吳岱融

62歲吳岱融抖音放舊廣告片 教人食雞喜感十足 老婆鍾淑慧溫馨客串

最新娛聞

廣告

吳岱融當年在《巨輪II》奸到出汁,仲獲網友盛讚「一個高天鷲救起成套劇」,其中一集講佢霸氣大鬧李佳芯(Ali),一句「攞去洗啦,臭雞!」成為網民傳頌嘅金句。吳岱融唔止演得仲好唱得,兩年前以60歲之齡成為樂壇最老新人,老而彌堅,吳岱融最近玩埋抖音,上載了5年前一條教人煮雞唔落味精的廣告短片,吳岱融再次鷲哥上身,老婆鍾淑慧更在片尾驚喜現身。

吳岱融 吳岱融一開場已經扮雞叫。
吳岱融一開場已經扮雞叫。(圖片來源:抖音@吳岱融)
吳岱融 「雞,唔係隨便亂食」將會成為另一金句。
「雞,唔係隨便亂食」成為鷲哥另一金句。(圖片來源:抖音@吳岱融)

吳岱融玩抖音

吳岱融因為一套《巨輪II》,從此與個「雞」字結下不解緣,近日他在抖音上載了一條短片,片中他化身成一位孤獨的覓食家,四出尋找靚雞,當試勻各處靚雞都唔滿意,又嫌人落太多味精同雞粉,仲幻想鬧爆對方,最後返到屋企還是覺得太太煮的雞最正。

吳岱融 美女向吳岱融投懷送抱。
美女向吳岱融投懷送抱。(圖片來源:抖音@吳岱融)
吳岱融 美女碟飯完全唔掂,畀吳岱融鬧爆。
美女碟飯完全唔掂,畀吳岱融鬧爆。(圖片來源:抖音@吳岱融)
吳岱融 吳岱融向美女講「唔雞晒」。
吳岱融向美女講「唔雞晒」。(圖片來源:抖音@吳岱融)

吳岱融搞笑演出

吳岱融在短片中充份表現出他獨有的喜感,一開場就扮雞叫然後話:「雞,唔係隨便亂食」,遇上美女投懷送抱,煮出來的飯唔好食,吳岱融即大鬧對方是妖精,不過最後亦向對方說了一句「唔雞晒」。到最後吳岱融在家中先食到最Pure最true的靚雞,原來是老婆鍾淑慧親手下廚,場面非常溫馨。原來這段短片是17年吳岱融為某雞精品牌拍的廣告,當年鷲哥一角非常受歡迎,不過片中的吳岱融就以親民形象出現,再加上太太鍾淑慧的客串,好入屋。

吳岱融 食家吳岱融試盡所有雞都唔滿意,仲幻想自己大鬧對方。
食家吳岱融試盡所有雞都唔滿意,仲幻想自己大鬧對方。(圖片來源:抖音@吳岱融)
吳岱融 吳岱融返到屋企終於食到令他滿意的雞。
吳岱融返到屋企終於食到令他滿意的雞。(圖片來源:抖音@吳岱融)
吳岱融 吳岱融表現得非常感動。
吳岱融表現得非常感動。(圖片來源:抖音@吳岱融)

鍾淑慧做吳岱融背後女人

近年吳岱融復出幕前,主力拍無綫及邵氏劇,而53歲的太太鍾淑慧就做他背後的女人,主力照顧家庭,閒時夫妻檔上陣拍廣告,或以客串性質過戲癮。鍾淑慧在90年代曾拍過多齣三級片,曾被封為性感女神,其中兩套電影《滅門慘案之孽殺》及《替天行道之殺兄》意識大膽,更與吳岱融情侶檔演出,有指他們假戲真做。

吳岱融 鍾淑慧壓軸登場。
鍾淑慧壓軸登場。(圖片來源:抖音@吳岱融)
吳岱融 兩公婆同場非常溫馨。
兩公婆同場非常溫馨。(圖片來源:抖音@吳岱融)

