造星Moley

全民造星5︱Moley「負評王」學習善良再戰 曾被指帶頭排斥姜濤惹熱議

最新娛聞

廣告

ViuTV人氣節目《全民造星V》早前公佈了94強參賽者,未開播已經引起網民熱議。其中有網民認出《造星1》中搞到姜濤喊嘅彭家恆(Moley)再度參賽。再戰《造星》的彭家恆在接受傳媒訪問時表示在事件後有自我檢討,開始「學習善良」,唔知今屆彭家恆能否成功撇甩「負評王」,一改形象成為「好評王」。

負評王Moley彭家恆為移民家姐再戰《造星》

現年30歲的Moley彭家恆曾經參加過《全民造星I》並打入20強,不過當年彭家恆人氣麻麻,甚至被封為「負評王」。彭家恆早前接受傳媒訪問時,表示其實早想參加《全民造星IV》,可惜該屆只接受女參賽者,所以今年先再參賽挑戰《全民造星V》。

Moley 彭家恆 彭家恆今次捲土重來,再戰《全民造星V》,唔知今次可唔可以撇甩「負評王」變成「好評王」呢。
彭家恆今次捲土重來,再戰《全民造星V》,唔知今次可唔可以撇甩「負評王」變成「好評王」呢。(圖片來源:[email protected]

Moley曾因搞喊姜濤惹熱議

當年參加第一屆《全民造星》時,彭家恆曾經狠批姜濤經常遲到:「我嗰此係尖沙咀排舞房,阿Man(Lokman)係義務留底咁幫大家唔熟嘅排舞,咁你(姜濤)遲到,我覺得呢個舉動好唔respect阿Man。當嗰一刻發生咗,我直情唔鐘意佢呢個人。」講到咁狠,搞到姜濤當時都即刻淚崩當場,同時亦令彭家恆被封為「負評王」,指彭家恆欺凌姜濤,帶頭排斥姜濤

Moley 彭家恆 當年彭家恆狠批姜濤遲到,仲直言「直情唔鐘意佢呢個人」
當年彭家恆狠批姜濤遲到,仲直言「直情唔鐘意佢呢個人」(圖片來源:《全民造星》截圖)
Moley 彭家恆 搞到姜濤爆喊
搞到姜濤爆喊(圖片來源:《全民造星》截圖)
Moley 彭家恆 當時網民都話彭家恆帶頭排擠姜濤
當時網民都話彭家恆帶頭排擠姜濤(圖片來源:《全民造星》截圖)
Moley 彭家恆 搞到彭家恆成為「負評王」
搞到彭家恆成為「負評王」(圖片來源:《全民造星》截圖)

Moley事後自我檢討 開始「學習善良」

事隔多年,彭家恆都表示自己有作自我檢討,去年參加HMVOD《敗者重生戰》時,都話自己一直有長進,並且在「學習善良」。今次參加《全民造星V》,他表示明白當年俾人印象麻麻,並稱自己已經大個仔,希望觀眾能夠看到新一面的自己。此外,彭家恆透露近年開始跟梁祖堯學做戲,透過演戲令自己變得更加開朗、學會放下,令自己比以前更加開心,世界觀亦因此有所改變。

Moley 彭家恆 彭家恆當年鬧完姜濤遲到之後,去年參加《敗者重生戰》就畀監製鬧開會遲到。
彭家恆當年鬧完姜濤遲到之後,去年參加《敗者重生戰》就畀監製鬧開會遲到。(圖片來源:《敗者重生戰》截圖)

《造星》後身兼多職維持生計

參加《全民造星I》後,彭家恆近年開始經營餐廳,雖然仲未回本,但佢相信堅持就有希望此外,為了維持生計,彭家恆亦有拍攝廣告、做補習老師,非常勤力。

Moley 彭家恆 彭家恆近年開始學演戲,時不時出演學生作品。
彭家恆近年開始學演戲,時不時出演學生作品。(圖片來源:[email protected]

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

圖片來源:[email protected]、《全民造星》截圖、《敗者重生戰》截圖