代溝關注組

代溝關注組|江嘉敏再爆有女同事借10萬拒還兼扮傻 提示係呢樣

最新娛聞

廣告

繼早前先後自揭屢被前度出軌,當中更涉及女藝人,以及曾撞破男藝人偷食事件後,被封為「TVB大喇叭」的江嘉敏在日前一集《代溝關注組》中,又再自爆曾被公司女同事以諸多藉口借錢拒還,加加埋埋條數竟然超過10萬,江嘉敏更畀晒提示,話個女同事係有個細佬讀緊書!

文:東方新地|圖:江嘉敏IG、《代溝關注組》截圖

《代溝關注組》江嘉敏爆有女同事借錢唔還兼扮傻

日前一集《代溝關注組》以「醒目理財」為主題,由兩代嘉賓大數理財之道,原來大家都曾經借錢畀身邊嘅人!其中肥媽竟然借過70萬畀朋友,蔡嘉欣就借咗10萬畀親細佬買車,引來其他人爭住認家姐!而江嘉敏就貫徹「TVB大喇叭」之名,大爆有個朋友每次食飯都話唔記得帶銀包、銀行卡又壞等等,總之多多藉口,加加埋埋已借接近10萬元。

江嘉敏話有個朋友每次同佢借5千幾,借咗好幾次,加埋有幾萬。(圖片來源:《代溝關注組》截圖)
江嘉敏話有個朋友每次同佢借5千幾,借咗好幾次,加埋有幾萬。(圖片來源:《代溝關注組》截圖)
每次食飯都藉口多多,總之唔肯畀錢。(圖片來源:《代溝關注組》截圖)
每次食飯都藉口多多,總之唔肯畀錢。(圖片來源:《代溝關注組》截圖)

食飯一定要食米芝蓮

江嘉敏直指該名朋友每次都只係向佢借5千蚊左右,借咗好幾次,她說:「我覺得呢個朋友其實都幾聰明,因為每次出街食飯,佢都不會帶任何現金,又會話電話壞咗、撳唔到、上唔到網、碌唔到卡,我唔係記仇,雖然我係,哈哈哈!佢仲要唔係食平嘢,一定要食米芝蓮,甜品啦、油錢啦、停車費、增值卡啦,都係我埋單,加加埋埋可能10萬都有。」

江嘉敏話佢個朋友唔肯食平嘢,一定要食米芝蓮餐廳。(圖片來源:《代溝關注組》截圖)
江嘉敏話佢個朋友唔肯食平嘢,一定要食米芝蓮餐廳。(圖片來源:《代溝關注組》截圖)
被問到這名朋友是否其上次爆過的男友外遇對象,江嘉敏即露出不屑表情,指對方無這個本事。(圖片來源:《代溝關注組》截圖)
被問到這名朋友是否其上次爆過的男友外遇對象,江嘉敏即露出不屑表情,指對方無這個本事。(圖片來源:《代溝關注組》截圖)

公司見到詐傻扮懵

之後江嘉敏又爆該名朋友原來是公司同事,話對方就算喺公司見到佢都詐傻扮懵!江嘉敏仲話自己仲借過錢畀對方交細佬學費,她說:「我試過喺公司見到佢,厚住面皮問吓佢:『食飯嗰啲就當我請你食啦,你細佬讀書讀成點?啲學費……』佢之後即刻話:『啊,埋位喇?』我心諗電話你唔聽message你唔覆,我都真人問到你都咁?」

江嘉敏爆該名朋友原來是公司同事!(圖片來源:《代溝關注組》截圖)
江嘉敏爆該名朋友原來是公司同事!(圖片來源:《代溝關注組》截圖)
又爆自己除咗請食飯,仲借過錢畀對方交細佬學費!(圖片來源:《代溝關注組》截圖)
又爆自己除咗請食飯,仲借過錢畀對方交細佬學費!(圖片來源:《代溝關注組》截圖)

引用「子華神」金句

節目播出後,江嘉敏再在社交網發文追債,仲引用埋「子華神」黃子華的金句,表示:「希望欠我哋錢嘅朋友,睇完呢集《代溝關注組》會自動還錢比我哋啦! #我哋借出去嘅錢可以買一層樓 #朋友借錢用嚟周轉 #周轉係分為自轉同公轉 #借錢係自轉還錢係公轉 #在座咁多位竟然冇人聽過子華神嘅梗」

江嘉敏話佢哋一班嘉賓借出去嘅錢已經可以買到一層樓。(圖片來源:江嘉敏IG)
江嘉敏話佢哋一班嘉賓借出去嘅錢已經可以買到一層樓。(圖片來源:江嘉敏IG)

