吳彥祖

48歲吳彥祖飾「美版孫悟空」!《尚氣》導演拍「西遊記」 搵女神演觀音

最新娛聞

廣告

一向都知道有唔少外國人好仰慕中國嘅神話文化,大概五年前Netflix都拍過一部名為《The Legend of Monkey》嘅電視劇,以《西遊記》做藍本改編而成。今次又輪到Disney+發功,搵嚟《尚氣與十環幫傳奇》導演Destin Daniel Cretton開拍一部以《西遊記》作為創作靈感嘅劇集《美生中國人》(American Born Chinese),仲搵嚟男神吳彥祖做「孫悟空」添!

吳彥祖 2017年上架嘅美版西遊記,人物方面真係幾創新!因為唐三藏同沙僧變咗做女性!
2017年上架嘅美版西遊記,人物方面真係幾創新!因為唐三藏同沙僧變咗做女性!(圖片來源:《The Legend of Monkey》劇照)
吳彥祖 男神吳彥祖演馬騮精!?
男神吳彥祖演馬騮精!?(圖片來源:[email protected]
吳彥祖 繼梁朝偉之後,尚氣導演再搵香港男神合作。
繼梁朝偉之後,尚氣導演再搵香港男神合作。(圖片來源:《尚氣》截圖)

吳彥祖演悟空

近年返美國發展嘅吳彥祖幕前產量並不高,除了早幾年開始孖好兄弟製作美劇《荒原》之外,其餘大部分時間都留屋企同埋砌賽車、古董車。終於,今次獲邀請飾演「孫悟空」佢都非常之興奮,仲透露今個月就飛去洛杉磯正式開工,一拍就拍到6月。除了有得做馬騮精之外,吳彥祖最高興係可以同一直夢寐以求嘅楊紫瓊合作,呢位功夫女神飾演嘅就「觀世音」。

吳彥祖 仲有楊紫瓊演觀音!
仲有楊紫瓊演觀音!(圖片來源:《尚氣》截圖)

《美生中國人》講啲乜?

《美生中國人》改編自美國漫畫作家楊謹倫的同名作品,故事大概係講述一名美國出生的華裔學生,在開學日就與當地出生的同學發生碰撞,及後就捲入咗一場中國神靈大戰,而孫悟空同觀音就係重點神靈之一!卡士方面,除了有吳彥祖以及楊紫瓊之外,男主角則由參演過《百戰天龍》劇集版的Ben Wang 擔任,而近日憑《華燈初上》中飾演子維嘅19歲劉敬都有份飾演一名剛移民到美國求學的高中生。而女主角就由美國年輕女演員Sydney Taylor飾演。

吳彥祖 男主角Ben Wang。
男主角Ben Wang。(圖片來源:IMDb截圖)
吳彥祖 仲有最近憑《華燈初上》角色子維而人氣爆升嘅劉敬!
仲有最近憑《華燈初上》角色子維而人氣爆升嘅劉敬!(圖片來源:《華燈初上》劇照)
吳彥祖 女主角Sydney Taylor。
女主角Sydney Taylor。(圖片來源:IMDb截圖)

常見問題

吳彥祖飾「美版孫悟空」是屬於那一部劇?

今次吳彥祖受到Disney+邀請, 將開拍一部以《西遊記》為創作靈感的劇集…詳情請看

吳彥祖近年有咩作品?

吳彥祖近年於美國發展, 早幾年曾參與美劇《荒原》製作, 因疫情近年來…詳情請看

撰文:東方新地圖片來源:藝人IG、IMDb截圖、《尚氣》截圖、《The Legend of Monkey》劇照、《華燈初上》劇照

讀者留言