呢度都有外星人｜郭偉亮驚爆美國目睹UFO！追足6分鐘手機竟拍到一片空白？

郭偉亮公路驚遇巨型飛碟 AI還原震撼一幕

節目中，UFO愛好者郭偉亮（Eric Kwok）擔任嘉賓，分享他最震撼的一次目擊經歷。他憶述早年與太太葉佩雯（Grace）在美國公路上，一隻超巨型飛碟突然出現於他們頭頂，節目更以AI技術還原當時的驚心動魄的畫面。Eric Kwok覆述當時情景說：「當時準備揸車去睇戲，忽然頭頂出現好大架UFO，好近離我哋10層樓咁遠左右。成個底係黑色，有半個足球埸咁大，六角型每隻角都有燈。」他表示當時與太太Grace一同追著飛碟足足六分鐘，期間飛碟只移動了一下，最後「嗖」一聲便消失無蹤。

葉佩雯手機拍片竟一片空白 顧問Stan揭驚人巧合

整個目擊過程最令人費解的是，明明有影像證據，最後卻神秘消失。Eric Kwok表示，他一直深信有外星生物存在，而當日最離奇的是，太太葉佩雯在追逐期間一直用手機拍攝，但事後檢查時，手機裡卻是一片空白，完全沒有錄到任何畫面。同場的節目顧問Stan聽後，亦透露自己有過類似的詭異經驗：「當時喺加拿大同5、6位朋友睇到，舉機拍晒片，但一係就對唔到焦、一係就完全影唔到，好似係（外星人）控制你部機，等你影唔到咁。」他更補充指，這種電子儀器失靈的情況不止出現過一次。

觀眾湧入Chatroom分享經歷 網民：毛骨悚然！

Eric Kwok的親身經歷，加上節目早前在太平山頂拍到UFO短片，隨即引爆網上熱烈討論，不少觀眾紛紛湧入節目的chatroom分享自己的奇異經驗。有網民直言對Eric Kwok的經歷感到震驚，留言表示：「如果Eric Kwok講嘅係真，咁部手機拍唔到嘢真係好恐怖！」、「半個足球場咁大？想像唔到有幾震撼！」、「我都有朋友試過類似情況，啲電子嘢會失靈！」、「信則有不信則無，但聽完都覺得毛骨悚然。」、「求節目組公開喺山頂拍到條片！」