叱咤樂壇2022

叱咤樂壇2022|林海峰今年唔敢再玩嘢 重提去年玩AnsonLo一事:要判終身監禁

最新娛聞

廣告

《2022年度叱咤樂壇頒獎典禮》於2023年1月1日舉行,每年林海峰的個人表演都是觀眾最期待的環節之一,而去年林海峰繼續擺MIRROR上枱,仲現場玩殘Anson Lo焫著鏡粉!MIRROR今年繼續橫掃各大頒獎禮,知驚的林海峰今年唔敢再玩嘢,但都依然嚇到Anson Lo唔敢上台!

叱咤樂壇2022 林海峰的Solo「是但噏」環節是每年焦點。
林海峰的Solo「是但噏」環節是每年焦點,去年便玩謝MIRROR。(圖片來源:my903)

惡搞《正義迴廊》 句句寸到入肺

今年雖然林海峰未有搞Solo「是但噏」環節,但就改做拍片惡搞《正義迴廊》,逐個點評有份入圍同無份入圍「叱咤樂壇我最喜愛的男歌手」嘅大熱嘅男歌手。林海峰一開波就寸張敬軒喺年紀最大的「早餐界KOL」,之後又重提自己上年嚇親AnsonLo一事,事情嚴重到要判自己「終身監禁」。跟住又寸叱咤今年橫掃多獎的林家謙同MC張天賦竟然冇份入圍,相反專注拍戲嘅Edan就有份入圍,真係句句寸到入心入肺!

叱咤樂壇2022 今年MC張天賦都冇份入圍「叱咤樂壇我最喜愛的男歌手」
今年MC張天賦都冇份入圍「叱咤樂壇我最喜愛的男歌手」(圖片來源:《2022年度叱咤樂壇流行榜頒獎典禮》截圖)
叱咤樂壇2022 橫掃多獎的林家謙都冇份入圍
橫掃多獎的林家謙都冇份入圍(圖片來源:《2022年度叱咤樂壇流行榜頒獎典禮》截圖)
叱咤樂壇2022
(圖片來源:《2022年度叱咤樂壇流行榜頒獎典禮》截圖)
叱咤樂壇2022
(圖片來源:《2022年度叱咤樂壇流行榜頒獎典禮》截圖)

林海峰唔敢再搞事 一上場重提嚇親AnsonLo一事

林海峰今日一出場就表示吸收了上次的教訓,今次頒獎不會再搞事,只會簡單讀出得獎人的姓名。隨後就直接宣佈「叱咤樂壇我最喜愛的男歌手」的得獎者便是去年被林海峰惡搞過的Anson Lo。被林海峰玩過一次的Anson Lo一聽到自己名字的時候都不敢上台,怕被林海峰再玩多次,等到林海峰親自到台下請Anson Lo上台先敢行上台!

叱咤樂壇2022 在宣佈「叱咤樂壇我最喜愛的男歌手」之前,都惡搞自己去年戲弄Anson Lo一事!
在宣佈「叱咤樂壇我最喜愛的男歌手」之前,都惡搞自己去年戲弄Anson Lo一事!(圖片來源:《2022年度叱咤樂壇流行榜頒獎典禮》截圖)
叱咤樂壇2022 林海峰一出場就話唔敢再玩嘢,會直接宣佈得獎者。
林海峰一出場就話唔敢再玩嘢,會直接宣佈得獎者。(圖片來源:《2022年度叱咤樂壇流行榜頒獎典禮》截圖)
叱咤樂壇2022 Anson Lo一聽到自己嗰名都唔敢上台,怕俾林海峰再玩多次。
Anson Lo一聽到自己嗰名都唔敢上台,怕俾林海峰再玩多次。(圖片來源:《2022年度叱咤樂壇流行榜頒獎典禮》截圖)
叱咤樂壇2022 直到林海峰落台親自請AnsonLo上台先敢信
直到林海峰落台親自請AnsonLo上台先敢信(圖片來源:《2022年度叱咤樂壇流行榜頒獎典禮》截圖)
叱咤樂壇2022 最後林海峰乖乖頒獎俾Anson Lo
最後林海峰乖乖頒獎俾Anson Lo(圖片來源:my903)
叱咤樂壇2022
(圖片來源:my903)

黃偉文勇奪填詞人:千其唔好頒終身成就獎俾我

此外,今年一共寫出24首冠軍歌的黃偉文,今年再次勇奪「叱咤樂壇填詞人大獎」。身在外國的黃偉文今年未能親身出席頒獎典禮,所以預先拍片講得獎感受。片中的黃偉文身穿黃色襯衫,講出長達三分鐘的感言:「我想借呢次機會,多謝我從來未係呢個台多謝過嘅人,亦都好擔心之後會冇機會多謝嘅人。我唔係擔心之後冇獎攞,或者冇頒獎禮去,而係呢幾年我學識重要嘅嘢要喺失去之前好好記住。所以想提大家,千其唔好等我死咗先頒終身成就獎俾我啊,我可以話俾大家知我死咗之後一定唔會去攞獎。」

