周奕瑋被爆表裏不一 許文軒拒與麥美恩拍拖：佢咁多仔

許文軒麥美恩鬥數不是

談到Mayanne和Edmond這對緋聞情侶從不避嫌，Jarvis遂主持上身追問二人相識經過，女方透露初相識時男方曾傾訴自己失戀，Jarvis聞言即一語中的：「佢想溝你呀？！佢從來冇同我講分手。」其後再問為何2人不是對方杯茶，Mayanne直指Edmond是「煩人」，比女人更「娿哿」；Edmond則難忍Mayanne異性多：「佢咁多仔，我唔鍾意多男仔朋友嘅女仔！」

周奕瑋竟被爆表裏不一

近年成為金牌司儀並被指勇奪「最佳男主持」的Jarvis，雖然已算主持界老手，但卻被爆原來面對大騷或做節目時仍有緊張時刻，並會做出𢱑手及玩弄頭髮2個小動作，之後談及結婚話題時，他亦不自覺地即席「示範」相關動作，緊張到不得了！當幕後人員要求眾人指出最毒舌的一人，Jarvis再次成為被攻擊對象，Jarvis對此反擊：「呢啲唔係毒舌，係轉數快，你哋冇就唔好咁啦。」阿盈和Mayanne繼而笑指Jarvis是雙面人，表面和諧做「Yes Man」，背後卻向眾人呻到樹葉都落埋！

潘盈慧被力推奪「最佳女主持」

適逢新春，當然要講好說話！講完一輪壞話，大家互相祝福對方，Edmond祝願同樣入行多年的資深主持阿盈能擁有個人節目：「因為成日覺得阿盈默默做默默做，大家都忽略咗佢，我覺得係時候要睇到阿盈嘅光芒。」Mayanne則祝願阿盈終有一日能奪最佳女主持寶座。