吳鎮宇

入行36年經典重溫 吳鎮宇 曾經鬈毛似憤青!

最強精選

廣告

近日電影《逆流大叔》一眾演員頻頻現身各媒體作宣傳,而為支持新導演同回饋香港電影圈嘅吳鎮宇,更加係零片酬兼增肥演出,今次本刊就嚟回顧一下呢位金馬影帝36年嚟燦爛嘅演藝生涯同後生靚仔相。

吳鎮宇 87年鬈毛憤青look

相中嘅吳鎮宇當年25歲,電咗一頭大圈鬈髮,仲要搽晒gel濕立立,側晒頭好似好不滿想開拖,成個憤青咁款。

吳鎮宇

91年孖關禮傑攞獎

吳鎮宇同關禮傑係81年無綫電視第十一期藝員訓練班同學,91年兩人同獲《壹電視大獎》「十大男藝人」,鎮宇排第四位,關禮傑就守尾門排第十,呢對同學領獎後合照留念。

吳鎮宇

92年頹廢古代殺手

無綫92年武俠劇《大地飛鷹》,再做男一嘅吳鎮宇演有「血劍浪子」之稱嘅天下第一殺手方偉,一頭亂髮加鬚根look,造型頹廢又創新。

吳鎮宇

89年《蓋世豪俠》對星爺

吳鎮宇電視反派代表作係89年《蓋世豪俠》,劇中為當武林盟主不擇手段修煉邪功,最終搞到不男不女,同演佢冇血緣弟弟周星馳展開正邪生死對決。

吳鎮宇

85年《楊家將》拍五虎

無綫18周年台慶劇《楊家將》,超豪華演員陣容空前絕後,吳鎮宇劇中演楊二郎,「無綫五虎」劉德華、苗僑偉、黄日華、梁朝偉就演鎮宇嘅細佬,湯鎮業就演八賢王,除華仔同黄日華其餘楊家將都壯烈犧牲。

吳鎮宇

94年惡搞王菲超人

TVB 94年搞笑節目《真過癮時代》環節〈皇妃超人〉,吳鎮宇扮演嘅皇妃超人,形象取材自王菲當時幾個誇張造型,如菠蘿頭、透明中褸、米白色三角底褲,齋睇造型已笑爆嘴,惡搞到極點!

吳鎮宇

97年《難兄難弟》扮謝賢

吳鎮宇92年離開無綫後曾以部頭形式返娘家,97年劇集《難兄難弟》謝源一角,語氣同身體語言鎮宇都極似謝賢,同年孖羅嘉良喺電影版《精裝難兄難弟》再演謝源同李奇。

吳鎮宇

03年《衝上雲霄》永遠Sam哥

03年香港電視史上首部以航空業為題材嘅無綫劇集《衝上雲霄》,吳鎮宇演高級副機長唐亦琛(Sam),深情型爆迷倒萬千少女同C9,十年後再演續集,翌年參演賀歲電影版《衝上雲霄》,飛機頭Sam哥形象深入民心。

吳鎮宇

96年《古惑仔》奸王𡃁坤

吳鎮宇92年加入電影圈,四年後迎嚟最大突破,喺電影《古惑仔》系列飾演大反派「𡃁坤」,為人殘忍、卑鄙毒辣,加上一把沙聲特别乞人憎,係鎮宇奸角代表作,亦係電影史上最經典反派人物之一。

吳鎮宇

99年《鎗火》奪金馬影帝

99年吳鎮宇演藝生涯去到高峰,憑杜琪峯電影《鎗火》演神經質卻重情重義阿來一角,擊敗梁朝偉勇奪第37屆台灣電影金馬獎「最佳男主角」成金馬影帝,威到盡!

吳鎮宇

其他珍貴圖片仲有⋯⋯

3歲吳鎮宇眼仔碌碌好精靈。

吳鎮宇

83年拍電視劇《射鵰英雄傳》做茄哩啡!

吳鎮宇

1992年同星爺擔任萬梓良與恬妞結婚時的兄弟團。

吳鎮宇

2003年電影《無間道II》。

吳鎮宇

2004年電影《喜馬拉亞星》。

吳鎮宇

老婆下令推真人騷 直擊吳鎮宇收火教仔

經常被指躁狂的吳鎮宇,只要對住個仔就乜火都收晒立即變慈父,下個月就滿十歲的兒子Feynman,近年長肉變得圓碌碌超可愛,再次被內地親子騷睇中;不過,自四年前拍《爸爸去哪兒2》兒子撞傷眼角要入院縫針險破相,鎮宇嫂為保護愛兒,已下令推掉真人騷唔畀兒子再捱苦,鎮宇亦樂得做慈父陪兒子放暑假享受家庭樂,日前兩父子鬧市出巡,活潑好動的Feynman跑住去買珍珠奶茶,鎮宇就緊貼身後陪跑,嚴父都被乖仔降服!

