古巨基返TVB找初心 亂入《愛.回家》 整蠱演員

最新娛聞

古巨基嚟緊五月會喺紅館開演唱會,古巨基近來好多新搞作,除咗喺網上直播唱歌,仲上頻頻現身TVB,其實係因為佢當年喺TVB出身,今次希望重回電視城重溫當年藝訓班畢業後,曾經擔任過的工作,尋回初心。繼上次亂入各個節目後,他今次仲驚喜亂入收視極高的處境劇《愛.回家之開心速遞》,扮演一個小角色㖭!

撰文:東方新地|圖片:新傳媒圖片庫、TVB

古巨基亂入《愛.回家》

如果有留意開古巨基嘅大家,應該會知道佢嚟緊五月會喺紅館開個人演唱會。古巨基呢排馬不停提咁四圍出動之外,仲經常現身TVB,除咗喺《流行經典50年》成為客席嘉賓,當年喺TVB做娛樂主持出身嘅佢,最近亦上《東張西望》做埋主持。

古巨基 整蠱演員

不過,今次古巨基又有新搞作,就是俾個意外驚喜俾處境劇《愛.回家之開心速遞》中演員,點會咁簡單呀~基仔原來係要整蠱劇中演員,但演員不但唔介意被整蠱,仲表示開心有基仔呢個意外驚喜咁話,仲話隨時歡迎基仔再嚟劇集客串,嚇下佢地,睇嚟基仔都好受一眾演員們嘅歡迎同喜愛。

古巨基再玩突擊

但古巨基搞作仲未完嫁~佢最近搵番曾任他MV女主角的唐詩詠及好朋友森美再拍MV之外,又去突擊藝訓班課室,咁啱就撞正今屆學生最後一日嘅上畢業課,成為咗同學們畢業前嘅一大驚喜!

讀者留言