伍允龍

伍允龍激罕談與鍾嘉欣8年情 遭TVB施壓被迫地下情:變咗個傷害喺我度

最新娛聞

廣告

伍允龍日前和好兄弟安志杰一同上無綫節目《諸朋好友》做嘉賓,首度談及與前度鍾嘉欣的戀情,大呻當年女方好紅,而他只是一個無名小卒,為事業被迫將他「收埋」,令他感到受傷害!

伍允龍 難受被叫茄喱啡

伍允龍曾與鍾嘉欣秘戀8年,雙方一直否認拍拖,2015年,有傳鍾嘉欣為自己前途著想,飛甩事業未有成的伍允龍,主動提出分手,當年伍允龍努力箍煲不果。伍允龍在節目《諸朋好友》上,講到當年被人稱為「某某人男友」的日子,他首度開腔談及與鍾嘉欣長達8年的地下情。

伍允龍 伍允龍指當年他曾在電影《惡戰》擔正男主角,但傳媒講到他和鍾嘉欣的戀情時,仍是繼續用「奀星」來形容他。
伍允龍和安志杰都經歷過被稱為「某某人男友」的日子,伍允龍是和鍾嘉欣(見圖)秘密拍拖8年,安志杰則是和謝婷婷拍拖4年多。(圖片來源:新傳媒照片庫)
伍允龍 謝婷婷和安志杰曾高調拍拖4年多,並屢傳婚訊,到2013年宣布分手。
謝婷婷和安志杰曾高調拍拖4年多,並屢傳婚訊,到2013年宣布分手。(圖片來源:新傳媒照片庫)
伍允龍 現在安志杰已和Jessica C結婚,並誕下一子一女。
現在安志杰已和Jessica C.結婚,並誕下一子一女。(圖片來源:[email protected]

伍允龍拍《賭城風雲》被車撞25次

伍允龍在節目上大吐苦水:「當年我成日畀人叫茄喱啡、奀星,其實奀星都算好,起碼有個星字,但其實我主演過電影《惡戰》,係由袁和平擔任武術指導嘅電影,拍咗好多戲,亦都好努力去做,好似拍過套《賭城風雲》,一個鏡頭被車撞,撞咗成25次,又試過由一樓跳落嚟,差啲斷腳,但都冇人知。」

伍允龍 伍允龍原來好介意畀人叫茄喱啡。
伍允龍好介意畀人叫茄喱啡。(圖片來源:《諸朋好友》截圖)
伍允龍 伍允龍曾是王晶旗下藝人,他指當年王晶曾勸他不用理會外間的批評,別人叫他「奀星」,他偏要成為「大星」給人看。
伍允龍曾是王晶旗下藝人,他指當年王晶曾勸他不用理會外間的批評,別人叫他「奀星」,他偏要成為「大星」給人看。(圖片來源:《諸朋好友》截圖)
伍允龍 伍允龍指當年他曾在電影《惡戰》擔正男主角,但傳媒講到他和鍾嘉欣的戀情時,仍是繼續用「奀星」來形容他。
伍允龍指當年他曾在電影《惡戰》擔正男主角,但娛樂報道提及他和鍾嘉欣的戀情時,繼續用「奀星」來形容他,他指當時不是味兒。(圖片來源:電影《惡戰》海報)
伍允龍 伍允龍拍電影《賭城風雲》時,飾演謝霆鋒同母異父的兄長陳龍,是一名臥底探員,被反派張晉殺死。
伍允龍拍電影《賭城風雲》時,飾演謝霆鋒同母異父的兄長陳龍,是一名臥底探員,被反派張晉殺死。(圖片來源:新傳媒照片庫)

伍允龍對鍾嘉欣要求低調有微言:「變咗個傷害喺我度」

伍允龍指對方受公司施壓被迫玩地下情,他續說:「我唔係投訴,只係唔明白點解個焦點會放喺地位分別上,同埋同邊個拍拖。其實(我哋拍拖)係開心嘅,只係對方因為喺工作上嘅問題,要收埋我少少,相信佢各方面有啲壓力,咁我係明白㗎,因為當時佢好紅,但我係Nobody(無名小卒),冇關係,我明白呢一行係點樣嘅,不過我就覺得過分咗去做呢件事,變咗個傷害喺我度。」

伍允龍 伍允龍話拍拖時要被收埋,令佢曾經受到傷害。
伍允龍話拍拖時要被收埋,令佢曾經受到傷害。(圖片來源:《諸朋好友》截圖)
伍允龍 伍允龍直言當年對鍾嘉欣嘅工作方面和處理戀情嘅方法,的確有啲不滿同唔開心。
伍允龍直言當年對鍾嘉欣嘅工作方面和處理戀情嘅方法,的確有啲不滿同唔開心。(圖片來源:新傳媒照片庫)
伍允龍 伍允龍笑指現在時移世易,藝人的戀情都好公開,甚至可以幫到你宣傳。
伍允龍笑指現在時移世易,藝人的戀情都好公開,甚至可以有助宣傳及提升人氣。(圖片來源:新傳媒照片庫)