網友:你食人水又食得少咩

江嘉敏的發文引來不少網友紛紛留言,有網友贊同說:「借錢就契爺 還錢就大爺」、「借錢嘅人面皮厚過雙人床」、「借錢真係難追得返」、「自動還?會唔會諗多咗」,但亦有網友指「江嘉敏有錢人邊志在呢少少」、「只有你問人借,你點會借畀人」、「你都唔係省油的燈啦,你食人水又食得少咩

」等等。

(圖片來源:江嘉敏IG)
(圖片來源:江嘉敏IG)

相關文章:

【白色強人】馮盈盈為細佬讀營養學:希望可以幫到佢

吳若希推16歲細佬Carson入行 已簽模特兒公司做周柏豪師弟

陳凱琳孖生細佬娶港女 高顏值全家福曝光 同孖生細佬都鬼鬼哋?

重溫江嘉敏爆前度出軌對象女藝人 再爆曾撞破男藝人偷食

早前一集《代溝關注組》請來江嘉敏、蔡嘉欣、游嘉欣等做嘉賓,以「出軌」做主題,江嘉敏先自揭屢被出軌經歷,當中更涉及女藝人,愈爆愈hyper的江嘉敏,再爆曾撞破男藝人偷食事件經過!節目中江嘉敏講到自己原來是渣男磁石,屢遭出軌,她指對上兩段情都被出軌,第一次是在18歲初戀,當場斷正男友偷食其好朋友!江嘉敏透露對上一段戀情,男友瘋狂偷食,外遇對象包括女藝人、模特兒及KOL等,更有她認識的女藝人!

江嘉敏自揭屢被出軌﹗(圖片來源:《代溝關注組》截圖)
江嘉敏自揭屢被出軌!(圖片來源:《代溝關注組》截圖)

江嘉敏:即係張床污糟嘅﹗

江嘉敏指說:「後尾分手嗰一刻,我先知原來佢哋係有過嘢囉,即係屋企張床係污糟嘅。」江嘉敏表示當時前度經常趁她開工時約會該女藝人,江嘉敏話:「 我開工打畀男朋友,背後聽到嗰位女藝人把聲,男朋友話咁啱嗰女藝人喺附近咪約埋食飯,我都覺得冇問題嘅﹗」直至有一次回家,該女藝人座駕停泊在江嘉敏屋門口,前度的答案竟然是女藝人想租住附近村屋,所以去江嘉敏屋企參觀,江嘉敏憶述時嬲爆爆話:「究竟佢想睇間屋,定係想做埋間屋女主人呀?」

江嘉敏指前度曾帶外遇女藝人返屋企,諗起都覺得嘔心﹗(圖片來源:《代溝關注組》截圖)
江嘉敏指前度曾帶外遇女藝人返屋企,諗起都覺得嘔心!(圖片來源:《代溝關注組》截圖)

接受男友出軌:偷食行遠啲!

江嘉敏話曾致電男友媽媽,將男友出軌一事告知,殊不知對方反問:「係咪你滿足唔到佢呀?」江嘉敏話火上加油,不過她就話男友出軌,她會選擇忍:「希望有一日會浪子回頭!」她又指同現任男友講偷食行遠啲,要用腦想個好藉口去呃佢!

男友偷食,男友媽媽反問江嘉敏:「係咪你滿足唔到佢?你滿足唔到佢先會出去偷食﹗」令她氣上加氣﹗(圖片來源:《代溝關注組》截圖)
男友偷食,男友媽媽反問江嘉敏:「係咪你滿足唔到佢?你滿足唔到佢先會出去偷食!」令她氣上加氣!(圖片來源:《代溝關注組》截圖)

目睹男同事偷食人妻

江嘉敏除了自爆外,又爆曾遇到男藝員偷食:「有一日喺尖沙咀行街啦,一開𨋢見到我哋公司男同事,側邊有個女人翹住佢挨住咗佢,我本來諗住嗌佢,個男同事耷低頭,但係個女人係人哋老婆嚟嘅,好在冇嗌佢!後尾呢單上咗新聞!」

代溝關注組|江嘉敏爆前男友出軌對象女藝人 再爆曾撞破男藝人偷食
江嘉敏上節目交足功課!(圖片來源:《代溝關注組》截圖)
代溝關注組|江嘉敏爆前男友出軌對象女藝人 再爆曾撞破男藝人偷食
江嘉敏爆料!(圖片來源:《代溝關注組》截圖)

即睇《代溝關注組》江嘉敏大爆公司女同事借錢唔還仲扮傻:

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!