吳若希

吳若希爆老公睇鹹網 頒獎禮捧蛋照搶fo

最新娛聞

廣告

吳若希預告因湊仔而缺席《勁歌金曲頒獎典禮2020》,暗指明白唔到冇獎的潛規則,大方預祝各歌手得到好成績。周日(17日)頒獎禮,菊梓喬在無對手下三度嬋聯「最愛歡迎女歌手」獎,而專心湊仔的吳若希未有透露有否收看公司一年一度的盛事,卻在社交網借阿女爆老公疑似睇鹹網,頒獎禮捧蛋,人唔到,卻成功搶去焦點,果然高手﹗

撰文:東方新地 |圖片:吳若希IG、菊梓喬IG、東星圖片

吳若希爆老公睇鹹網 頒獎禮捧蛋照搶fo
吳若希日前在新居廁所影相,笑言住了半年才發覺新居廁所也不錯。

吳若希借阿女把口爆料

吳若希預告以湊仔為由已向公司請假缺席《勁歌金曲頒獎典禮2020》,更暗指明白人唔到會冇獎的潛規則,果然頒獎禮當晚,吳若希捧蛋,半個獎都冇,死敵菊梓喬不但三度奪「最受歡迎女歌手」獎,當晚更一人擸了5.5個獎,成為大贏家,而同樣缺席頒獎禮的林峯,則與菊梓喬合唱《使徒行者3》插曲〈低谷天堂〉奪得「最佳合唱歌曲銀獎」。吳若希雖未有出席頒獎禮,隔空仍能成功搶去焦點,吳若希當晚在IG即時動態出文,今次唔止老公成為目標,更借埋阿女把口,將囡囡同佢嘅對話跟大家分享:

食飯時

女:妳瞓覺嘅時候,我攞爸B電話,有好多女仔Pat Pat,要畀錢果D

我:(內心)(望住女)係呀﹗咩嚟㗎?(擰轉頭望住佢爸爸)

爸爸:佢睇YOUTUBE果D公仔嚟㗎﹗

女:(望到爸爸嘅求生指數飆高)唔係真係嫁~係假㗎

吳若希公開與囡囡的對話,爆老公疑似睇鹹網。
吳若希公開與囡囡的對話,爆老公疑似睇鹹網。
吳若希曾開Live責罵老公Alex寧願打機都唔理佢,但聖誕時卻送遊戲機給老公做聖誕禮物,更開Live老公拆禮物,Alex開心到傻笑,吳若希及後在留言預告會再開Live老公打機。
吳若希曾開Live責罵老公Alex寧願打機都唔理佢,但聖誕時卻送遊戲機給老公做聖誕禮物,更開Live老公拆禮物,Alex開心到傻笑,吳若希及後在留言預告會再開Live老公打機。
11月誕仔後,吳若希留家照顧初生BB未有公開露面,開Live尾段素顏上鏡笑指自己好腫,快鏡下可見吳若希新居環境,穿紅衣的囡囡在後方睇電視。
11月誕仔後,吳若希留家照顧初生BB未有公開露面,開Live尾段素顏上鏡笑指自己好腫,快鏡下可見吳若希新居環境,穿紅衣的囡囡在後方睇電視。
吳若希大肚時曾自爆為即將出世的囝囝而搬大屋,但在吳若希直播中所見大廳明顯不夠之前居所闊落。另外在吳若希掌鏡下,令搖籃上的囝囝入鏡。
吳若希大肚時曾自爆為即將出世的囝囝而搬大屋,但在吳若希直播中所見大廳明顯不夠之前居所闊落。另外在吳若希掌鏡下,令搖籃上的囝囝入鏡。
當日客人有玄學家陳定幫,清楚看見屋內有樓梯,估計跟舊居一樣是複式單位。
當日客人有玄學家陳定幫,清楚看見屋內有樓梯,估計跟舊居一樣是複式單位。

拒做阿二預告缺席頒獎禮

全世界都知吳若希Jinny與菊梓喬Hana是死敵,過去因為爭做星夢「一姐」屢傳不和,吳若希於16年奉子成婚後復出亦難以收復失地,菊梓喬力壓她連續兩年奪得《勁歌金曲頒獎典禮》「最受歡迎女歌星」後,地位更加穩如泰山,令雙方牙齒印更深。三年前為生女缺席頒獎禮的吳若希,今年再次公告缺席《勁歌金曲2020》,揚言為照顧初生兩個月的囝囝一早向無綫請假,暗指潛規則唔到就預咗會冇獎,祝其他人在《勁歌金曲頒獎典禮2020》攞到好成績,過氣一姐自動棄權,不屑做阿二淪為陪襯,費事眼冤!

