孖向太行拍拖更 向華強 「龍五」出巡
廣告
在公係一對好拍檔、在私都係一對恩愛夫婦，向華強同太太陳嵐結婚眨吓眼已經38年，今時今日都仲會一齊行街買嘢爭取時間拍吓拖，試問有幾多對夫妻做得到？
撰文：東方新地｜圖片：新傳媒圖片庫、向華強微博
向華強 拍拖買西裝
話說圈中好多大叔系型男都被指食咗防腐劑一樣個樣未老過，其實向華強絕對都應該係其中一個，事關佢年尾就踏入七十歲，但外形同身形仲係同三十年前拍《賭神》時一個樣。去到西裝店精幹筆直咁望住個全身鏡試西裝褸個樣，英氣同氣場集於一身，記者一時仲以為時光倒流，咦？點解「龍五」嚟咗買西裝？
《賭神》龍五！
《賭神2》龍五。
69歲向華強呢日出城買番件西裝褸，英氣同殺氣不減當年，原來「龍五」都同Chilam一樣，食咗防腐劑！
在公在私都係好拍檔，向生買西裝，點少得向太在左近幫吓眼？一邊買衫，向太又一邊睇住電話。
向生向太。
白衫白褲再加埋對白鞋，著衫好有自己風格的向生在西裝店內專攻黑色西裝褸，爭把槍，表情神態就同「龍五」出山一樣！
實情係向生試西裝時聽取店員意見，絕對唔係幕前形象咁咁有殺氣！
再一齊嚟睇吓年輕時嘅向生向太！
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
