反擊蘇施黃 麥明詩靚抽撐港隊
廣告
早前蘇施黃於電台節目中直指港隊乒乓球一哥黃鎮廷比賽時嘅打扮哩啡，仲叫佢做茂利，節目一出街即惹起公憤，聽眾網友喪鬧蘇施黃唔識尊重人，仲講笑話留名等睇阿蘇公開叫密友金燕玲做茂利！靠把口搵食嘅阿蘇辣着成個香港隊，日前十優港姐麥明詩就力撐黃鎮廷，上載合照兼留言「三個茂利和一個黃鎮廷」。兩個字：靚抽！
延伸閱讀︰
小鮮肉版馬神 馬德鐘18歲仔接棒入行
《城寨》老戲骨梁舜燕鬼馬搶戲
日前蘇施黃叫黃鎮廷做茂利惹公憤，事後並冇為自己言語失當道歉，只係在電台節目玩自嘲，「我日日都會叫人茂利，自己都叫自己做茂利！」你自己係茂利，唔代表其他人都係！一向敢言嘅麥明詩，日前終於發聲兼發相，晌ig上載自己同黃鎮廷合照，並指「每一個運動員背後都是一個可歌可泣的故事。」再hashtag「他姓黃名鎮廷」！
全文完