叱咤樂壇2022 Wyman在得獎感言時表示希望大家能夠珍惜眼前人,又搞笑表示:「千其唔好等我死咗先頒終身成就獎俾我啊,我可以話俾大家知我死咗之後一定唔會去攞獎。」
Wyman在得獎感言時表示希望大家能夠珍惜眼前人,又搞笑表示:「千其唔好等我死咗先頒終身成就獎俾我啊,我可以話俾大家知我死咗之後一定唔會去攞獎。」(圖片來源:《2022年度叱咤樂壇流行榜頒獎典禮》截圖)

黃偉文懷念寫情歌

最後黃偉文亦有多謝一直在旁陪伴自己的好友,自己亦在近年開始寫多咗情歌,希望可以研究情歌的可能性,自己亦很懷念當年可以簡簡單單寫情歌的日子:「如果有得我揀,我會情願可以同我心愛嘅人一再Encore,關起手機靈魂對話,而唔需要隔空咁研究全個世界嘅地板。」

叱咤樂壇2022 講到後段,Wyman都忍唔住哽咽。
講到後段,Wyman都忍唔住哽咽。(圖片來源:《2022年度叱咤樂壇流行榜頒獎典禮》截圖)

林海峰是但噏「鏡粉推介MIRROR十大」

前年林海峰的「是但噏」環節已經透過疫情向MIRROR抽水,先是指成員Ian陳卓賢有個「Ian群組」,又話MIRROR全隊足有12人,一上台會違反「599G」限聚令;今年就再下一城,全段純粹以MIRROR鋪天蓋地的廣告與追星現象作主題,其中改足十首歌詞「鏡粉推介MIRROR十大」包括:

  • 第10位《狂人麥記》
  • 第9位《人類5G閃耀時》
  • 第8位《蒙著嘴去打針》
  • 第7位《大褸的愛》
  • 第6位《留下來Edan》
  • 第5位《俏肥姜》
  • 第4位《係咁先喇﹗》(姜濤維園「搶波事件」
  • 第3位《Anson Lo連環uh-oh事件》
  • 第2位《Dear My雞》
  • 至尊金曲則是《 先夫為敬》,去片重溫:

林海峰抽水MIRROR衍生的瘋狂現象

林海峰上年把過去一年MIRROR在香港引起的熱潮進行惡搞,例如將阿Jer的作品《狂人日記》惡搞成《狂人麥記》,暗諷鏡粉為儲閃卡瘋狂食快餐;又以《大褸的愛》描述Anson Lo常忽略氣溫身穿厚重的衣服;仲連司棋姐都唔放過,惡搞成《司棋姐連環打上事件》等等,甚至還有向一班「前夫」致敬場景,抽水味濃。但有網民就表示林海峰搞到MIRROR好似得三個人咁,當其它人無到。

叱咤樂壇2022
(圖片來源:連登截圖)
叱咤樂壇2022
(圖片來源:連登截圖)
叱咤樂壇2022
(圖片來源:連登截圖)

林海峰玩殘Anson Lo

抽水都好普通啫!但講到觀眾認為林海峰全晚最過份嘅都係喺逐一介紹「我最喜愛的男歌手」5強名單時,突然恭喜Anson Lo「恭喜晒!」Anson Lo反應唔嚟瞪大雙眼企咗起身,連上屆得主姜濤都立即攬實連番祝賀。豈料林海峰即來個反高潮:「唔係唔係,我恭喜你好忙咋,我都嚇死,我都想恭喜你呀!」一次未夠,林海峰重施故技向姜濤再玩多一次:「姜濤呢個獎係屬於你架!」不過今次姜濤中唔晒計,隔多幾秒,林海峰就補充喇:「上年呀,你哋唔好咁急得唔得呀!而今年係冧莊,係我冧莊再頒呢個獎。」結果好似有啲玩大咗,唔止現場疑有鏡粉立即催他快些頒獎,網民亦都對佢嘅行為非常不滿。

叱咤樂壇2022 林海峰台上就玩得高興喇!
林海峰台上就玩得高興喇!(圖片來源:my903.com 商業電台Facebook)
叱咤樂壇2022 台下Anson Lo畀你玩殘。
台下Anson Lo畀你玩殘。(圖片來源:my903.com 商業電台Facebook)
叱咤樂壇2022 眼都凸埋呀陰功!
眼都凸埋呀陰功!(圖片來源:my903.com 商業電台Facebook)
叱咤樂壇2022 心血少啲都搞唔掂!
心血少啲都搞唔掂!(圖片來源:my903.com 商業電台Facebook)
叱咤樂壇2022 被玩二人組。
被玩二人組。(圖片來源:my903.com 商業電台Facebook)
叱咤樂壇2022 事後黃偉文亦對林海峰嘅做法有意見。
事後黃偉文亦對林海峰嘅做法有意見。(圖片來源:ig@concertyy)
叱咤樂壇2022 叱咤樂壇2021|林海峰「連環焫著鏡粉事件」 網民:點解要咁玩教主
鏡粉好心痛,大罵林海峰。(圖片來源:Facebook留言區截圖)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:ViuTV截圖、my903.com 商業電台Facebook