周啟生

周啟生批中楊千嬅唔夠班做歌手 怒斥粉絲盲從:垃圾都可以吞落肚

最新娛聞

廣告

周啟生激罕開腔撐「雙面人」梁文禮,疑遭梁詠琪粉絲狙擊。即使四面楚歌,周啟生仍語出驚人,指樂迷不應盲目追星,歌手具備實力是基本,更重提自己廿年前狠批「楊千嬅唔適宜唱歌」,令網民轉軚支持其見解。

周啟生狠批樂壇:一班食客,垃圾都可以吞落肚

樂壇前輩加音樂人周啟生指梁文禮「去批評一個根本唔識唱歌嘅名歌手」係無錯嘅!卻遭網民狙擊,周啟生再出口:「A鬧阿B,暫且唔討論A啱定唔啱,阿B搵一千人去對付A,我認為阿B唔啱!」慨嘆香港樂觀壇缺乏實力派歌手,更比喻「一班食客,垃圾都可以吞落肚,仲邊度會有好嘅廚師?」周啟生再發長文,今次點名去年回歸香港開騷的楊千嬅!

周啟生 楊千嬅去年忽然回歸香港樂壇開騷,今年搞大壽時,又爭住咪唱歌,自嘲熱愛唱歌!
楊千嬅去年忽然回歸香港樂壇開騷,今年搞大壽時,又爭住咪唱歌,自嘲熱愛唱歌!(圖片來源:IG@yeungchinwah)

周啟生廿年前批中:楊千嬅唔適宜唱歌

周啟生發文重提廿年前曾狠批過楊千嬅根本唔適宜唱歌,他指當年被人鬧到飛起,但現在人人鬧楊千嬅,正正批中了。他長文寫道:「活在一個奇特嘅城市叫做香港,音樂藝術在流行市場裏面,其實商業佔了大部分。一個歌手會否成名,同佢本身音樂嘅能力同天份絕對不成正比例!在這環境工作差不多五十年了,曾經合作,共事嘅成名歌手也有很多,其中有著漂亮外型、俊朗、性感身材嘅也有不少…….經驗所見,真正成名利就,同唱歌好叻或者音樂造詣好高嘅,絕對唔成正比例。我經常掛喺嘴邊嘅都以實力行先,差不多20年前我曾經講過楊千樺根本唔適宜唱歌!當時畀人鬧到飛起,而家人人都鬧緊佢。改變嘅並非係事實而係大家嘅心態……寄語香港嘅迷哥迷妹,再瞓身誓死保護偶像同時,唔好忘記實力兩個字,否則香港音樂界前途堪虞….Alas!」

周啟生 周啟生去年到加拿大開騷,遇見夏蕙BB。
周啟生去年到加拿大開騷,遇見夏蕙BB。(圖片來源:FB@周啟生)
周啟生 周啟生長文批評香港現今樂壇的奇怪現像,指大家都不著重實力!
周啟生長文批評香港現今樂壇的奇怪現像,指大家都不著重實力!(圖片來源:FB@周啟生)

曾批評姜濤與粉絲開火!

周啟生兩年前看見樂壇興旺,曾出po指感到高興,希望新一代歌手有實力,唱歌的專注唱歌,演戲的專注演戲,做好一瓣先去另一瓣。不過,去年11 月,他忍唔住出po批評現今樂壇:「一個邪惡嘅樂壇,一個醜陋嘅面貌」,並以「香港樂壇魔音大比拼拍片,片中有姜濤、張蔓姿、麗英、COLLAR」,被網民讚敢言,周啟生即回覆:「唔講真話同條鹹魚有乜分別?」被疑似姜糖圍攻,周啟生理直氣壯:「質素低劣嘅歌迷只會影衰自己嘅Idol! 」、「年青一代嘅樂迷,對音樂嘅要求,門檻調教到好低。如果好輕易就對一啲人評價好高,咁樣樂壇係唔會進步!」、周啟生直指歌迷要求低才造就低質的偶像,一點也不怕被狙擊,揚言:「話之佢死,夏蟲不可以語冰」直指所謂粉絲見識少。

周啟生 男團MIRROR人氣成員姜濤!
男團MIRROR人氣成員姜濤!(圖片來源:IG@keung_show)
周啟生 姜濤在叱咜頒獎禮現身,由身型至歌藝都備受爭議!
姜濤在叱咜頒獎禮現身,由身型至歌藝都備受爭議!(圖片來源:影片截圖)

61歲周啟生以自身作例子:唔努力即係冇天份

周啟生表示明知講都無用,只是用心良苦,又以自己做例子,講咩叫努力,指自己多年來保持練琴同做運動:「努力係一個人最大嘅天份,我講俾你聽乜嘢叫努力,我到而家每日都可以彈八個鐘頭琴,做運動keep住一生唔停每日四個鐘都可以,最基本叫做努力!唔好同我講有啲人做咗少少嘢就叫做好努力,其實唔努力即係冇天份!」

周啟生 61歲的周啟生日日做運動保持弗爆身材,幾十年來都會練琴練歌!
61歲的周啟生日日做運動保持弗爆身材,幾十年來都會練琴練歌!(圖片來源:FB@周啟生)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地(部份內容轉載自New Monday)圖片來源:IG@yeungchinwah、FB@周啟生、IG@keung_show資料或影片來源:原文刊於NewMonday