吳鎮宇 對家人非常保護的吳鎮宇,14年首次父子檔接拍親子騷《爸爸去哪兒 2》,讓兒子萌樣初次曝光,Feynman更加一鳴驚人成內地親子活動搶手貨,近日又再被內地親子節目睇中。
對家人非常保護的吳鎮宇,14年首次父子檔接拍親子騷《爸爸去哪兒 2》,讓兒子萌樣初次曝光,Feynman更加一鳴驚人成內地親子活動搶手貨,近日又再被內地親子節目睇中。

吳鎮宇 訓練阿仔獨立

近日有份主演的電影《逆流大叔》上映,吳鎮宇四出宣傳,早前到奧海城出席活動,太太王麗萍就帶埋九歲兒子Feynman低調捧場。相比14年拍《爸爸去哪兒2》,Feynman身形明顯大不同,昔日清秀輪廓變得圓碌碌好飽滿,睇落相當可愛,原來發育階段的Feynman食量驚人,平日嚴肅cool爆的鎮宇,亦曾幽默笑兒子肥到冇頸似雪人:「佢一個人可以食兩人份量,可以食晒成碟意粉同差唔多成罐午餐肉,打機時佢又縮埋條頸,我諗我要帶佢去睇骨科醫生,將條頸拉番出嚟!」

吳鎮宇

一直極之重視私隱的吳鎮宇,四年前首度畀兒子萌樣曝光,父子檔參演湖南衛視真人騷《爸爸去哪兒2》,據知情者透露,鎮宇同老婆王麗萍本身非常低調,被打動全因想給兒子留一個珍貴回憶:「咪睇鎮宇好似好嚴好惡,其實佢教仔持開放態度,佢畀好大自由度個仔,唔會迫個仔死讀書,但佢好想訓練個仔快啲獨立,佢成日話,個仔18歲嗰時,佢都快到70歲,怕自己照顧唔到個仔咁耐,所以好想個仔學會獨立,學會面對困難,所以嗰時先肯接拍親子騷;嗰次佢兩父子去咗好多地方拍攝,一齊去體驗同經歷,令佢對個仔性格了解多咗,亦想畀個仔留一個紀念,將來大個可以睇番!」

吳鎮宇 14年父子檔拍攝《爸爸去哪兒2》,去到尾站新西蘭,一班大人在房開會,小朋友在外邊玩時,五歲兒子Feynman撞落樓梯撞傷左眼角入院縫針,留下永久性創傷,令鎮宇夫婦非常心痛。
14年父子檔拍攝《爸爸去哪兒2》,去到尾站新西蘭,一班大人在房開會,小朋友在外邊玩時,五歲兒子Feynman撞落樓梯撞傷左眼角入院縫針,留下永久性創傷,令鎮宇夫婦非常心痛。

拍真人騷出意外

活潑的Feynman,亦因《爸爸2》火速爆紅,轉眼四年,原來近日再有內地親子騷力邀鎮宇父子檔回歸,不過,自從上次拍真人騷出了意外,兒子撞傷眼角受傷,留有永久性疤痕,鎮宇嫂已下令推拍。據知情者透露:「嗰次拍真人騷個仔撞咗落樓梯,撞傷眼角要入醫院縫針,鎮宇同老婆好擔心,雖然個仔最後堅強完成餘下拍攝,但返香港治療,知道係永久性創傷,連視力都有機會受影響,鎮宇真係好心痛,嗰時仲一度搵唔到製作組,冇人肯承擔責任,搞到兩公婆好勞氣,個仔又要捱苦,所以吳太已經講明,以後都唔會畀個仔再拍呢類真人騷!」