去年11月誕下兒子Kylian,坐完月的吳若希繼續專心湊仔,未願出山。
去年11月誕下兒子Kylian,坐完月的吳若希繼續專心湊仔,未願出山。
10年出道的吳若希,於16年跟澳門才俊何兆鴻(Alex)爆戀聞,放下如日方中事業暫停工作,生女兼結婚,現已湊成一個好字。
10年出道的吳若希,於16年跟澳門才俊何兆鴻(Alex)爆戀聞,放下如日方中事業暫停工作,生女兼結婚,現已湊成一個好字。

《勁歌金曲2020》吳若希為生仔放棄爭獎

吳若希於16年生大女Giselle前正值事業高峰期,她毅然放棄上位機會,到產後復出時,星夢一姐之位已被新寵菊梓喬取代,吳若希葡萄到出面,講嘢句句有骨衝住菊梓喬而來,前年菊梓喬首次攞「勁歌金曲頒獎典禮」「最受歡迎女歌星」,吳若希一句「造畀佢都應該」,令不和升級。

吳若希生完大女Giselle後復出曾感到迷失,坦言重拾工作只是不想跟時代脫節,已沒想過要回到之前的定位,所以不會花太多心機於工作上,現在生了第二胎,家庭對她來說才最重要。
吳若希生完大女Giselle後復出曾感到迷失,坦言重拾工作只是不想跟時代脫節,已沒想過要回到之前的定位,所以不會花太多心機於工作上,現在生了第二胎,家庭對她來說才最重要。
產後兩個月的吳若希,決定再次缺席【勁歌金曲2020】。
產後兩個月的吳若希,決定再次缺席【勁歌金曲2020】。
吳若希在社交網回顧過去一年,明顯放軟手腳,無心戀戰。
吳若希在社交網回顧過去一年,明顯放軟手腳,無心戀戰。

吳若希預先聲明再度缺席

《勁歌金曲2020》即將舉行,吳若希作為星夢大師姐,在本年度勁歌頒獎禮入圍名單中共有4首候選歌,亦有份角逐「最受歡迎女歌星」,不過吳若希去年11月誕下兒子Kylian,囝囝得兩個月大,為照顧兒子仍未想復出,吳若希決定再度缺席《勁歌金曲2020》,更一早向公司請假,她聲言為湊仔不會去頒獎禮,對於多年來的潛規則,缺席者將不會獲獎,吳若希亦做好捧蛋準備,笑言冇辦法,產後身體要緊,仲預祝其他歌手攞到好成績。

明知缺席【勁歌金曲2020】將會冇獎,吳若希有晒心理準備。
明知缺席【勁歌金曲2020】將會冇獎,吳若希有晒心理準備。

《勁歌金曲2020》菊梓喬一人獨大

吳若希放軟手腳,據了解是心知無人能阻菊梓喬三度蟬聯《勁歌金曲2020》「最受歡迎女歌星」,唔想做陪襯陪笑又要現場做戲扮恭喜對方,缺席《勁歌金曲2020》放棄攞變反而更好。事實上,菊梓喬的入圍成績確實拋離一眾歌手,她有7首候選歌曲,而去年中才加盟星夢的JW王灝兒的首支劇集歌曲〈誰人在身邊〉早前才剛推出,未成氣候,對菊梓喬「一姐」之位並未構成威脅,在零對手之下,菊梓喬幾乎攞硬女歌手獎。今年冇吳若希在《勁歌金曲2020》現場助慶,娛樂性與話題性都大大減弱囉!

自從菊梓喬出現,吳若希一姐地位便動搖,近兩年一齊出席「勁歌金曲頒獎禮」都鬥過你死我活。
自從菊梓喬出現,吳若希一姐地位便動搖,近兩年一齊出席「勁歌金曲頒獎禮」都鬥過你死我活。
去年在「勁歌金曲頒獎禮」一人掃走六獎,菊梓喬獨領風騷。
去年在「勁歌金曲頒獎禮」一人掃走六獎,菊梓喬獨領風騷。
對於復出後「星夢一姐」地位被菊梓喬取代,吳若希每次與對方一齊出席活動都唔多畀面,聲言私底下跟她不相熟,無需要刻意扮好熟。
對於復出後「星夢一姐」地位被菊梓喬取代,吳若希每次與對方一齊出席活動都唔多畀面,聲言私底下跟她不相熟,無需要刻意扮好熟。
星夢捧歌手不遺餘力,睇企位就知道老闆Herman最錫邊個。
星夢捧歌手不遺餘力,睇企位就知道老闆Herman最錫邊個。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!