何家勁唱愛國歌片段曝光 曾獲網民選為最正氣藝人

何家勁唱愛國歌片段曝光 網民：好正氣變好愛國

憑住當年《包青天》展昭一角，現年61歲嘅何家勁紅遍華人地區，近年已淡出娛樂圈。近日網民翻炒佢上載到抖音嘅一條片，片中何家勁唱出《萬里長城永不倒》一曲，唱歌表情超豐富，情緒澎湃。不少大陸網民大讚佢唱得超激昂，完全展現到愛國心情！

何家勁五大原因 獲網民選為最正氣藝人

話說，連登討論區曾經有個以「一人一個最正氣藝人」為題嘅投票，結果唔少網友都紛紛留言，為自己心目中嘅嗰位正氣藝人投下神聖一票！

結果就以現年61歲嘅何家勁力勝多位現時小生！網民紛紛指何家勁當年嘅展昭造型好深入民心，又大讚佢好靚仔之餘，仲好英氣同正氣！

其實都難怪大家會投何家勁一票嘅，事關當年套劇集《包青天》勁hit，就連當時嘅兩大台TVB同亞視都爭住播，而劇中飾演正氣展昭嘅何家勁更因劇集播出而紅透兩岸三地！

何家勁五大正氣男神條件

｜操得一身健碩肌肉

唔講大家未必知，原來何家勁入行做演員前係一位足球員，更曾效力香港足球聯賽球隊流浪，有良好運動底子！

加上平日何家勁亦非常熱愛做運動，游水、做gym樣樣有，操得一身健碩肌肉！雖然依家先59歲，但著起短䄂衫結實嘅肌肉表露無遺！

｜keep住年輕外貌

據知，何家勁對於養身有自己一套，曾表示每天吃早餐前喝一杯全穀物飲品，因為有助曾加飽腹感，而且纖維有助排毒。此外，他飲食以全穀物及生果為主，於飲食下手，盡量食得清淡啲！

另外，何家勁仲透露過自己最大嘅年輕法寶係：「最緊要係保持童心，日日都要心情愉快。」，心情輕鬆愉快，自然人都開人啲靚啲啦！

｜未婚

1989年，何家勁演電視劇《不了情》時對金素梅一見鍾情，二人於其後再度合作電視劇《緣》且發展成戀人，可惜最終二人難逃分手命運。然而，事後何家勁曾表示：「如果60歲時，彼此都沒嫁娶，就在一起共度餘生。」

｜身家過億

2013年，何家勁演完電視劇《新燕子李三》後決定淡出娛樂圈，之後返內地創立自家飲食品牌勁家莊，一心打理健康食品生意。

除咗打理生意，何家勁更係食品公司董事及身兼政協，外界曾估計何家勁身家已逾億，單係咁都夠吸晒引！

｜善心回饋社會

另外，何家勁雖然係個隱形富豪，但仍不忘回饋社會，擔任惠州旅遊形象大使，並熱心積極參與公益慈善活動，善心爆棚！