吳若希同網友玩你問我答 恨做羽田若希 不忘狂數老公缺點:唔畀XX…日日都想離婚
廣告
吳若希(Jinny)近日積極經營其個人YouTube頻道,每個星期都推出一條新片谷人氣,為了增加點擊率,連同老公之日常都公開同網民分享。日前吳若希就上載了一段「你問我答」的影片,被問到出道時被指與日本AV羽田愛撞樣而被有「羽田若希」稱號,直言羨慕對方的身材,答完一大堆問題,當然少不了提及老公,吳若希嬲爆大數老公的缺點,仲話自己日日都想⋯⋯⋯
文:東方新地|圖:吳若希IG圖片及YouTube影片截圖
吳若希:志願係做社工
吳若希話好多YouTuber都有做「你問我答」環節的影片,因此她也決定拍片回答大家的Q&A,而今次「你問我答」的問題,都是在她的Instagram Story中收集,首先講到吳若希當初點解想做歌手?她表示當初只當唱歌係興趣,完全無想過做歌手,她說:「我以前志願係想做社工,一睇就知我係社工樣,咁正能樣(外表正能量),同埋咁和藹可親嘅圓臉。但真係喺好偶然嘅情況下就入咗行,我好多謝音樂監製伍樂城,佢係我嘅伯樂,我第一次試音、第一首歌都係佢幫我錄,所以我好記得佢嘅教誨。」
講到出道至今面對種種負評以及人身攻擊,點樣走過?吳若希笑言:「我會諗吓呢樣嘢會唔會令我少咗忽肉、會唔會令我少咗錢先。如果唔會嘅話就由得佢,So far錢冇少到、肉又冇少到,咁佢唔鍾意我,我都可以唔鍾意佢,咁我咪唔鍾意佢。」


胡鴻鈞同許廷鏗之間,吳若希開頭講笑話因為同胡鴻鈞唔熟,而許廷鏗係牙醫,可以幫佢洗牙,所以揀許廷鏗!後來又話因為三個人係同期新人,曾經互相扶持對方成長,所以好期待三人可以再次同台演出或相聚。


而講到老公Alex,吳若希就開始表現激動,否認自己不讓老公打機,更話自己係鼓勵老公打機,她說:「我成日都同佢講,你去打機啦,加油!加油!加油!咁樣講㗎!」她又解釋:「其實唔係唔畀佢打機,但起碼要分到啲時間畀我同小朋友,做完嘢唔瞓覺去打機係冇問題㗎。」

