劉威煌

中年好聲音2|劉威煌8強止步 億萬駙馬曾開個唱情歌冧老婆

最新娛聞

廣告

憑《超級巨星1》入行嘅劉威煌於2014年正式離巢TVB,久未露面的他回巢參加《中年好聲音2》,參賽以來表現可算突出,但可惜昨晚(03/17)播出的7強爭奪戰,Rap衰咗僅獲82分無緣進入7強總決賽!

中年好聲音2總決賽7強名單

中年好聲音2 8強止步|劉威煌 (43歲) 曾參加《巨星1》

來到準決賽劉威煌竟然膽生毛挑戰唱 Rap,可惜最終唔 work,伍仲衡說:「有咩理由 semi final 試新嘢,你嗰段 rap 係令我更加扣分,唔好喺比賽嘗試唔擅長嘅嘢!」最終威煌僅獲 82 分, 在累積排名榜包尾,8 強止步。

憑《超級巨星1》入行嘅劉威煌於2014年正式離巢TVB,久未露面的他回巢參加《中年好聲音2》,參賽以來表現可算突出。

劉威煌
劉威煌回巢參加海選,不過就唱到甩曬嘴。(圖片來源:《中年好聲音2》截圖)
劉威煌
當年劉威煌同許廷鏗參加同一屆《超級巨星》。(圖片來源:TVB
劉威煌
億萬駙馬劉威煌開騷唱情歌冧富貴老婆。

唱情歌冧富貴老婆

劉威煌(Ryan)14年秘密同有米老婆林佳琪(Sandy)結婚,有指太太是富家女,娘家在大陸經營礦業生意,家住半山區並持有多個物業,而Sandy本身有近億物業揸手,所以外界封Ryan做「億萬駙馬」。日前劉威煌在麥花臣舉行音樂會,太太都有到場支持,Ryan亦好識做在台上感謝老婆多年來的包容,更唱出情歌《你是如此難以忘記》送給太太,大晒恩愛。

劉威煌
劉威煌(Ryan)14年秘密同有米老婆林佳琪(Sandy)結婚。
劉威煌
社交距離防疫措施下,演唱會放寬至7成半入座率,氣氛熱鬧。
劉威煌
演唱會同步在網上做半場直播,供粉絲觀賞。
劉威煌
Ryan好識做,在台上感謝老婆多年來的包容,更唱出情歌《你是如此難以忘記》送給太太,大晒恩愛。
劉威煌
何雁詩都有到現場睇騷。

億萬駙馬被嘲:軟飯都唔識食

到了Encore部分,劉威煌在台上突然有感而發:「有人吹到好大,話我係億萬駙馬,話我軟飯都唔識食,我就係咁硬頸,亦唔係乜嘢億萬駙馬。」之後Ryan接受訪問再補充說:「唔知點解有咁嘅稱號,網民有少少人生攻擊,話我『軟飯王』,又有人話我軟飯都唔識食,白癡!但我在明,佢在暗,無得玩,我問心無愧。」

劉威煌
到了Encore部分,劉威煌突然有感而發。
劉威煌
Ryan在台上說:「有人吹到好大,話我係億萬駙馬,話我軟飯都唔識食。」
劉威煌
之後Ryan接受訪問時表示自己問心無愧。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

圖片來源:《中年好聲音2》截圖、TVB