劉愷威接小糯米放學 楊冪冇影

劉愷威接小糯米放學 楊冪冇影

最新娛聞

廣告

日前楊冪被影到來港湊女兒小糯米返學!不過,今日小糯米放學,只有爸爸劉愷威及嫲嫲接送,反而楊冪就冇影,唔通佢咁快撇低個女,北上搵銀!?

延伸閱讀︰

林夏薇懶理老公情史︰每個人都有過去

胡說八道飯局 豹哥被迫扮紅唇刁蘭

愷威與媽咪接小糯米

自從劉愷威同楊冪結婚後,多次傳出二人婚姻亮起紅燈,又被指二人掛住搵銀,留低女兒小糯米喺香港俾爺爺嫲嫲湊!更有報道指小糯米就算幼兒班畢業,劉愷威同楊冪都冇影,出席囡囡「第一次」畢業禮,楊冪淡然說:「小糯米還沒有上幼兒園,所以不太清楚怎麼會有幼兒園畢業典禮的說法。」

日前,楊冪終於來港接效女兒上學,當大家以為佢會抽多點時間陪女兒時,點知今日小糯米放學,楊冪完全冇影,湊女個波踢番俾劉愷威與奶奶!雖然唔見媽咪,但小糯米難得有爸爸及嫲嫲接放學,就算被傳媒追訪,依然笑容燦爛,反而本來四萬咁口嘅愷威,被追問太太楊冪喺邊時,就板起塊面,好似嬲咗成村人咁!

諸葛紫岐:阿仔鍾意返學

除了劉愷威之外,諸葛紫岐(Marie)親自接兒子薛華韜放學,Marie一身格仔裝、素顏戴黑超現身,大騷長腿好搶眼!問到係咪經常湊兒子返放學,Marie說:「間中啦,邊個得閒就邊個送。(囝囝鍾意返學?)好鍾意、好開心。」

應昌佑仔扭計

而應昌佑表示兒子Travis今早返學時扭計,但放學後就心情靚晒,Travis見到傳媒好有禮咁say hi同講byebye,勁精靈!

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!