劉馬車

劉馬車疑涉3項控罪今日提堂 被爆1月出獄後再衰1事被捕

最新娛聞
劉馬車於2023年1月出獄,並指自己希望向著「歌手之路」發展,日日拍片唱歌周街走,仲話要參加《全民造星V》,不過就指被花姐侮辱,唔俾佢參加。後來有知情人士爆料劉馬車再次入魔,又衰一事要入返去,今日(18日)法庭日誌顯示同劉馬車同名衰3項控罪,今日提堂!

劉馬車 (圖片來源IG@carriagelau0415)
劉馬車 (圖片來源IG@carriagelau0415)

劉馬車涉3項猥褻侵犯罪今日提堂

劉馬車突然於2星期前無再更新社交平台,早前被知情人士爆料疑似再衰咸濕被捕。

案情指,與網絡紅人「劉馬車」同名的被告劉駿軒(27歲),被控於今年4月26日,在天水圍天福路港鐵站的扶手電梯猥褻侵犯一名女子;同日,被告再於天水圍站月台,往元朗方向猥褻侵犯另一名女子。時隔兩日,即同月28日,被告於天水圍天恩路一間酒店的地下咖啡店,猥褻侵犯第3名女子。即是,「劉馬車」三日內涉嫌猥褻侵犯3名女子。而翻查記錄,「劉馬車」犯案纍纍,在香港及內地合共有7項刑事犯罪紀錄。

今日(18日)司法機構網站的法庭日誌所顯示的審訊案件表中,劉駿軒(劉馬車真名)今日早上喺屯門裁判法院提堂,被控3項猥褻侵犯Indecent assault。不過亦有網民指呢單唔係新嘢,而係佢2019時的事拖到今日先提堂「19年個陣有單排緊期,香港有開庭講佢來唔到法庭押後左,咪就係依單依家上返」

劉馬車
(圖片來源:司法機構網站法庭日誌截圖)

劉馬車曾蒲頭回應網民仲道歉

2星期無再更新社交平台的劉馬車,原來曾係1星期前蒲頭,喺最新的post中回應網民,話自己係「我係天水圍陽光少年劉馬車」趁另外一個唔好的劉馬車坐緊時同全香港的網民同埋俾佢傷害過的少女道歉,希望大家唔好再喺現實同佢有任何交流,仲話「我唔想再比呢一隻惡魔走出黎害人」呢番說話令網民質疑佢係咪有人格分裂的問題出現。

劉馬車
(圖片來源:IG@carriagelau0415)

網民:死性不改劉馬車

劉馬車曾在曾在中國深圳區疑似「攪女仔」而被當區拘捕,並將其收監入獄。而事隔數年,劉馬車終於在今年1月出冊,並揚言要洗心革面做人。更希望自己能夠成為歌手,不斷在IG以及YouTube發放「原創歌曲」。對於馬車的歌聲,唔少人都稱佢為「唱得之人」,認為如果不走歪路,或有機會有一番成就。「狗改不了吃x」「今次係咪30歲先出返嚟?」「估唔到咁快又令人失望」「成日x人唔比機會佢,比左機會佢就即刻為害社會」「未夠半年又入返去」

劉馬車 (圖片來源IG@carriagelau0415)
(圖片來源IG@carriagelau0415)

劉馬車出嚟之後再次瘋狂媾女

而劉馬車出嚟之後YouTube以及IG上似乎都再次重回以前的佢,不時都上傳自己如何媾女的影片,去到邊個地方就媾到邊,其片風與未入獄前的他十分相似。而熟識他的人都知道他一直深愛一名叫做「小微」的女生,近日又不斷拍片重提往事,更作歌再向對方示愛。

劉馬車 (圖片來源IG@carriagelau0415)
(圖片來源:IG@carriagelau0415)
劉馬車 (圖片來源IG@carriagelau0415)
(圖片來源IG@carriagelau0415)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地(部分內容轉載至New Monday)圖片來源:IG@carriagelau0415、司法機構網站法庭日誌截圖資料或影片來源:原文刊於NewMonday