吳若希得罪方丈笠水急轉彎 網民：恥笑完TVB點兜都冇用

吳若希急轉彎：我哋就算冇錢都可以去返工

吳若希在TVB娛樂新聞台訪問中笠水：「大家誤會我意思，就算TVB返工嘅話，我哋就算冇錢都可以去返工，因為我哋太愛呢間公司。返工為開心㗎咋，所有人都好似屋企人咁，要倒貼係真嘅！例如我想再靚啲嘅，就會買衫，或者拍劇，我要上演藝course，呢啲真係要倒貼。」

事後收樂易玲電話

吳若希自爆朝早即收無綫高層樂易玲的電話：「今朝樂小姐message我『吳若希你改名啦！你叫做唔知死啦』，其實如果大家唔係聽晒成個訪問，剩係聽一句，要抽秤就抽秤到好多嘢，希望大家click入去睇個訪問就知我講乜！感恩公司明我嘅性格，但自己睇番片，反省過，係有講得唔好，自己會多加注意。」

網民柴台：恥笑完TVB而家點兜都冇

網民紛紛在YouTube留言柴台：「呢個人本來就冇內涵，恥笑完TVB而家點兜都冇」、「做人講嘢都唔經大腦！」、「其實乞人憎唔係冇原因」、「又唔係青春少艾，有幾多人想睇佢？」

分享「踩中地雷」經驗：公司真係冇一姐，只有好多新人

正在TVB播映的經理人育成真人騷節目《女王的密令》中，吳若希以自身「踩中地雷」經驗，和8位仔仔分享如何面對記者的對答技巧；節目中還特別提到她出事實錄，包括在2018年訪問中直言：「我哋公司真係冇一姐，只有好多新人」及2019年被問到菊梓喬成大熱女歌手，吳若希說：「就算造畀Hana都應該呀」等回應。

重溫吳若希嘴失禁事件

一直係無綫「親生女」的吳若希近日接受了艾力的網上節目《Have a nice Date》訪問宣傳。在訪問中，吳若希竟然語出驚人數臭TVB做嘢冇錢賺之餘，又開口回應當年TVB冇俾「最受歡迎女歌星」一事！

出聲數臭TVB做嘢冇錢賺

去年先續約的吳若希，早前接受艾力的網上節目《Have a nice Date》訪問宣傳演唱會時，大膽話自己做野係為開心，又數臭TVB做野冇錢賺：「你估喺TVB做嘢係為錢咩？全世界都知道TVB做嘢冇錢，仲要倒貼！」此話一出，Eric即刻擔心吳若希會否在條片出街後被雪藏，吳若希即刻入位宣傳自己演唱會，仲稱今次演唱會為「吳若希告別演唱會」，認真大膽！

回應下令農莊刪相一事

早年有個叫「有機薈低碳農莊」facebook專頁，上載了張吳若希的相片以答謝她到訪，點知卻惹起吳若希不滿，被她下令農莊刪相。吳若希在訪問中回應表示自己並不介意普通市民私底下找自己合照，但批評該農莊唔尊重自己，自己先會咁大反應：「嗰單嘢真係弱智㗎喎，因為嗰張相相中唔止我一個人，嗰張相係我同我朋友嘅合照，佢係張合照cap出嚟嘅相，重點係我自己俾錢帶我小朋友去，我自己俾錢走入去玩㗎喎，呢個係尊重問題，你唔尊重我嘅話，Sorry，我都唔想係你page出現。」

慶幸TVB冇畀最受歡迎女歌星：完全唔Care個獎

除此之外，主持Eric又問到吳若希有冇介意當年TVB冇俾自己「最受歡迎女歌星」，吳若希大方表示自己「完全冇介意，完全唔Care個獎」。當Eric追問點解當時宣佈得獎人係Hana菊梓喬嘅時候，吳若希要大動作嘲笑對方，吳若希就話：「我覺得好彩唔係我攞咋，開心嘅原因唔係因為佢攞，而係因為真係唔好係我攞啊。」她表示自己曾經都攞過比較大嘅獎項，所以知道得獎後的壓力，她坦言希望自己唱歌是為了開心，而不是因為壓力，所以奪獎與否對自己並不重要。

吳若希自爆隆胸冧老公

吳若希在接受傳媒訪問時，自嘲自己沒身材，所以兩年前曾經有準備過隆胸冧老公，但吳若希老公一直反對，直至近年老公的態度有稍微改變，吳若希就話會馬上「坐言起行」添！

即睇吳若希火爆訪問：

下令農莊facebook專頁刪相

近年活躍於社交網的吳若希（Jinny），不時大方po相po片同粉絲分享。不過，有個叫「有機薈低碳農莊」facebook專頁，上載了張張Jinny的相片以答謝她到訪，並簡單表示：「多謝吳若希昨天一家大小到訪菠蘿園」，點知卻惹起Jinny不滿，更在專頁留言：「相片未經授權公開，請盡快移除」。事件即引起網友熱烈討論，紛紛圍插Jinny：「好大的官威」、「以為自己大明星？」、「人哋幫你宣傳執到啦」等等，到最後該農莊專頁將貼文刪除。