吳鎮宇 去年吳鎮宇晒出跟兒子的合照,清楚可以看到Feynman左邊眉角仍留有疤痕。
去年吳鎮宇晒出跟兒子的合照,清楚可以看到Feynman左邊眉角仍留有疤痕。

體驗自己工作

外表火爆的鎮宇,原來教仔好有心思,更明白身教最重要,除了拍《爸爸去哪兒2》,16年他亦讓兒子客串電影《脫皮爸爸》,還有由他自導自演的電影《費曼的夏天》,更同兒子父子檔做男主角,就是想兒子可體驗他的工作。據知情者透露:「以前鎮宇已經成日帶囝囝去片場,就係想阿仔可以體驗自己嘅工作,了解爸爸更多,原來呢個係佢切身感受,細個嘅時候,因為佢爸爸係點心師傅主管,半夜就會返工,佢同爸爸好少時間溝通,但有一次佢跟咗爸爸返酒樓,了解咗爸爸嘅工作性質同環境,知道爸爸有幾忙碌同辛苦,父子反而拉近咗距離。」

吳鎮宇 去年兒子九歲生日,吳鎮宇在微博激罕晒出一家三口溫馨合照,兩公婆攬實兒子慶生,Feynman擘大口笑顯得相當開心。
去年兒子九歲生日,吳鎮宇在微博激罕晒出一家三口溫馨合照,兩公婆攬實兒子慶生,Feynman擘大口笑顯得相當開心。

鬧市人盯人

近日兒子放暑假,鎮宇拍戲之外亦爭取時間湊仔,日前兩父子鬧市出巡,著住迷彩衫的鎮宇可能怕畀人認到,戴帽又戴口罩將自己包到冚,兒子則似啱啱做完運動,著住短袖T恤後頸上還攝住毛巾吸汗,兩父子一齊行去買珍珠奶茶,九歲的Feynman非常活潑,淘氣得邊行邊跑,搞到鎮宇亦要從後追住個仔,兩父子人群中追逐場面相當溫馨!

吳鎮宇 吳鎮宇帶仔鬧市出巡,九歲Feynman長高了不少亦胖了不少,仍然 一念稚氣,鎮宇湊仔亦好緊張,全程盯住阿仔一齊行,見兒子忽然 起勢向前跑,跟在後邊的他亦急住追前,兩父子在人群中追逐。
吳鎮宇帶仔鬧市出巡,九歲Feynman長高了不少亦胖了不少,仍然 一念稚氣,鎮宇湊仔亦好緊張,全程盯住阿仔一齊行,見兒子忽然 起勢向前跑,跟在後邊的他亦急住追前,兩父子在人群中追逐。

買奶茶氹仔

鎮宇曾經大爆兒子鍾意食嘢,經常食晒佢啲點心,更幽默笑兒子肥到似雪人,但對住乖仔又心軟,專登落車只為去買珍珠奶茶氹阿仔!

吳鎮宇

跑了一輪,鎮宇指示囝囝方向。為免被途人認出,戴帽戴口罩的鎮宇包到冚,同兒子相映成趣。

吳鎮宇

訓練獨立

入到舖頭,Feynman一馬當先行去買珍珠奶茶,似乎在爸長期訓練下已經非常獨立。

吳鎮宇

買完嘢飲兩父子一齊行去 街口上車。

吳鎮宇

低調撐爸爸

早前吳鎮宇為電影《逆流大叔》出席宣傳活動,太太王麗萍帶埋兒子混入人群低調捧場,不過最終都被記者發現,早有過唔少演出經驗的Feynman,面對鏡頭亦表現大方唔太抗拒。

吳鎮宇

9歲胖嘟嘟

吳鎮宇

5歲秀氣出位

五歲Feynman首度亮相《爸爸去哪兒2》,外表清秀性格溫柔,火速爆紅吸納唔少粉絲。

吳鎮宇

太太退出湊仔

本身是新加坡模特兒的鎮宇太太王麗萍,婚後退出幕前專心湊仔,是鎮宇背後賢內助。

吳鎮宇

上陣不離父子兵

父子檔探訪

鎮宇教仔著重體驗生活,上年就同兒子一齊擔任奧比斯大使,變胖的Feynman睇落更加活潑可愛。

吳鎮宇

東京宣傳

鎮宇好想兒子體驗其工作,除咗會帶兒子去片場睇拍戲,16年自導自演的《費曼的夏天》就父子檔上陣,後更一齊去東京做宣傳。

吳鎮宇

連拍二片

先後拍過兩部電影的Feynman,在《脫皮爸爸》演古天樂童年。

吳鎮宇

撰文:東方新地圖片來源:新傳媒圖片庫、吳鎮宇微博