口罩小姐

口罩小姐│「浩南」鄭伊琪落街市斬雞謝票 男粉絲爭住去幫襯

最新娛聞
東方新地

廣告

口罩小姐冠軍浩南鄭伊琪參選時曾與193一齊去樂富街市拉票，更曾許下諾言勝出後會返去謝票，浩南果然有口齒，現身街市霸氣斬雞答謝大家支持，仲直播現場情況，真係有唔少人聞風而至……

撰文：東方新地 圖片：ViuTV直播截圖

口罩小姐 浩南重返當日拉票之地樂富街市，跟燒味店老闆雄哥學斬雞。
浩南重返當日拉票之地樂富街市，跟燒味店老闆雄哥學斬雞。
口罩小姐 浩南唔止斬雞，仲斬大嚿叉燒。
浩南唔止斬雞，仲斬大嚿叉燒。

口罩小姐冠軍謝票活動

浩南鄭伊琪算是大熱勝出ViuTV的口罩小姐，參賽期間她與另一參賽者在193帶領下曾到樂富街市拉票，她希望以刀法同靚雞答謝一班街坊支持。

口罩小姐 在老闆指導下，浩南手起刀落，完全冇雞手鴨腳。
在老闆指導下，浩南手起刀落，完全冇雞手鴨腳。
口罩小姐 直播期間，有好多網民支持畀心心，仲叫浩南小心切到手。
直播期間，有好多網民支持畀心心，仲叫浩南小心切到手。

口罩小姐霸氣斬雞

第一次斬雞的浩南完全唔怕污糟彈到周身油，著住件雞仔圖案衫的她非常豪爽，一口氣就斬了三隻雞，隔住個Mon都Feel都個氣勢。

口罩小姐 由12點半斬到1點半，浩南都冇停過手。
由12點半斬到1點半，浩南都冇停過手。
口罩小姐 浩南斬完雞都唔使Sell，即時有支持者現身。
浩南斬完雞都唔使Sell，即時有支持者現身。

男粉絲趕去幫襯

浩南好落力斬雞的同時，原來現場已擠滿支持她的群眾，當中大部分都是男粉絲，浩南快手斬完幾盒雞，已經有男粉絲爭住買。

口罩小姐 多位男粉絲不停與正在斬雞的浩南自拍。
多位男粉絲不停與正在斬雞的浩南自拍。
口罩小姐 買到浩南斬的雞，男粉絲幾開心。
買到浩南斬的雞，男粉絲幾開心。
口罩小姐 燒味店這日生意大增，浩南叫老闆收佢為徒，得閒落場客串。
燒味店這日生意大增，浩南叫老闆收佢為徒，得閒落場客串。
口罩小姐 當日浩南與老闆娘曾前往樂富街市搵燒味店老闆雄哥拉票。
當日浩南與老闆娘曾前往樂富街市搵燒味店老闆雄哥拉票。
口罩小姐 口罩下的浩南，有亮麗的外表。
口罩下的浩南，有亮麗的外表。
口罩小姐 浩南鄭伊琪性格豪爽，甚有觀眾緣。
浩南鄭伊琪性格豪爽，甚有觀眾緣。

將來還有什麼演唱會值得留意？

有不少歌手宣布舉辦演唱會，例如：周湯豪、太妍、鄭容和、Sam Smith、中年好聲音、鄭秀文、容祖兒、Space Music Festival、張學友、李克勤、Twins、久石讓！Mirror各成員會舉行個人演唱會，包括：Edan、AK、姜濤、Anson Lo、Ian、Jer，以及12子合體MIRROR演唱會！
小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！

香港有甚麼週末好去處推介？

2023年端午節快到了！小編為你整合端午節粽推薦和優惠，讓你買得更抵！除此之外，週末可以參觀博物館，例如太空館、科學館、香港藝術館、M+、香港文化博物館等，更為你整合行山路線、野餐地點、絕對是假日消遣的必然之選！

讀者留言

熱門文章