吃貨橫掃曼谷 | 「少年食神」林澄光出擊再搵食一文睇清黑歷史森美險被騙

林澄光順風順水識埋堆

在無綫節目《吃貨橫掃曼谷》中，林澄光拉大隊到泰國講飲講食，平日在香港的他除了食好嘢、戴名錶、揸古董車外，亦不時在其社交平台大晒和不同藝人合照，與最新出爐視帝陳山聰、袁偉豪和陳煒等人都經常同台食飯。就在周一(20日)節目出街前，林澄光就晒出和無綫總經理曾志偉肥媽瑪利亞的合照，原來今次相隔13年後能再現身無綫，都係全靠識埋堆，有高層出手相助，即時「解封」拍住三大女神高海寧、彭慧中及陳星妤（前名：陳聖瑜）主持新節目，還獲無綫不少藝出口又出手幫忙宣傳，表面看來林澄光在圈中人緣不錯，但當年的他聲譽卻麻麻。

林澄光正所謂識人好過識字，仲要識到現今無綫話事人曾志偉，林澄光想拍幾多輯都有得傾啦！ — 正所謂識人好過識字，仲要識到現今無綫話事人曾志偉，林澄光想拍幾多輯都有得傾啦！（圖片來源：IG@michaelcklam）

林澄光袁偉豪算是林澄光近幾年最新識的圈中藝人之一，二人頻頻結伴出去覓食。 — 袁偉豪算是林澄光近幾年最新識的圈中藝人之一，二人頻頻結伴出去覓食。（圖片來源：IG@michaelcklam）

負面新聞拖累無綫煞停合作

13年前，由「少年食神」林澄光和高海寧主持的《為食一條街》，由於收視不俗，無綫原本有意開拍第二輯。可惜，有報導傳出林澄光扮有錢佬呃老友錢之餘，更被指速食高海寧和狂溝女，形象急跌谷底，無綫見食神負面新聞不絕，下令煞停合作，當年有媒體向無綫高層何麗全了解，問是否打算開《為食―條街》第二輯，何麗全表示：「有諗過，但暫時未有計劃，啱啱先播完，最快都過農曆年先傾。」但最後共過了13個農曆年，林澄光才獲解封拍新節目。

林澄光 13年前的《為食一條街》令林澄光人氣急升。 — 13年前的《為食一條街》令林澄光人氣急升。（圖片來源：無綫影片截圖）

林澄光因為當年林澄光被指專媾姐仔仲「𡁻完唱」，所以令形象受損，而當時只有24歲的高海寧就是他的緋聞女友之一。 — 因為當年林澄光被指專媾姐仔仲「𡁻完唱」，所以令形象受損，而當時只有24歲的高海寧就是他的緋聞女友之一。（圖片來源：無綫影片截圖）

被指專扮富二代

其實林澄光當年就負面新聞曾公開回應：「我相信工作同花邊新聞應該唔會有影響，失實報道希望快啲過去。」13年前，36歲的林澄光與高海寧主持《為食一條街》而為廣大觀眾認識。與此同時有傳林澄光扮有錢佬，經常在飯局中吹噓自己有數十部古董名車兼家住半山，令不少一心想釣金龜的無錢姐仔信以為真，以為他是億萬身家的富豪第二代而落疊。當中有消息傳林澄光除𠱁掂《為食一條街》的高海寧外，還有陸詩韻、朱慧敏、呂慧儀和梁敏儀亦先後中招。

林澄光當年雖然是前無綫高層何麗全下令煞停《為食一條街》第二輯，但林澄光仍不時與對面見面食飯。 — 當年雖然是前無綫高層何麗全下令煞停《為食一條街》第二輯，但林澄光仍不時與對面見面食飯。（圖片來源：IG@michaelcklam）

林澄光林澄光曾大晒法拉利跑車，表示自己經常參加名車聚會。 — 林澄光曾大晒法拉利跑車，表示自己經常參加名車聚會。（圖片來源：IG@michaelcklam）

林澄光送車牌冧女再回收

有報道指林澄光2008年一度力追99年落選港姐兼艷星梁敏儀，除每日至少一call、帶她四處飲飲食食討歡心，還吹噓在元朗擁有過百部車，送上至愛的幸運車牌CD1009給梁敏儀，不過最後因求愛不遂，兩個月後便要求收回車牌。當年梁敏儀曾向傳媒承認林澄光收回車牌一事，稱對方將車牌送贈給自己，但轉頭表示要畀朋友而取回，最後二人不歡而散從此再無聯絡。

