十大中文金曲

十大中文金曲|港台稱雖有自己播歌同選舉標準 但絕無封殺歌手

最新娛聞

廣告

香港電台去年同無綫合辦《香港金曲頒獎典禮》,結果劣評如潮,大批歌手缺席,簡直星光暗淡。日前港台新春團拜,廣播處長張國財宣布港台5月將獨自舉辦《廣播95年——十大中文金曲頒獎音樂會》,即係狠拋無綫。而上周六(4日)港台就喺社交專頁貼出投票網站,但睇返港台嘅候選名單,似乎大量歌手都被「封殺」未見入圍,惹來好多歌迷不滿!就此事港台嘅助理廣播處長(電台及節目策劃)李慶華,尋日記者會(8日)就作出咗回應,唔知樂迷收唔收貨。

十大 回應 十大中文金曲 大合照時欣宜企最中間C位。
記者會依然星光暗淡。(圖片來源:[email protected]
十大 回應 十大中文金曲 一眾歌手一齊嗌出「光輝廣播九十五載,開創金曲新時代」口號。
一眾歌手一齊嗌出「光輝廣播九十五載,開創金曲新時代」口號。(圖片來源:[email protected]

十大中文金曲|林家謙歌曲從無登港台三甲 唔入圍好正常

林家謙、陳柏宇及陳蕾等熱門歌手,齊齊無份入圍引起外界嘩然,港台助理廣播處長(電台及節目策劃)李慶華以及《十大中文金曲》大會總監李錦明尋日(8日)喺記者會釐清外界質疑,又強調全部都是按照港台自己的機制去挑選:「我哋唔存在封殺嘅,大家都明啦,每個台都有自己嘅一啲標準,我哋都歷史悠久,我哋有播歌嘅標準,又有我哋選舉嘅標準,所以都冇存在係唔係封殺嘅問題。」

李錦明續回應林家謙點解出局:「因為佢(林家謙)嘅歌未有上到三甲,所以就未能夠成為候選名單。」

十大中文金曲 十大 回應 李錦明指林家謙嘅歌未有上到三甲,所以就未能夠成為候選名單。
李錦明指林家謙嘅歌未有上到三甲,所以就未能夠成為候選名單。(圖片來源:IG@terencelam0903)

十大中文金曲|COLLAR屬上屆新人無得玩

《十大中文金曲》大會總監李錦明指按港台機制,COLLAR屬上屆新人。根據港台投票網站顯示,本屆選舉期為2022年2月5日至今年的2月10日。COLLAR因為係1月出道,喺港台的機制便成為上屆新人。

十大中文金曲 十大 回應 十大 mirror誓再現紅館 COLLAR
唔知COLLAR會唔會嬲嬲?(圖片來源:FB@COLLAR)

十大中文金曲|港台堅稱自己同無綫關係良好

去年港台與TVB合體搞《香港金曲頒獎典禮》,今年突然分道揚鑣,李慶華強調港台與TVB關係良好:「今年係我哋95周年,所以有特別嘅意義,好多人都問點解同TVB停咗(合作),咁冇理由搵第二個機構去幫你慶祝95周年生日㗎!所以我哋一早安排好今年自己搞返《十大中文金曲》。」

至於下年會否再同TVB合體,他表示:「我哋同TVB嘅合作一向都好好,亦唔只係喺音樂方面嘅合作,並不存在不和。」

十大中文金曲 十大 回應 吳業坤右一)上台後與姚焯菲右二)保持大段距離,要司儀出聲才慢慢行近﹗
李慶華強調港台與TVB關係良好!(圖片來源:無綫娛樂新聞台截圖)

十大中文金曲|COLLAR慘「被消失」 無得入圍新人獎

網民對新人獎嘅候選名單抱怨最大!事關大量當紅歌手都榜上無名,無辦法擠身入圍名單,例如COLLAR,網民質疑港台「圍威喂」。原來根據選舉準則,歌手要角逐新人獎就必須於選舉期內,首次推出個人主唱華語或粵語歌曲,同需經在香港首次發行嘅唱片發布,或經唱片公司授權網站供樂迷合法下載;最重要係歌曲於選舉期內,要曾登上「中文歌曲龍虎榜」;並經由唱片公司提名,均自動成為候選新人。

睇返紀錄,COLLAR去年曾有《Call My Name!》及《OFF/ON》打入「中文歌曲龍虎榜」的第3及第2位,兩首歌也有入圍角逐「十大中文金曲獎」;可能其公司無幫COLLAR報名,令佢地無法角逐新人獎的原因。

十大中文金曲 十大 回應 十大 mirror誓再現紅館 COLLAR無份爭新人獎喎!
COLLAR無份爭新人獎喎!(圖片來源:十大中文金曲頒獎音樂會》投票網站截圖)

十大中文金曲|大把歌手齊齊被消失譚詠麟劉德華有份同後生爭獎 

登入港台嘅投票網站,見到有6個獎項可以投票:「十大中文金曲獎」、「優秀流行歌手大獎」、「優秀流行華語歌曲獎」、「最有前途男新人獎」、「最有前途女新人獎」及「全球華人至尊金曲獎」。

但有眼利網民發現被傳遭港台「封殺」嘅謝安琪、許廷鏗、Serrini、方皓玟同樣消失投票名單上,連橫掃多個嘅頒獎禮威風八面的林家謙、近日開騷人氣急升嘅陳柏宇、陳蕾、岑寧兒都齊齊消失,無法角逐「優秀流行歌手大獎」,反而「四大天王」嘅郭富城、劉德華,仲有年過七十嘅譚詠麟都有份入圍,重量級前輩齊齊同後生爭獎咁話!

