古巨基

古巨基驚喜客串外賣仔 《愛.回家》亮相33秒對白多多

最新娛聞

廣告

歌手古巨基(基仔)即將喺5月舉行紅館演唱會,近日不時就四出宣傳,日前更驚喜現身TVB處境劇《愛.回家之開心速遞》!化身外賣仔的基仔向熊家送外賣之餘,仲同劇中演員有唔少交流。又話說,其實在拍攝前,劇中演員事前並不知基仔嘅出現,所以當見到佢出現在劇集客串,大家都非常驚喜!

撰文:東方新地|圖片:TVB截圖、新傳媒圖片庫、TVB

古巨基驚喜客串外賣仔

古巨基除了做歌手、節目的客席嘉賓及主持外,最近竟然連送外賣都撈埋!大家唔使諗住知道基仔係幫緊邊間餐廳做外賣仔,皆因佢只係喺《愛.回家之開心速遞》入面客串外賣仔一角。劇中基仔驚喜現身,飾演外賣仔拎住兩大袋早餐送去熊家,咁啱就撞正熊家一家人在練武,仲話自己都對武術好有興趣!

古巨基係史上最多對白外賣仔?

雖然今次基仔出場時間只有33秒,一分鐘都唔夠,但都叫有幾句對白,作為客串外賣仔的演員嚟講屬最多對白的一個!演技無生疏的基仔出現,就成為了成集的亮點,為觀眾帶來驚喜。除了《喜劇之王》的周星馳外,基仔今次呢個外賣仔角色夠晒出位!

劉丹叔見到基仔即時勁熱情,話如果想學功夫可以隨時搵佢!

古巨基亂入《愛.回家》

大家如果有留意開古巨基的動向,應該會知道佢下個月會喺紅館開個人演唱會。基仔呢排馬不停蹄四圍出動,仲不時現身娘家TVB,除咗喺《流行經典50年》任嘉賓,當年喺TVB做娛樂主持出身的基仔,早前亦上《東張西望》做埋主持。

古巨基 驚喜客串

基仔今次現身《愛.回家之開心速遞》,唔知觀眾驚喜,劇中演員都一樣!因為佢哋事前唔知㗎!「熊家」眾人都表示開心有基仔呢個意外驚喜,仲話隨時歡迎基仔再嚟劇集客串,睇嚟基仔都好受一眾演員們的歡迎同喜愛。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!