吳若希素顏黑眼圈勁大 網友嚇到唔認得 急為殘樣解畫

撰文：東方新地｜圖片來源：吳若希IG、森美IG｜部份原文：新Monday

吳若希現身森美Party

無綫旅遊節目《森美旅行團》第三輯早在兩年前播出，節目播出後更成為網友的熱門話題！雖然受到疫情影響，近年的旅遊節目基本上全部停止拍攝，不過日前森美就相約一眾《森美旅行團》第三輯台前幕後一齊開Party，森美更上載相片到社交網外，留言表示：「冇得去旅行，森美旅行團，只好等有得去旅行嘅時候，再同你哋去旅行，不過好幾個幕後將要離開！臨別秋波，回想返三次旅行嘅美好時光，多謝他們的努力，才有這個好節目。」

網友唔認得吳若希

森美上載台前幕後全人合照外，仲上載與吳若希（Jinny）、麥美恩（Mayanne）和丁子朗四位主持的合照，但從相片中看到，吳若希的眼袋位置打晒摺，黑眼圈盡現非常之殘，與麥美恩相比面形顯得更大，看來真係需要去去黑眼圈了。

網民抵死留言

不少網友看到後，都紛紛留言大問：「森美旁邊係吳若希嗎？乜老咗咁多嘅」、「吳若希個樣發生咩事」、「相信無修圖」、「估咗好耐先知中間果個係邊個」、「眼袋+黑眼圈大過對眼本身 ？我真係第一次見 ！」、「有吳若希喎,仲要冇乜化妝,授咗權了?」

吳若希網上回覆黑眼圈其實係眼線?!

森美上載相片後，有不少媒體均有報導，吳若希看到後就在其社交網上發限時動態來回應：「玩得夜，笑得盡興，啲眼線咪溶咗落嚟！」

吳若希下令農莊facebook專頁刪相

近年活躍於社交網的吳若希（Jinny），不時大方po相po片同粉絲分享。不過，早前有個叫「有機薈低碳農莊」facebook專頁，上載了張張Jinny的相片以答謝她到訪，並簡單表示：「多謝吳若希昨天一家大小到訪菠蘿園」，點知卻惹起Jinny不滿，更在專頁留言：「相片未經授權公開，請盡快移除」。事件即引起網友熱烈討論，紛紛圍插Jinny：「好大的官威」、「以為自己大明星？」、「人哋幫你宣傳執到啦」等等，到最後該農莊專頁將貼文刪除。