伍允龍為啖氣拍TVB劇集

主持崔建邦爆伍允龍曾揚言一定要入TVB拍劇,因為想知道鍾嘉欣的工作是怎樣去運作,伍允龍直言感到不服氣:「咁啱當時TVB有幾部劇搵我,但我經理人覺得唔適合推咗。直至之後Jazz(監製文偉鴻)搵我拍《城寨英雄》,晶哥問我想唔想做,我即刻話想做,我當時已經唔係淨係話唔忿氣,而係想證實我都做得到。」

伍允龍 在無綫劇《城寨英雄》飾演「龍成虎」一角,終令伍允龍成功入屋。
在無綫劇《城寨英雄》飾演「貓仔」龍成虎一角,令伍允龍成功入屋,但他指初時拍TVB劇曾惹來討論區不少網友負評,包括指他樣子奇怪、講對白唔清晰等,直到後來開始受到讚賞,才感覺吐氣揚眉。(圖片來源:《城寨英雄》截圖)

伍允龍對上一次拍拖一年 曾帶劉佩玥見好兄弟

伍允龍被指單身已久,他解釋是因為自己現階段唔想搵女朋友,只想搵老婆,所以要更小心地去選擇對象。他又提到在鍾嘉欣之後他亦有拍過拖:「我對上一個(女友)帶過出嚟同Andy(安志杰)、Jessica食飯,當時Andy話呢個女仔OK,之後我真係同呢個女仔拍咗一年拖左右。」近年伍允龍拍《城寨英雄》和《鐵拳英雄》,先後與拍檔劉佩玥及唐詩詠傳出過緋聞﹗

伍允龍 2016年,伍允龍曾因拍《城寨英雄》,而與拍檔劉佩玥傳出緋聞,伍允龍曾在訪問中大讚阿Moon係非常好嘅女仔,話兩人拍完《城寨英雄》後變咗好朋友,做朋友有時出去食吓飯、見吓面好正常!
2016年,伍允龍曾因拍《城寨英雄》,而與拍檔劉佩玥傳出緋聞,伍允龍曾在訪問中大讚阿Moon係非常好嘅女仔,話兩人拍完《城寨英雄》後變咗好朋友,做朋友有時出去食吓飯、見吓面好正常!(圖片來源:新傳媒照片庫)
伍允龍 伍允龍曾帶埋緋聞女友劉佩玥出席友人聚會,安志杰Jessica C.一家出席,劉佩玥抱住安志杰大女,完全融入當中﹗
伍允龍曾帶埋緋聞女友劉佩玥出席友人聚會,安志杰Jessica C.一家出席,劉佩玥抱住安志杰大女,完全融入當中﹗(圖片來源:新傳媒圖片庫)

鍾嘉欣已成幸福少奶奶

鍾嘉欣自07年拍電影《十分愛》跟伍允龍相戀後,有傳電視台及唱片公司高層都嫌棄伍允龍知名度低,怕男方會拖累嘉欣影響人氣,因此兩人拍拖8年,一直都是地下情。2015年兩人分手後,未夠一年鍾嘉欣已搵到筍盤Jeremy,成為幸福少奶奶,至今已誕下一子一女,而伍允龍現時仍然單身。

伍允龍 影視博覽2022 鍾嘉欣直言同老公商量過後,決定未來要休息一年,專注照顧家庭。
鍾嘉欣2015年底嫁給了醫生Jeremy,婚後誕下一子一女,移居加國。(圖片來源:[email protected]

伍允龍曾指亞洲娛圈文化奇怪

其實早在2016年,伍允龍接受本刊專訪時,亦曾談及對地下情睇法,當時他相當隱晦表示:「我覺得亞洲娛樂圈文化有啲怪,女仔唔畀拍拖,男仔又唔畀拍拖,我覺得呢個文化,係要畀觀眾覺得有希望,其實我諗今時今日唔係好興呢啲,呢啲假象唔使再做,我自己個人想保密,唔係因為形象問題,而係想保持私隱。」

伍允龍 {IPTC-DATA:NMG,data:{photoID:2001490}}
伍允龍在訪問中表示和鍾嘉欣仍是朋友,對於她結婚亦有送上祝福。(圖片來源:微博@伍允龍Philip Ng)

常見問題

伍允龍與鍾嘉欣當年分手原因是公司施壓嗎?

伍允龍透露當年女方比自己紅,又受到公司施壓而對他提出要求…詳情請看

伍允龍被爆當年揚言一定要拍TVB劇集原來有故事?

伍允龍當年曾揚言一定要入TVB拍劇集,他直言感到不服氣…詳情請看

撰文:東方新地圖片來源:新傳媒照片庫、《諸朋好友》截圖

讀者留言