吳卓林

吳卓林流浪漢造型現身多倫多食物銀行 疑淪落排隊取免費餐

最新娛聞

廣告

吳綺莉從女兒吳卓林出生後,兩人一直相依為命,母女關係親密,但近年當吳卓林與同姓伴侶Andi一起後,兩母女關係陷入僵局,關係降到冰點。近日便有網民在多倫多街頭,拍到吳卓林於多倫多某個食物銀行出現,令不少網民都為她感到可憐。

吳卓林排隊領免費食物 被指似「流浪漢」

有網民在微博中上傳了一輯照片,從照片中可見一頭短髮的吳卓林身穿簡單外套加長褲,整個人看起來毫無精神,令網民都不禁用「流浪漢」形容她。照片中可見吳卓林與其他人一起拿著空袋子排隊等領取免費食物,不少網民都為此「星二代」感到非常心酸。

吳卓林 吳卓林被拍到於多倫多排隊等領取免費食物。
吳卓林被拍到於多倫多排隊等領取免費食物。(圖片來源:微博圖片)
吳卓林 一身打扮被網民指似「流浪漢」
一身打扮被網民指似「流浪漢」(圖片來源:微博圖片)
吳卓林
(圖片來源:微博圖片)

吳卓林屢闖禍 被指多次欠租

自小與吳綺莉相依為命的19歲卓林,前年識咗現時的外籍老婆Andi後就搞作多多,離家出走加拿大接近一年,又在當地直播尋父,山窮水盡靠食物銀行過活,最後在加國拖欠三個月租金未清,被迫執拾細軟返港。

其後兩人一度返港,可惜因欠租被賓館包租婆報警,要向阿媽吳綺莉求助,身上只剩二十元的她,同老婆 Andi坐的士返回吳綺莉大坑寓所,要阿媽落樓畀車錢再去銀行攞錢接濟。

吳卓林 卓林因拖欠賓館二千多元租金唔找,畀包租婆報警,最後卓林致電搵阿媽吳綺莉求助,更同老婆Andi坐的士返回阿媽大坑寓所暫住,身心俱疲的Elaine,更帶卓林去銀行攞錢。
卓林因拖欠賓館二千多元租金唔找,畀包租婆報警,最後卓林致電搵阿媽吳綺莉求助,更同老婆Andi坐的士返回阿媽大坑寓所暫住,身心俱疲的Elaine,更帶卓林去銀行攞錢。(圖片來源:新傳媒資料庫)

吳卓林開腔指控阿媽

冇錢交租識得返屋企,收到錢卓林再次變回甩繩馬騮,日前吳綺莉出席活動,就指女兒卓林已經搬走:「每個人嘅觀點角度都唔同,唔能夠逼 人做唔鍾意嘅嘢,等佢出去經歷同感受,我只能夠從旁提點佢!」

吳卓林 幫女兒清付欠租後,吳綺莉翌日再一個人揸車去西環藥房,幫女兒同外籍新抱買日用品。
幫女兒清付欠租後,吳綺莉翌日再一個人揸車去西環藥房,幫女兒同外籍新抱買日用品。(圖片來源:新傳媒資料庫)

吳綺莉幫補生活費

同女兒卓林關係變僵,無助的吳綺莉一直靠工作和信仰支撐,據知情者透露:「卓林好似中咗降咁,阿媽講乜嘢都聽唔入耳, Elaine(吳綺莉) 依家只係希望卓林唔好再闖禍,佢同Andi一齊佢知自己已經管唔到,都開 始接受,只係想個女生性做人,有一日會明白阿媽嘅用心,依家卓林要Elaine幫補生活費,兩母女keep住有聯絡,起碼知卓林喺出邊情況,佢都冇咁擔心!」

吳卓林 卓林同Andi 入了便利店買煙,只見卓林離開 時,手上攞住一疊錢有二十元有一百元,似乎生活有阿媽接濟,仲有錢消費!
卓林同Andi 入了便利店買煙,只見卓林離開 時,手上攞住一疊錢有二十元有一百元,似乎生活有阿媽接濟,仲有錢消費!(圖片來源:新傳媒資料庫)

吳卓林Andi一度傳出情變

不過日前Andi突然喺社交網發長文話暗指有人長唔大、唔生性「我希望你好,但你甚至不試著做自己。你還有自己嗎?」、「討厭成日都要鼓勵你因為你仲係唔明白」又話對方一無所有「你有自己嗎?你仲淨低啲咩?當我無家可歸時,我拋開一切,我嘅心令我安定下來,所以我找到了自己嘅方向,搞清楚你係點嘅人。你稱你自己是豬,但你不想像我們一樣飛翔嗎?積極向上吧,不要老是跟在我屁股後面找答案。」而最後佢仲話:「Im sending love but leave me alone now. Say goodbye finally ok? You can do it!! (請不要再打擾我,我想自己一個人,說再見吧,好嗎?你做得到的!)」疑似嫌棄卓林想恨撇佢。

由於Andi內文表示「Stealing since we met and never changing all these years(由我們遇到之後就開始『偷嘢』,咁多年都冇改變過」,睇番卓林之前曾經承認攞過阿媽錢,有網民就覺得Andi嘅言論似講緊卓林,加上卓林冇Like到呢個Post,令人懷疑二人感情現危機!

吳卓林 有網民就覺得Andi嘅言論似講緊卓林,加上卓林冇Like到呢個Post,令人懷疑二人感情現危機!
有網民就覺得Andi嘅言論似講緊卓林,加上卓林冇Like到呢個Post,令人懷疑二人感情現危機!(圖片來源:[email protected]

卓林陪Andi睇急症 力證感情未變

但根據香港開電視《娛樂頭條》報道,同日下午有人目睹卓林陪Andi到油麻地廣華醫院睇急症,後來二人在醫院門口耳語,期間卓林多次親吻Andi,二人發現傳媒後返回醫院,對提問未有回應。

吳卓林早前陪Andi求診,仲當眾錫錫,阿媽真係冇眼睇啦!

常見問題

將來還有什麼演唱會值得留意?

有不少歌手宣布舉辦演唱會,例如:黃妍五月天BLACKPINK澳門站林敏驄周杰倫COLLARTwins鄭秀文鄭欣宜許冠傑(2月14日公開發售);喜歡K-pop的你亦有福了,ITZYNCT DREAM亦在香港開演唱會!小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

情人節有什麼好去處推介?

情人節想攪攪新意思?多個商場都換上浪漫裝飾,讓情侶們甜蜜打卡,更有商場設置「戶外星空影院」,讓情侶們在漫天星宿下一邊欣賞電影,享受溫馨時光!即看:情人節好去處2023;除此之外,相信各位都很苦惱要揀甚麼餐廳,編輯為大家精選15間情人節餐廳,包括fine dining、自助餐、扒房及米芝蓮餐廳,價錢有平有貴,快啲bookmark定同男女朋友過一個浪漫情人節!

撰文:東方新地圖片來源:新傳媒資料庫、[email protected]、微博圖片資料或影片來源:[email protected]香港開電視

讀者留言