傳鍾嘉欣誕B女 香香做契媽
廣告
鍾嘉欣今年2月同老公Jeremy喺溫哥華補擺婚宴，當時嘉欣已肚凸凸，後來嘉欣於5月宣布有喜！最近，有傳鍾嘉欣於溫哥華誕下B女，處女黨成員王君馨、李亞男、苟芸慧等均送上祝福，更有指岑麗香已急飛當地探B，順便當B女契媽，恭喜恭喜！
其他文章︰
大個女喇！ 和服look沈月索過邱淑貞
同Stephy分手5個月 方力申喪操變肌佬
結婚已陀B
今年2月補擺喜酒時，據知嘉欣已懷胎3個多月，當時佢怕BB小器，所以懶神秘說：「講真，BB嘅嘢，唔好亂講，我覺得太早，我會適當嘅時候公佈。(怕小器？)BB嘢就唔好講啦，有咩事就唔好啦。」到5月時，有指嘉欣得知陀B女，即滿心歡喜跟大家些牙喜訊：「很快，我會進入人生另一個階段：做媽媽！我非常期待、異常興奮！當兩個心連成一個，感覺很奇妙！」
香香做契媽
有傳鍾嘉欣誕下B女後，香香即放低手頭工作，急飛去溫哥華探嘉欣同BB，據知香香早已跟嘉欣表示想當BB契媽，依家BB一出世就咁多人鍚，真係令人好羨慕呀！不過計番日子，到8月為止嘉欣只陀B約9個多月，咁快就生唔通早產？！