網民大讚好笑:

吳岱融
(圖片來源:抖音@吳岱融)
吳岱融
(圖片來源:抖音@吳岱融)
吳岱融
(圖片來源:抖音@吳岱融)

去片!睇吳岱融搞笑拍廣告

吳岱融 今年鍾淑慧在內地過生日,吳岱融又花又蛋糕仲有氣球,好老公做足一百分。
今年鍾淑慧在內地過生日,吳岱融又花又蛋糕仲有氣球,好老公做足一百分。(圖片來源:[email protected]
吳岱融 鍾淑慧與當時仍是男友的吳岱融曾在電影《替天行道之殺兄》中有大膽演出。
鍾淑慧與當時仍是男友的吳岱融曾在電影《替天行道之殺兄》中有大膽演出。(圖片來源:《替天行道之殺兄》劇照)

吳岱融演得又唱得 憑冧妻歌曲奪獎

演技超班嘅吳岱融,入行前曾經喺歌廳做業餘歌手賺錢養家,原來都係唱得之人!前年為慶祝「登六」,推出歌曲〈回去愛你十億秒〉送畀太太鍾淑慧,外間反應唔錯,更於「面包台有您共鳴頒獎典禮」中,獲頒「共鳴新歌手獎」,以及憑歌曲 〈我的朋友不簡單〉獲得「共鳴金曲獎」,佢仲為呢首歌拍MV,碌盡人情卡特別邀請張兆輝、歐陽震華、陶大宇等好友助陣㖭!

演技超班嘅吳岱融,憑高天鷲一角獲網友盛讚「一個高天鷲救起成套劇」。
演技超班嘅吳岱融,憑高天鷲一角獲網友盛讚「一個高天鷲救起成套劇」。(圖片來源:《巨輪II》劇照)
獲頒「共鳴新歌手獎」及「共鳴金曲獎」,「登六」 嘅吳岱融成為樂壇最老新人。
獲頒「共鳴新歌手獎」及「共鳴金曲獎」,「登六」 嘅吳岱融成為樂壇最老新人。(圖片來源:東方新地資料庫)

「登六」仲有大把嘢可以玩 感謝太太支持

成為樂壇最老新人,喜獲兩獎嘅吳岱融鬼咁開心:「得獎當然開心啦!冇諗到自己可以喺『登六』之年成為新人歌手,多謝各位觀眾朋友、粉絲一直以嚟對我嘅支持,特別要多謝我太太鍾淑慧、唱片公司老闆同一班好朋友,我會繼續努力。」

吳岱融 同太太鍾淑慧結婚26年一直咁恩愛,不時在網上放閃,羨煞旁人!鍾淑慧曾經參加1987年環球小姐競選,並獲得香港區冠軍及最具氣質獎,咁多年嚟都咁靚咁有氣質!
同太太鍾淑慧結婚26年一直咁恩愛,不時在網上放閃,羨煞旁人!鍾淑慧曾經參加1987年環球小姐競選,並獲得香港區冠軍及最具氣質獎,咁多年嚟都咁靚咁有氣質!(圖片來源:東方新地資料庫)
吳岱融 剛於一個月前慶祝結婚26周年,鍾淑慧喺 IG上載陳年婚照放閃。
去年慶祝結婚26周年,鍾淑慧在 IG上載陳年婚照放閃。(圖片來源:東方新地資料庫)

62歲吳岱融老而彌堅 憑冧妻歌曲奪獎成樂壇最老新人

22 歲嘅囝囝吳政樺多年來跟住父母四海為家,曾於新加坡、內地及香港定居,對於管教兒子,二人給予很大自由度,吳岱融更加係廿四孝老竇,錫到個仔燶!(圖片來源:東方新地資料庫)

撰文:東方新地圖片來源:抖音@吳岱融、微博@吳岱融HUGO、微博@鍾淑慧、東方新地資料庫、[email protected]資料或影片來源:[email protected]

讀者留言