林澄光過氣女星梁敏儀曾公開承認被林澄光收回車牌。 — 過氣女星梁敏儀曾公開承認被林澄光收回車牌。（圖片來源：IG@winnieleung32）

林澄光從梁敏儀手上取回的幸運車牌CD1009，林澄光至今仍然使用中。 — 從梁敏儀手上取回的幸運車牌CD1009，林澄光至今仍然使用中。（圖片來源：IG@michaelcklam）

林澄光獲森美𧶽名「少年食神」

林澄光的負面新聞點止咁少，當年再有指林澄光涉呃老友森美及EO2經理人文狄錢。2008年林澄光經EO2認識商台主持森美，熟絡後森美安排他在逢星期六晚開咪主持吹水節目《公子會》，森美更為他起封號「少年食神」。林澄光獲森美信任後，林澄光開始使出慣常伎倆，向對方吹噓郭富城、葛民輝熱捧的灣仔王子酒店東來居火鍋店，他是大老闆之一，落足嘴頭𠱁森美注資十萬入股，實情他卻只佔火鍋店百分之五股份，只是掛名股東。

涉呃錢IG絕交互不follow

入股數月後森美才發現真相，加上收到風對方有呃錢前科，精明眼的森美找來林澄光面對面講數要求退股，據知有人唔想「醜事被揚出去」，所以退回10萬畀森美，之後就冇再做森美主持的電台節目，而二人至今亦沒有再互相follow社交平台，可想而知關係早已結冰。

森美寸爆講退股：你當我等錢使囉！「兄弟」呢個字係口頭禪嚟啫

當年有指森美曾注資十萬在王子酒店東來居火鍋店、但林澄光隱瞞自己是掛名股東。後來森美聽聞他有騙财前科，要求退股，但林反指森美退股是因「等錢使」。這段2011年的紛爭，當時記者曾向森美求證：

記：退股係幾時嘅事？
森：係半年前（編按：採訪時為2011年尾），嗰陣聽到有人同佢有錢銀問題，我就話你俾番啲錢我，我幫你澄清啦。
記：林澄光話你等錢使，先攞番啲錢喎。
森：可能咁講對佢嚟講好聽啲啩，你咪當我等錢使囉！
記：有冇聽過佢速食高海寧？
森：係聽過佢想搵女友，成日話佢𡁻完唱，又肥又盛都有人傳！
記：你同林澄光係兄弟定朋友？

森： ( 故作輕鬆) 我覺得「兄弟」呢個字係口頭禪嚟啫，好多人都叫我「大哥」，我恨不得唔好咁叫我！
記：盛傳佢話屋企大把車喎！
森：佢好神秘，聽講話屋企做建築，幾有錢。咁佢揸出嚟嘅車可能系佢老豆嘅，或者問朋友借囉！

林澄光獲Paco力撐負面新聞逐項回應

兄弟反目，林澄光搵來黃柏高作「人格擔保」，Paco代林澄光回敬道：「蝕唔起就唔好投資！」又揚言會跟對方合作搞生意，林澄光就回應指，一開始係年森美表示有興趣投資東來居，「今年頭佢突然要攞番曬啲錢，冇問題，我現兜兜俾番曬佢。佢仲係我buddy。我一毫子都冇落過袋。」

至於被指常吹噓自己過百架車大把物業媾女，林澄光當時就感委屈強調：「我冇話自己有錢，名下亦冇物業。話我戴『撈』，做呢行都要裝身。車我有四架，同兩個堂哥夾埋儲咗十幾架古董車。節目裏面嘅車好多都系古董車會啲朋友借出嚟，佢哋知道有得上電視，都主動話借。大家誤會喇。（Paco 幫口：「佢講嘢係誇大咗，要學吓慎言同謙虛喇！」）

林澄光兄弟反目，林澄光搵來黃柏高作「人格擔保」，Paco代林澄光回敬道：「蝕唔起就唔好投資！」又揚言會跟對方合作搞生意。 — 兄弟反目，林澄光搵來黃柏高作「人格擔保」，二人在涉事的東來居火鍋回應事件，Paco又揚言會跟對方合作搞生意。（圖片來源：東方新地）

