呂爵安

Edan呂爵安親回《ISWIM》被批爛尾 自認係ViuTV吳卓羲好勝衝動

最新娛聞

廣告

由MIRROR成員呂爵安(Edan)、魏浚笙(Jeffrey)、袁澄林及吳海昕等主演的ViuTV劇集《I SWIM》日前播出大結局,不少觀眾批評結局爛尾及太膠,在劇中飾衝動好勝「李馬榮」的Edan,凌晨在紅館綵排完MIRROR演唱會後,在社交網撰長文分享感受。

呂爵安 MIRROR紅館騷昨晚開鑼,阮小儀獲同學仔送上Edan演出的照片,望相止渴!
MIRROR紅館騷昨晚開鑼,阮小儀獲同學仔送上Edan演出的照片,望相止渴!(圖片來源:IG@kittyyuen)
呂爵安 Edan在《I SWIM》飾演孤僻衝動的李馬榮,他承認不是他演開的類型。
Edan在《I SWIM》飾演孤僻衝動的李馬榮,他承認不是他演開的類型。(圖片來源:IG@edanlui)

Edan指批評令自己成長

Edan在IG以「I SWIM後話」為題,回應觀眾的批評:「有人問我,你會唔會好失望啊?真心嗰句,我自己真係冇嘅,反而好興幸自己有參與其中,拍攝嘅過程固然學到好多嘢,但原來一個作品出街,睇返整個作品,再睇返自己嘅表現,同觀眾嘅意見,係會再令自己學到更多嘢,令自己有所成長。」

呂爵安 Edan在IG回應《I SWIM》被批太膠及演出感受。
Edan在IG回應《I SWIM》被批太膠及演出感受。(圖片來源:IG@edanlui)
呂爵安 劇集被批爛尾,Edan謂:「可能今次做得未夠好,下次咪可以做好啲囉!」
劇集被批爛尾,Edan謂:「可能今次做得未夠好,下次咪可以做好啲囉!」(圖片來源:IG@edanlui)

Edan認不是演開的類型

Edan承認「李馬榮」這角色,的確不是他演開的類型:「當初做嘅時候,都好擔心自己會唔會太死咕咕,但係如果我因為驚就唔試,我就永遠都冇機會做其他類型嘅角色。唔做,就唔會知自己有咩做得唔好,就唔會知自己有咩需要進步,可能今次做得未夠好,下次咪可以做好啲囉,所以一定要做!」

呂爵安 Edan指分不到負評的真偽,是本身不喜歡他?還是善意批評。
Edan指分不到負評的真偽,是本身不喜歡他?還是善意批評。(圖片來源:IG@edanlui)

Edan:有意見先有進步

Edan指分不清是真批評還是盲鬧:「其實有意見先會有進步,盲撐係唔好,但盲_亦都唔好,所以我哋係好歡迎啲客觀建設性嘅意見。唔怕老實講,我有時睇到啲負評都好confuse(困惑),話我唔緊要啊,講得啱嘅我會聽,然後盡力改。但有時我分唔到啲負評係因為本身唔鍾意我定點,搞到我都唔知take唔take好!」

呂爵安 Edan中)長文一出,「余浪沖」Jeffrey左二)即留言謂跟他一起游到終點,「沖」滿快樂。
Edan(中)長文一出,「余浪沖」Jeffrey(左二)即留言謂跟他一起游到終點,「沖」滿快樂。(圖片來源:IG@edanlui)

Edan呻資源配套不及外國

豁達的Edan謂不介意負評:「有討論係好事,有人講好過冇人講。但我覺最緊要係大家要繼續支持香港嘅創作同製作(唔止係劇集啦),成日問點解外國嘅好咁多,喂大佬人哋多咁多資源,多咁多人才,多咁多support。所以大家_嘅同時,都要繼續大大力支持,覺得有問題有唔好嘅就畀意見,希望下次變好!」

呂爵安 為拍此劇,Edan與眾男士勤力都操肌。
為拍此劇,Edan與眾男士勤力都操肌。(圖片來源:IG@edanlui)

封李馬榮係ViuTV吳卓羲

Edan又多謝導演、台前幕後:「多謝有睇有討論嘅每一位,多謝李馬榮(Viutv吳卓羲)!呢段旅程好難忘,希望大家下一次又可以見到一個唔同咗嘅Edan啦!」在劇中飾余浪沖的Jeffrey留言謂:「『榮』幸跟你一起游到終點,『沖』滿快樂,李馬榮、余浪沖。」Edan即笑問他:「bro你係咪諗咗半個鐘?」

呂爵安 飛虎3壯志英雄
Edan多謝李馬榮,更他封為Viutv吳卓羲(圖)。(圖片來源:TVB

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:IG@edanlui、ViuTV、IG@kittyyuen