十大中文金曲 十大 回應 十大 mirror誓再現紅館 傳遭港台「封殺」嘅謝安琪、許廷鏗、Serrini、方皓玟同樣消失投票名單上!
傳遭港台「封殺」嘅謝安琪、許廷鏗、Serrini、方皓玟同樣消失投票名單上!(圖片來源:《十大中文金曲頒獎音樂會》投票網站截圖)
十大中文金曲 十大 回應 十大 mirror誓再現紅館 唔知網民對入圍名單收唔收貨?
唔知網民對入圍名單收唔收貨?(圖片來源:《十大中文金曲頒獎音樂會》投票網站截圖)
十大中文金曲 十大 回應 十大 mirror誓再現紅館 柏豪都有份!
柏豪都有份!(圖片來源:《十大中文金曲頒獎音樂會》投票網站截圖)
十大中文金曲 十大 回應 十大 mirror誓再現紅館 驚見郭富城!
驚見郭富城!(圖片來源:《十大中文金曲頒獎音樂會》投票網站截圖)
十大中文金曲 十大 回應 十大 mirror誓再現紅館 份量級前輩齊齊同後生爭獎咁話!
重量級前輩齊齊同後生爭獎咁話!(圖片來源:《十大中文金曲頒獎音樂會》投票網站截圖)

十大中文金曲|港台狠飛無綫後大批歌手承諾出席 傳MIRROR會齊人蒲頭

港台今年隆重其事,《十大中文金曲頒獎禮》誓於5月6日假紅館大搞,港台已向唱片公司廣發邀請,消息指大派歌手都答應出席,同去年和無綫合辦《香港金曲頒獎典禮》,星光暗淡嘅場面完全兩回事。有傳MIRROR將於5月出席港台嘅頒獎禮,係佢地自演唱會事故後,首度合體再登紅館舞台,對自爆有創傷後遺症嘅「鏡仔」來說,紅館舞台絕對係一大考驗!

鏡粉一向出名投票最有效率,頒獎禮消息一出已經唔少fc為偶像拉票,相信不少獎項絕大機會成MIRROR嘅囊中物。

十大中文金曲 十大 回應 十大 mirror誓再現紅館 今年MIRROR十分努力,除了出了MIRROR出了團體歌《WARRIOR》外,不少成員也推出了今年新歌
MIRROR有可能再橫掃各大獎項!(圖片來源:《WARRIOR》宣傳照)
十大中文金曲 十大 回應 十大 mirror誓再現紅館 男團MIRROR近年人氣爆燈
鏡仔好耐無齊人蒲頭!(圖片來源:ViuTv)

十大中文金曲|港台頒獎禮向來口碑保證 惟舊年同無綫合辦被狂插

《香港金曲頒獎典禮2021/2022》係去年由無綫同港台首次合辦,取代過去無綫《勁歌金曲頒獎典禮》及港台的《十大中文金曲頒獎音樂會》,當時MIRROR因綵排演唱會而缺席,另外有大量歌手不在港無法出席。網民話成個頒獎典禮都有TVB《流行經典50年》的風格,直指仲衰過新城頒獎禮,仲有當紅嘅歌手全部缺席,如林家謙,張敬軒,MC張天賦等等,全然唔見人影,出席歌手數目應該係有史以嚟頒獎典禮最少的一次!當時偲有鏡頭捕捉到菊梓喬疑似悶到瞓著,同以往港台《十大中文金曲頒獎音樂會》星光熠熠嘅場景截然不同!

十大中文金曲 十大 回應 十大 mirror誓再現紅館 香港金曲頒獎典禮 tvb
當紅嘅歌手全然唔見人影。(圖片來源:《香港金曲頒獎典禮2021/2022》截圖)
十大中文金曲 十大 回應 十大 mirror誓再現紅館 香港金曲頒獎典禮
網民力插頒獎禮老土!(圖片來源:《香港金曲頒獎典禮2021/2022》截圖)
十大中文金曲 十大 回應 十大 mirror誓再現紅館 香港金曲頒獎典禮 tvb
鏡頭捕捉到菊梓喬疑似悶到瞓著!(圖片來源:《香港金曲頒獎典禮2021/2022》截圖)
十大中文金曲 十大 回應 十大 mirror誓再現紅館 IMG_20160107_021328
當年港台頒獎禮大受好評!(圖片來源:新傳媒資料庫)

《十大中文金曲頒獎音樂會》何時舉行?於那裡舉行?

港台宣布將於5月在紅館隆重舉行《廣播95年-十大中文金曲頒獎音樂會》,有傳大量熱門歌手齊齊被封殺無份入圍,即睇入圍名單⋯⋯詳情請看

COLLAR為何被消失無得入圍新人獎?

《十大中文金曲》大會總監李錦明解釋指按港台機制⋯⋯詳情請看

撰文:東方新地圖片來源:YouTube、Instagram、無綫娛樂新聞台、新傳媒資料庫、十大中文金曲頒獎音樂會》投票網站截圖、Facebook、《WARRIOR》宣傳照、ViuTv、《香港金曲頒獎典禮2021/2022》截圖、資料或影片來源:新傳媒照片庫