係咁先啦

試當真《係咁先啦》疑二創經典廣告歌 網民:真係好似喎!

最新娛聞

廣告

由MC $oHo & KidNey(蘇致豪和許賢)主唱,加上Kayan9896客串演唱的《係咁先啦》,上載至YouTube短短半年左右,點擊觀看次數已逾470萬次,更重要的是此歌在香港年輕一輩、有留意流行文化的族群裡街知巷聞,幾乎人人都能哼唱「走先喇,係咁先喇,下次再玩吖」。不過,近日有網友表示《係咁先啦》「疑似抄歌」!

文:東方新地|圖:[email protected]_sochiho、《係咁先啦》MV截圖

係咁先啦 《係咁先啦》一曲以近乎數白欖的說唱形式,唱出一大班人聚會至凌晨零時左右就會有的爭扎。歌曲琅琅上口很洗腦,以致幾乎街知巷聞,人人都識哼唱「走先喇,係咁先喇,下次再玩吖」。
《係咁先啦》一曲以近乎數白欖的說唱形式,唱出一大班人聚會至凌晨零時左右就會有的爭扎。歌曲琅琅上口很洗腦,以致幾乎街知巷聞,人人都識哼唱「走先喇,係咁先喇,下次再玩吖」。(圖片來源:[email protected]_sochiho)

被指神似靜心口服液廣告歌

有網友以「係咁先喇 疑似抄歌」為題開Post,並表示自己被《係咁先啦》洗腦,腦海不斷浮現歌詞,更慢慢覺得首歌有似曾相識的感覺,反覆思索後該網友想起一個經典廣告及其廣告歌,就是薛家燕代言過的靜心口服液。

網友找到並轉載上述廣告歌的片段,聽過之後不難發現廣告歌裡的「我大個仔,大個仔喇,買盒靜心畀媽媽」和「我升職喇,升職喇,買盒靜心畀媽媽」兩句歌詞,無論長短、韻腳還是旋律,都與「走先喇,係咁先喇,下次再玩吖」極其相似。

網民各有詆譽

眾多其他網民聽過之後亦都表示認同開Post的樓主,紛紛直言:「真係好似喎!」有人更把兩者的兩詞混在一起,又真的唱得通:「走先啦,係咁先啦,買盒淨心比媽媽。」甚至有高手立即將《係咁先啦》與靜心廣告歌Mix在一起,出來效果沒甚違和感,難怪有人斷言:「根本就係抄靜心。」

另有人表示《係咁先啦》一曲充其量也只有「走先喇,係咁先喇,下次再玩吖」等幾個小節談得上與廣告歌相似,其他絕大部分歌詞與旋律都有獨特性,應該談不上抄襲吧。

有些網民也說得中肯:「坦白講,人類發展都係大家抄下唔同人嘅好嘢。藝術、科技、飲食、教育、行政乜都係,各有各風,各有各賺。」「現代音樂歌曲發展咗半世紀,其實點會唔似,大家都係用同一種樂理。」

有不少網民聽過《係咁先啦》,再聽靜心廣告歌,都認為兩者之間存在一小節相似的旋律,甚至把兩者的兩詞混在一起唱也沒有違和感,更有人直接把兩者Mix在一起作比較。
有不少網民聽過《係咁先啦》,再聽靜心廣告歌,都認為兩者之間存在一小節相似的旋律,甚至把兩者的兩詞混在一起唱也沒有違和感,更有人直接把兩者Mix在一起作比較。(圖片來源:LIHKG截圖)

化腐朽為神奇

也有人套用「認真就輸了」看待所謂「《係咁先啦》疑抄歌」,並指《係咁先啦》的演唱者均來自YouTube頻道「試當真」,作品能吸引觀眾眼球、造成話題便稱得上成功,大家看完、聽完覺得正、覺得有趣就足夠,無需認真Mode下下尋根究底,說不定轉個頭蘇致豪、許賢和Kayan9896就會發揮小宇宙,把是次抄歌疑雲化腐朽為神奇,扮鬼扮馬重新演繹一次靜心廣告歌,自嘲又好,賣情懷也罷,都足以娛樂大眾,贏取掌聲。

係咁先啦 無論是參考還是巧合,有網民指要是蘇致豪和許賢隨即惡搞一次靜心廣告歌,將會是引領熱話、贏得眼球的代表事件。
無論是參考還是巧合,有網民指要是蘇致豪和許賢隨即惡搞一次靜心廣告歌,將會是引領熱話、贏得眼球的代表事件。(圖片來源:《係咁先啦》MV截圖)

《係咁先啦》成績見得人

《係咁先啦》一曲,用簡單明瞭的節奏與旋律,配合貼地生活化的歌詞,以近乎數白欖的說唱形式,唱出一大班人聚會至凌晨零時左右就會有的爭扎:「慳的士錢趕尾班車掃大家興,還是難得見面玩夜啲玩得盡興啲?」琅琅上口加上產生共鳴,以致《係咁先啦》有資格競逐音樂榜甚至獎項,包括:在《Chill Club》2021年第41周推介榜上榜,第46周及第47周連續位居推介榜第2位,在第48周成為推介榜冠軍歌;《2021年度叱咤樂壇流行榜頒獎典禮》「我最喜愛的歌曲」票選中,成功晉身十強;主唱MC $oHo & KidNey更奪得《2021年度叱咤樂壇流行榜頒獎典禮》「叱咤樂壇生力軍組合」銀獎。

由MC $oHo & KidNey主唱,加上Kayan9896客串演唱的《係咁先啦》雖一度被指唔入流,但其受歡迎、街知巷聞程度足以角逐最受歡迎甚至年度歌曲。
由MC $oHo & KidNey主唱,加上Kayan9896客串演唱的《係咁先啦》雖一度被指唔入流,但其受歡迎、街知巷聞程度足以角逐最受歡迎甚至年度歌曲。(圖片來源:[email protected]_sochiho)

https://www.youtube.com/watch?v=S1v_d_e_E_g

讀者留言