冇男友有好姊妹 胡定欣喊住開35歲生日P
今個月9號係胡定欣35歲生日，日前定欣提早同胡說八道一班好姊妹切蛋糕慶祝，雖然今年冇男朋友一齊過，但有杏兒、豹嫂、姚子羚等老友又錫又攬，一時感觸竟然開心到喊！其實今年定欣幾套劇都大收，好有機會冧莊做視后，35歲有事業有姊妹有樓有車，已經係人生贏家啦！
延伸閱讀：
12年恩怨一筆勾銷 楊怡請胡定欣飲喜酒
猜枚可以賭幾大？ 何猷君贏表哥一架法拉利
定欣早前雖然同音樂人Terry Chan分手，無法達成35歲前結婚嘅願望，但定欣今年事業一帆風順，《公公出宮》、《一屋老友記》同《城寨英雄》三套劇擔正做女一之餘，收視都相當唔錯！究竟定欣係因為冇仔陪太傷心，定還是覺得有班好姊妹太幸福而喊呢？
