吳若希

插菊梓喬冇人撐!吳若希發難扭跳槽

最新娛聞

廣告

想當年話晒係星夢一姐、係老闆何哲圖頭號愛將、仲有首本名曲〈越難越愛〉勁洗腦入晒屋、仲攞埋《勁歌》金曲金獎,但留意番,威水極都係「想當年」……前一姐吳若希兩年前停工生女結埋婚,復工後雖然奮起窮追,可惜一姐靚位被唱得性格又討好的師妹菊梓喬成功取代。早前菊梓喬眾望所歸奪得萬千星輝頒獎典禮最受歡迎電視歌曲時,吳若希一句「恭喜你呀一姐」,過氣一姐葡萄味出晒面。據悉唔止說話帶骨,為收復失地爭歌唱,吳若希呢勻仲行動升級,已經向老闆何哲圖發出跳槽警告!

撰文:東方新地 圖片:新傳媒圖片、菊梓喬IG、吳若希IG麥美恩IG

吳若希 插菊梓喬冇人撐

一年六首電視劇主題曲、唔係《宮心計之深宮計》就係《兄弟》套套重頭劇,大包圍唱晒全年高收視劇集,年尾攞獎理所當然的菊梓喬星夢一姐地位亦明顯不過。不過恭喜一姐獲獎,出自前一姐吳若希口中就葡萄到出晒面,言論一出,即被網友群起攻擊,鬧爆吳若希小器無品又欠風度。

上周二(12月25日)吳若希出席聖誕活動,回應講錯說話時繼續死撐:「佢(菊梓喬)好努力,大家有了解過佢背景,就知呢個女仔花好多時間去追求夢想,我係見佢攞獎戥佢開心,唔係視佢為競爭對手。我依家都係一姐,不過係屋企一姐!」

生女結婚自己放自己一年假,拱手相讓星夢一姐地位的吳若希復出以來事業人氣都急瀉不見起色,難怪不斷叩門搵老闆何哲圖扭計。

葡萄一姐

去年連唱六首重頭劇主題曲,首首大hit,菊梓喬毫無懸念攞埋台慶頒獎禮的最受歡迎電視歌曲,人人恭喜,唯獨吳若希留言隔住個芒都覺得酸。

吳若希一句「恭喜你呀一 姐」引來網民群插,被指 葡萄到出晒面,言語亦 欠風度和教養。

扭計不成萌去意

據知情人士透露,口講一套有女萬事足,樂於做屋企一姐,實情吳若希唔忿氣又唔甘心,繼去年初扭計爭歌唱爭劇拍後,近日再向何哲圖扭計要跳槽:「 Herman(何哲圖 )當年的確好睇 Jinny(吳若希),但係呢個女有幾任性大家有眼睇,突然間大肚自己放自己一年假搞到公司個個要幫佢執手尾已經好多人唔滿意。生完女返嚟,唔抵得菊梓喬上位,已經郁啲就捉住Herman投訴,又爭歌唱又話要拍劇。其實 Hana(菊梓喬)唱功好九條街,形象更加無得彈,Herman都費事講到咁明,惟有話係上頭意思。𦧲完何哲圖都係得個桔,吳若希今次放晒聲氣,話情況再冇改善,約滿以後就會考慮其他公司喎!不過佢難搞又惹是非,聽講出邊根本冇公司會接收佢囉!」除咗菊梓喬,早前再有連詩雅加盟星夢,留低連「阿二」地位都不保,離巢又冇人問津,其實返屋企做一姐,真係諗得過!

句句有骨

聖誕當日吳若希出席活動時回應當日留言,繼續死撐自己返到屋企至係一姐。

過氣愛將

由星煥到星夢,吳若希自出道起就係何哲圖愛將,不過兩年前自把自為停工生女、歷年來又是非多多,一姐地位實在係自己拱手相讓。

停工一年後重返電視台,師妹菊梓喬已經成為老闆新寵,除咗比吳若希更唱得,觀眾緣亦比前一姐贏九條街。

月初因為生疹缺席萬千星輝頒獎典禮,而有份主持的《森美旅行團》就有份攞獎。其實𢱑爆何哲圖換來主持機會,吳若希因為扮一姐犯眾憎,與其他主持亦格格不入。

唔止冇得再做一姐,月初連詩雅加盟星夢,歌藝演技人緣同樣有待改善的吳若希分分鐘連阿二地位都不保。

據 知情人士透露,除咗扭離巢轉投其他公司,吳若 希亦表示事業不見起色,有機會暫別幕前專心做媽 媽等生第二胎。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!