入行17年出處女寫真 33歲李彩華 半裸露背搶攻書展
一年一度嘅書展己經開始，再次成為寫真界爭妍鬥麗嘅舞台，除咗一眾新晉?模，就連現年入行17年、現年 33歲李彩華 都處女下海，推出同名寫真集《RAIN》，同一班後輩鬥靚鬥身材。雖然李彩華已經年過三十，同班後生女嘅年齡相差起碼成十年，但 依然樣靚身材正，寫真仲半裸露背同大玩魚網絲襪，成功俘虜一眾宅男歡心！
33歲李彩華 寫真大解放
出道17年嘅 33歲李彩華 到宜家先出寫真集，佢話其實多年來都好想出寫真，只係一直無機會，就算今次拍攝工作的籌備時間都好短，又得兩日由內地趕番香港進行拍攝，都好希望成事。Rain嘅身材可能不及其他?模豐滿，不過輯相呈現到佢身材均勻，線條好好，半裸大露背、化身性感小野貓， 李彩華 都完全carry到。今次大解放，李彩華話靚、唯美就得，效果唔係意淫，男朋友過目時，仲笑言唔夠性感呢！
延伸閱讀：
逢人電濫 收兵 劉佩玥一晚撻兩仔
千語BB 箍煲成功 林峯御准入住新愛巢
內地勁賣八萬本
李彩華這本處女作，在大陸已經有八萬本的銷量，又有十幾個廣告商認購咗，睇嚟大家對昔日走純情小背心嘅Rain，作性感大解放都深感興趣。Rain透露今次出寫真純粹為慈善，收益扣除成本後會捐去幫助山區兒童。李彩華早前到書展幫寫真谷人氣，當日佢打扮性感，着晒Deep V、魚網黑絲、配緊身超短褲，再加埋閃令令珠片牛仔褸，相當養眼。不過，有網民就覺得大媽味濃，話大陸啲大媽先會珠片衫配魚網黑絲。究竟係潮味，定娘味，大家自己定斷！
凍齡成功 寫真sell唯美
寫真除了性感相，李彩華散發出陣陣少女味， 睇相唔講仲以為佢得廿幾歲。書展上，Rain被問到會唔會再出寫真集，佢話「可能啦，但唔知啦！」至於男友有冇叫佢影得再激啲？Rain笑言：「下次可能叫佢操刀(幫你影相？)佢影得差，影到我腳短，要教佢影！」索樣十年如一日，fans就當然希望有下次啦！
以前同宜家，似乎真係分別唔大喎！
全文完
