兩遇賤男 滕麗名十大正面愛情金句

兩遇賤男 滕麗名十大正面愛情金句

最新娛聞

廣告

40歲滕麗名(阿滕)最近憑熱爆劇《一屋老友記》成民間視后,人氣爆燈!其實阿滕入行廿一年,直至今天先爆紅絕對苦盡甘來,就好似佢愛情路一樣,曾遇上兩名賤男魏駿傑及郭政鴻,雖然受盡情傷、歲月慘被蹉跎,但一樣堅強面對!而阿滕說過嘅十大愛情金句,句句發人深省,最終佢於2013年與圈外男友朱建昆結婚,修成正果!

其他文章:

專出童顏?細寶阿雪原來係中學師兄妹

《一屋老友記》扮廢青 細寶張彥博勁有才華

拍《陀槍師姐》搭上魏駿傑

《陀槍師姐》絕對係阿滕代表作,98年阿滕跟魏駿傑因拍該劇而擦出愛火花,甚至達談婚論嫁階段,可惜九年後至2007年,二人宣布分手!

賤男變妻女奴

分手原因係魏俊傑當年搭上內地女學生張利華,魏、張二人更於08年火速結婚,之後魏被網民喪插係賤男,貪新忘舊!2010年張利華為魏駿傑誕下女兒Jessica,之後魏當妻女奴!

誤當第三者

直至2008年,滕麗名跟郭政鴻拍劇集《桌球天王》啜出情緣,正當大家以為阿滕終於找到一個超級好男人,紛紛送上祝福之際,甜蜜一年多後,男方被爆原來與內地女子已婚兼育有一名女兒!

即刻斬纜

阿滕再次遇到賤男,誤當第三者後,即決心斬纜,於09年7月宣布跟郭一刀兩斷!

終獲幸福

直至2011年阿滕撻着圈外男友朱建昆,拍拖以來一直愛得癡纏,期間更多次結伴外出蜜遊,2013年初男方正式向阿滕送上鑽戒求婚,同年底拉埋天窗,阿滕正式成為朱太!

Think positive十大金句

40歲阿滕身形依然keep得好好,咁多年都冇乜走樣,係圈中其中禾稈冚珍珠嘅美魔女!而對於以往感情創傷,阿滕不但坦言面對,仲好正面咁說出以下十大愛情金句,句句到肉!

1.對於與賤男魏駿傑分手,阿滕並冇指罵對方,因為:「我奉勸所有為情所傷嘅女士,一係你面對唔到,死咗算數,一係靚靚女女企出嚟,搞到自己殘到死,愁眉不展,好運唔輪到你,因為你唔開心嘛!口講容易,但我可以好自豪講『我做得到』!」

 

2.雖然分手後要孤獨生活,但阿滕表示自由更可貴:「最唔習慣係煲劇冇人同我講劇情。但思想行為上,我自由了!」

 

3.阿滕表示女人就算單身,都可以好堅強!「記得有次三號風球,電燈膽突然自爆,成塊玻璃插親手臂,流血不止,但我好冷靜喎,打俾某男性朋友,叫佢車我去醫院,所以大家放心,身邊有好多愛錫我嘅朋友,我死唔去!」

4.面對情傷,阿滕教大家如何釋懷:「有啲事過去就過去,冇事就冇事,有事就有事。」

 

5.對於曾被魏駿傑於微博鬧賤人,阿滕得啖笑,還拋出金句寸舊愛:「幸福嘅人唔會周圍鬧人!」

 

6.對於賤男魏駿傑劈腿,阿滕仍冇數臭對方:「搞到最後分手,我肯定冇做錯啲咩,佢有冇有同我say sorry?我唔講喇,因為我講出事實,影響人就無謂啦!」

7.阿滕指就算失戀,都要型過人:「失戀大晒咩?女人尊重自己,別人先會尊重你,失戀走出來喊,好核突!」

 

8.若知另一半不再愛自己,阿滕會立即放手,唔再拖泥帶水:「愛嘅時候,我好愛;一唔愛,我就立刻say goodbye,你話我撇脫咩?算係!」

 

9.阿滕認為世界好大,感情只係人生一部分而己!「唔通我失戀就要生要死?所以我心情復原得好快。凡事睇闊啲,人嘅思維會唔同!」

 

10.阿滕告戒姊妹,失戀後喊係冇意思:「我覺得女人唔可以喊苦喊忽,咁樣唔靚,我唔會靠咁去博同情,有人同情又賺咗咩?」

 

全文完

 

常見問題

世界盃熱播中,電視台劇集方面有咩特別安排?

IFA卡塔爾世界盃足球賽於11月舉行,每天都有隊伍晉級,分組賽中勝出者分別為…即看世界盃2022賽果一覽;想知道每天世界盃賽事賽果及各個小組積分表、出線走勢,按此看世界盃分組賽積分表;如想知道世界盃外圍賽五大洲各出線國家隊伍的戰績及積分榜,按此看世界盃2022外圍賽詳情;各個國家除了競逐冠軍錦標外,每國球員也同時爭取個人榮譽及獎項,按此看世界盃神射手及助攻王排行榜。而電視台劇集方面,TVB台慶檔劇集陣容強勁,包括:晚上8:30黃宗澤蔡思貝主演嘅《法證先鋒V》,按此看劇集&角色介紹;到9:30播放《鐵拳》班底拍攝嘅《超能使者》,按此看劇集&角色介紹;而ViuTV熱播中嘅原創劇《繩角》即將進入結局周⋯⋯按此看大結局劇情劇透

聖誕快將來臨,而2022到2023演唱會更是多鑼鑼,有咩搶飛攻略?

一年一度的聖誕節又到啦!今年聖誕各個商場都有各式各樣的聖誕擺設,小編為你整合多個聖誕好去處2022聖誕餐廳推介,與親朋戚友一同品嘗聖誕大餐。而交換禮物更是每年聖誕必備環節,不同價位的實用聖誕禮物推薦,定有一款啱你心意!而隨著疫情過去,有不少歌手宣布舉辦演唱會,例如:MC張天賦演唱會(12月20日公開發售)Westlife演唱會(12月1日公開發售)、許廷鏗演唱會(12月2日公開發售),更有Twins演唱會鄭秀文演唱會Clockenflap;喜歡K-pop的你亦有福了,因不少韓國天團更宣布有巡迴演唱會香港站,即睇:AOMG香港演唱會,5大人氣歌手大唱Hip Hop騷(12月5日公開發售)、MAMAMOO演唱會!小編為你整合了優先購票日期、公開售票日期、門票價錢、座位表等,想搶飛粉絲必定要留意!

讀者留言