華姐

呢啲先係女神!盤點12位最索華姐冠軍

最新娛聞

廣告

「2018國際中華小姐競選」昨晚結束,冠軍由10號李思佳奪得,亞軍係來自洛杉磯的大學生6號劉思延,季軍由本港代表3號雷莊𠒇奪得,而來自夏威夷2號楊筑晶先拔頭籌成為「友誼小姐」。呢個賽果未知大家認唔認同?有冇異議?其實,歷屆華姐冠軍亦盛產過好多索女,小編就搵來12位最索的華姐冠軍同大家重溫一下先,真係索到暈!

撰文:東方新地

2018中華小姐賽果

22歲的10號李思佳奪得冠軍,李思佳來自紐約,現為大學生,三圍32、23.5、34,亞軍為6號來自洛杉磯的大學生劉思延,三圍35、26、37,而23歲的香港代表3號雷莊𠒇僅得季軍,三圍34、25.5、35.5。

上年冠軍余思霆

女神逐個捉! 歷屆十大國際中華小姐冠軍

  1. 1988年李嘉欣

大美人李嘉欣係1988年香港小姐冠軍,也是首屆華姐冠軍,多年來均被譽為「最美港姐」嘅嘉欣,絕對係實至名歸。之後大美人即加入娛樂圈,憑着索爆面孔迅速走紅,而且多年緋聞不絕,每單戀情都轟動娛圈!

到2006年,李嘉欣終於搵到好歸宿,同許晉亨高調公開承認戀情,08年11月,二人在許晉亨父親別墅中舉行婚宴,正式嫁入豪門。而2011年2月,李嘉欣誕下兒子許建彤(Jayden Max),一家三口經常放閃,羨煞旁人!而大美人婚後仍努力keep弗,身材樣貌廿年如一日咁正!

2. 1993年 鍾麗緹

鍾麗緹於93年擊敗盧淑儀同謝綺玲奪冠,94年即被周星馳睇中邀請拍電影《破壞之王》,盛傳當年星爺力追女方,不過,鍾麗緹於1998年嫁給外籍丈夫Glen Ross,育有一女Yasmeen Ross,但於2002年離婚。

03年,鍾麗緹與台灣音樂製作人嚴錚結婚,並於2008年誕下第二個女兒嚴書琴(Jaden),再於2010年2月,第三個女兒嚴紫凝(Cayla)於北京出生,可惜2011年二人最終離婚。經歷兩次婚姻失敗後,鍾麗緹未有氣餒反而愈愛愈勇,拍攝內地真人騷《如果愛》同細佢12年的大陸演員張倫碩發展姐弟戀,後來張倫碩更在節目中派驚喜下跪求婚,二人婚後好恩愛!

3. 1999年 葉璇

氣質美女葉璇於1999年參選國際中華小姐,取得冠軍及「最具古典美態獎」,葉璇喺無綫拍過不少劇集,不過近年到內地發展。

4. 2000年 郭羡妮

1999年郭羨妮以大熱姿態贏港姐冠軍、「最上鏡小姐」、「國際親善小姐」和「千禧才智小姐」四獎。2000年,代表香港參選國際華裔小姐競選,亦順利取得冠軍,是繼1988年度香港代表李嘉欣贏得國際中華小姐競選冠軍後,第二位香港代表奪冠!

郭羡妮加入TVB拍劇,01年在同古天樂合演的古裝劇《尋秦記》,而郭羡妮一個人分演兩個角色,一個是現代少女,另一個是秦國才女,並且是因此劇而走紅。之後拍了大量的古裝片,2011年她與內地動作導演朱少杰結婚,翌年更誕下一女Kylie。2015年郭羡妮離開TVB後減少幕前演出專心湊女,淨係間唔中返大陸出席商演活動,又或者拍下港台劇集過吓戲癮。

5. 2001年 廖碧兒

廖碧兒是2001年華姐三料冠軍,同奪都會魅力小姐及花都綽約大獎。

6. 2004年 鍾嘉欣

鍾嘉欣2004年擊敗曹敏莉同洪巧玲贏得華姐冠軍,而嘉欣BB形象親民討好,即被TVB簽下至今更成為花旦!嘉欣BB在無綫多年,多次獲傳媒及網民支持取得「民選視后」,其中2013年於《玩嘢王》爆喊場面,博得全港觀眾歡心,演技備受肯定!

有B萬事足的她現在過得十分幸福呢!

7. 2005年 李亞男

李亞男於2005年代表溫哥華出戰,成功擊敗當年大熱門陳法拉,拿下國際中華小姐冠軍,即留港發展,雖然事業發展平平,感情生活亦非多姿多采,但卻成功找到一個絕世好老公,王祖藍!

李亞男現在與老公黃祖藍十分甜蜜幸福。

8. 2007年 宋熙年

同樣過得幸福的宋熙年,於2007年爆冷擊敗呂怡萱同陳爽成為冠軍!之後加入TVB多以主持身份現身,星路跟李亞男一樣平坦,但就搵到電視城另一絕世筍盤陳智燊!

9. 2009年 苟芸慧

苟芸慧係09年的國際中華小姐冠軍。初出道時樣子甜美,盡得網民歡心!點知後來因水腫問題,至體重激增至180磅,幸而經休養後已冇肥腫問題,回復索爆身形及靚樣!

10. 2010年 岑麗香

已成為人妻的宅男女神香香公主,為2010年華姐冠軍。

香香唔止樣靚身材正,更擁有時裝設計學士、市場管理學士以及人力資源學士的文憑,哥利唔惹少!直至前年岑麗香嫁給強強,成為幸福人妻!

11. 2012年 張曦雯

被人稱為靚到離地的張曦雯,是2012年國際中華小姐冠軍。

12. 2014年陳凱琳

24歲陳凱琳2013年成港姐冠軍後,翌年順利以大熱姿態奪華姐后冠!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!