉、黃日華、苗僑偉和湯鎮業,不過繼這個五虎之後,TVB在1995年也曾經另組一個「新五虎」,分別是古天樂、劉愷威、吳家樂、古巨基和何遠恆,當時佢哋都係力捧的小生,而喺24年後,古天樂嘅48歲生日P,就把「新五虎」再重聚一起⋯⋯

撰文:東方新地 圖片:余安安微博、古巨基微博、新傳媒圖片

古天樂生日 「新五虎」 24年後再重聚

今年2月,古仔個唱請咗「新五虎」做嘉賓,而古仔都有喺社交網PO咗張合照,有劉愷威、吳家樂、古巨基,更表示在24年後能夠重聚絕對是一件開心事,之不過當時就唔齊人,獨欠何遠恆!唔少網友都話希望下次見到古仔放張「五虎」齊人嘅合照!

何遠恆 淡出後從商

何遠恆當年在TVB屬於高大文青型小生,可惜事業發展一直平平,沒有幾個年頭便退出娛圈,做冷氣工程及瓷磚生意,近年北上做生意成績不錯,而佢同歌手李彩華曾經拍三年拖仲多次傳出婚訊,當大家都以為阿Rain快好事近,但原來兩人已秘密分手!

 

余安安同古天樂兩個老友都係10月生日,分別係22號同21號,只係相隔一日,日前佢哋一齊搞咗個生日派對,一班好友包括林峯、吳君如、方中信夫婦、古巨基夫婦、鮑起靜及老公方平等等都有出席!安安好開心攬住古仔,又留言:「Happy Birthday to us 和男神@古天樂 一起慶祝生日!可愛的天秤座!」

淨係得好朋友係唔夠嘅,佢哋仲準備咗大量美酒,實行不醉無歸!

不過當晚最驚喜嘅仲係自5月基仔開騷後,「新五虎」再聚首喇,仲係齊人嗰隻,吳家樂、劉愷威、何遠恒、古巨基齊齊到賀,果然係友共情不變!「新五虎」難得合體除了喚起不少網友當年的回憶,大家都讚佢哋保養得好好,而古仔同基仔嘅顏值最高!

 

 

 

個生日P成二十幾個人,唔只人多,酒都好多,目測已經有17支,唔通不醉無歸?

 

吳卓羲、林峯、黃宗澤。當年TVB力捧「新五虎」接班,除咗佢哋三個,仲有陳鍵鋒同馬國明。對一班8、90後,新五虎絕對代表到嗰個年代嘅無綫,尤其係《衝上雲霄》、《大唐雙龍傳》、《律政新人王》等,肯定係集體回憶!

當年五虎走下一個走下又一個,如今得番馬國明繼續留守TVB,其實都幾唏噓!連吳卓羲早前都晌微博出po,話非常懷念五虎年代!

讀者留言