古巨基強勢回歸｜10首必聽經典金曲＋新歌
撰文：東方新地
〈初心〉
每個人都有夢想，但係唔係人人都有勇氣堅持向理想進發，「敢去造夢便瘋狂 仍然鎮定如初心」，古巨基呢首作品希望鼓勵大家做任何事都唔好忘記自己嘅「初心」。
〈友共情〉
友共情呢首歌基本上無人不曉，1997年推出，唱足廿年都仲咁多人識，甚至連10後小朋友都唱埋一份，就知有幾hit啦！永恆不變嘅經典！
〈必殺技〉
又點少得古巨基嘅情歌之選 －必殺技呢？「求你別要 如從前 純熟地碰我」，「一關心我已經 等於再殺死我 」！夭心夭肺之選！
〈愛與誠〉
想當年，呢首歌唔止周圍都播緊，基本上人人都係用呢首歌做鈴聲，一聽到「做隻貓 做隻狗 不做情人 做隻寵物 至少可愛迷人」就知又要聽電話。而時至今日，一樣係大把人唱K都仲會唱，經典到不得了！
〈愛得太遲〉
古巨基真係有好多經典歌，呢一首歌真係無可能唔識！「最心痛是 愛得太遲」，後來唱到街知巷聞，仲整咗個男女合唱版，有不老女神周慧敏加持，令呢首歌爆上加爆！
〈傷追人〉
我最多…把軀殼暫時就當不屬我，麻木去受你最後重擊一趟，怕什麼？我堅拒為情敵駁火！
原來傷懂追我 不必去躲
〈眼睛不能沒眼淚〉
呢首失戀情歌雖然非常慘情，但其實有鼓勵人繼續向前嘅意思，人生不如意的事十常八九，喊完之後就冇事㗎啦！
〈重複犯錯〉
呢首真係睇個歌名已經有埋聲：「但我答應我永不要重複犯錯」⋯ 可惜人類總要重複同樣的錯誤。
〈地球很危險〉
睇到「地球很危險」就不禁令人諗起電影《少林足球》入面嘅超級金句，「地球好危險，你快啲返火星啦！」
〈戀無可戀〉
呢首歌收錄喺廣東大碟《告別我的戀人們》，入面嘅歌好多都係發生係古巨基身上嘅真人真事，而呢首＜戀無可戀＞亦唔例外。當年佢同一個女仔由曖昧演變成戀人，但係最後都係分手收場。呢首歌就係講唔好比一剎那嘅激情呃到，「笑著承認愛錯 無怨地分手」，分咗手就好難做返朋友！
Bonus：〈勁歌金曲〉
嘩！〈勁歌金曲〉真係唱K必點！將當年最愛歡迎嘅歌整成一首串燒歌，到依家有時唱唱下「有著我 便有著你 真愛是永不死 穿過喜和悲 跨過生和死」，之後都會接咗句「See me fly I’m singing in the sky」⋯
延伸閱讀：