林澄光當年林澄光和森美拍攝節目《名人飯堂》時份外老友，誰知最後卻為錢反目。 — 當年林澄光和森美拍攝節目《名人飯堂》時份外老友，誰知最後卻為錢反目。（圖片來源：東方新地）

林澄光未反目前，森美邀林澄光加入電台節目《公子會》，兩人一度好到咬咖喱雞。 — 未反目前，森美邀林澄光加入電台節目《公子會》，兩人一度好到咬咖喱雞。（圖片來源：東方新地）

森美幸得老友提點

至於觸發森美縮沙，是因EO2經理人文狄亦是受害者，據知同年，林澄光亦曾向文狄介紹澳門有間叫囍館火鍋店開張，稱自己有份叫對方夾錢一齊做股東，最後文狄夾五萬入股落疊後，隨後兩年的生意係賺定蝕都未曾獲對方交代，林澄光更逃避文狄唔覆電話。到最後文狄撞到囍館班大股東，細問下先知林澄光由至終只係夾了兩萬，班股東仲踢爆他幫火鍋店入貨買牛肉都從中食價，因為念住相識一場才無追究。

林澄光對此負面新聞亦有回應：「我同Eddie 唔friend，我亦冇可能逐間食肆講邊個介紹。至於文狄，兩年前我喺澳門搞火鍋店，佢話有興趣夾，後來聽到有人話佢對我有意見，我即刻退番五萬蚊俾佢。開間食肆要成幾百萬，十萬八萬買到杯碟咩？」

林澄光林澄光身邊的黎諾懿、陳豪和袁偉豪都是圈中有名的廿四孝老公，希望唔會畀人教壞。 — 林澄光身邊的黎諾懿、陳豪和袁偉豪都是圈中有名的廿四孝老公，希望唔會畀人教壞。（圖片來源：IG@michaelcklam）

林澄光睇林澄光的社交網，就知他百足咁多爪，社交圈非常闊。 — 睇林澄光的社交網，就知他百足咁多爪，社交圈非常闊。（圖片來源：IG@michaelcklam）

「中年食神」近年繼續晒富貴生活

現年49歲的林澄光，大家應該改口稱他為「中年食神」，自小在屋村長大的他，讀陳瑞棋喇沙中學，自稱畢業後接手父親的工程公司，他曾表示每日要到地盤日曬雨淋，始終唔慣，於是在00年取得日本復古光岡汽車香港代理，虧蝕2,000萬後在06年結業。02年李林澄光開始在報紙雜誌寫飲食稿，10年年尾為無綫主持飲食節目《為食一條街》，節目播完後便絕跡無綫任何節目。近年林澄光非常活躍於社交平台，離不開吃、喝、玩、樂，只見到林澄光晒大量名貴手錶，古董車及名貴跑車，生活十分奢華富裕，他亦不時邀請藝人去幫襯他投資的食店，碌盡友情卡做生招牌。

林澄光林澄光經常性晒名錶。 — 林澄光經常性晒名錶。（圖片來源：IG@michaelcklam）

林澄光林澄光話自己坐擁多架古董車。 — 林澄光話自己坐擁多架古董車。（圖片來源：IG@michaelcklam）

林澄光林澄光最識跟紅頂白，連無綫力捧新晉小花郭柏姸亦為他拍片宣傳新節目。 — 林澄光最識跟紅頂白，連無綫力捧新晉小花郭柏姸亦為他拍片宣傳新節目。（圖片來源：IG@michaelcklam）

林澄光近年就連新視帝陳山聰都與林澄光稱兄道弟。 — 近年就連新視帝陳山聰都與林澄光稱兄道弟。（圖片來源：IG@michaelcklam）

林澄光林澄光早前開咖啡店，又搵來大班藝人捧場，免費打卡幫手宣傳。 — 林澄光早前開咖啡店，又搵來大班藝人捧場，免費打卡幫手宣傳。（圖片來源：IG@michaelcklam）

10年前高登仔已經睇佢唔順眼

其實早在10年前，高登仔已對林澄光睇唔順眼，曾在討論區開題「點睇林澄光成四張罰都畀人叫做少年食神」，引發網民熱議，有人留言指他是「少年騙神」、「週圍食下野就可以做食神，你都可以係」、「佢智商得13歲」、「佢個面相真係一個HiHi樣」、「D人40幾歲都拎傑青啦」等，句句留言都好負面，看來「少年食神」早已被識破真面目。