周柏豪

周柏豪扮胡迪冧女失敗 輸畀另一人氣高企卡通偶像

最新娛聞

廣告

周柏豪婚後與太太育有一子一女湊成「好」字,為了做廿四孝爸爸,他以《反斗奇兵》中的牛仔胡迪造型冧女,點知2歲囡囡周芯悅(Sonya)對他不屑一顧,原來囡囡已變心,情傾另一個卡通偶像,搞到周柏豪非常無癮!

文:東方新地|圖:[email protected]周柏豪 Pakho Chau、[email protected]、新傳媒照片庫

周柏豪自作多情受冷落

周柏豪為了冧個女,不惜打扮成《反斗奇兵》中的牛仔胡迪,不過2歲大的囡囡周芯悅(Sonya)似乎就唔多領情,周柏豪著住胡迪套衫,點知個女只顧睇電視,眼尾都唔睄佢一眼,可憐周柏豪冇晒表情,非常無癮。

周柏豪著住套胡迪衫扮牛仔,嘴扁扁咁原來有原因。
周柏豪著住套胡迪衫扮牛仔,嘴扁扁咁原來有原因。(圖片來源:[email protected]
周柏豪在社交網留言表示被個女冷落。
周柏豪在社交網留言表示被個女冷落。(圖片來源:[email protected]

胡迪輸畀JJ好啱數

周柏豪在社交網po相並留言:「小女孩的心事真難捉摸。昨天還被寵幸的胡迪,今天中午再次被點燈穿上衣服,最後還是被冷落😩」其實周柏豪被個女冷落都好正路,因為囡囡好專心咁睇緊的Cocomelon卡通,主角JJ是不少小朋友心中的人氣偶像。其系列兒歌在幼兒界無人不識,是全球訂閱人數最多的兒童頻道和世界上訂閱人數第二多的頻道,在Netfilx更是連續62日長踞排行榜首10位,打破Netfilx的全球記錄。

周柏豪刻意打扮成胡迪,可惜卻不敵Cocomelon卡通片主角JJ,周柏豪站在囡囡背後,囡囡卻只顧著看電視中的JJ!
周柏豪刻意打扮成胡迪,可惜卻不敵Cocomelon卡通片主角JJ,周柏豪站在囡囡背後,囡囡卻只顧著看電視中的JJ!(圖片來源:[email protected]
輸畀JJ的周柏豪,個樣非常無奈。
輸畀JJ的周柏豪,個樣非常無奈。(圖片來源:[email protected]

周柏豪 被指十年前已發現玻璃心的美

周柏豪的「玻璃杯」潮文發於2012年1月30日,今年正好是10周年,有不少網民都湧到這篇文章下「朝聖」,並留言說:「咁就十年」、「玻璃心碎了一地」、「十周年到此一遊」、「真係佩服柏豪,10年前已發現玻璃心的美」、「揣摩咗十年都係唔明」等等。

十年過去,周柏豪現在已37歲,已結婚並育有一子一女。
十年過去,周柏豪現在已37歲,已結婚並育有一子一女。(圖片來源:[email protected]周柏豪 Pakho Chau)
周柏豪大女今年2歲大,去年8月,他宣布太太再誕下第二胎囝囝的消息。
周柏豪大女今年2歲大,去年8月,他宣布太太再誕下第二胎囝囝的消息。(圖片來源:[email protected]周柏豪 Pakho Chau)
周柏豪當年用了15分鐘去細心欣賞玻璃碎。
周柏豪當年用了15分鐘去細心欣賞玻璃碎。(圖片來源:[email protected]周柏豪 Pakho Chau)
周柏豪
(圖片來源:網民留言截圖)
周柏豪
(圖片來源:網民留言截圖)
周柏豪
(圖片來源:網民留言截圖)
周柏豪
(圖片來源:網民留言截圖)

當年發潮文被狂抽水

周柏豪這段文字當年曾多次被翻炒和抽水,成爲網絡潮文。有網友提議柏豪:「下次貼條底褲出嚟,講吓啲漬形容吓陣味,應該仲多人Like。」亦有人翻文揶揄,如「今天不小心把心愛的木椅打碎了」等,連家具品牌宜家傢俬當年都抽埋一份,話有多款水杯發售,打爛咗可換過隻新嘅咁話。

周柏豪的潮文被網民運用到不同的物體上。
周柏豪的潮文被網民運用到不同的物體上。(圖片來源:新傳媒照片庫)
周柏豪 包括香口糖。
包括香口糖。(圖片來源:新傳媒照片庫)
周柏豪 連宜家家俬當年都有抽埋一份。
連宜家傢俬當年都有抽埋一份。(圖片來源:新傳媒照片庫)

「紅」到上C1:係我嘅運

不過這件事當年令周柏豪「紅」到上C1(娛樂頭條),他曾感慨說:「我覺得呢個係我嘅運,我搬屋嘅時候啱啱入行冇乜錢,屋企好多嘢,杯杯碟碟枱枱櫈櫈都係我阿婆畀錢我買,我係好珍惜,嗰日我婆婆入咗醫院,我咁啱打爛咗隻杯,射燈下睇閃令令,好似mirrorball咁,我攞相機影,影完成個過程,原來我唔係好記得我阿婆係入咗醫院,人生原來好糟糕嘅事,可以變成令你抽離、治療你嘅事,所以寫咗段嘢。」

十年前的周柏豪。
十年前的周柏豪。(圖片來源:新傳媒照片庫)

發現原來呢一行咁得意

周柏豪續說:「我post咗段嘢之後,公司打畀我、記者朋友打畀我,facebook係咁彈嘢出嚟,做嘢啲記者個個都問、狗仔隊係咁跟,我覺得原來呢一行咁得意,以前我做完event冇記者搵我接受訪問,冇人會想訪問我,直到呢件事,我冇做錯嘢,但係畀狗仔隊跟、變C1、變封面,我覺得都係一個話題令到人記得我。」

現在的周柏豪。
現在的周柏豪。(圖片來源:[email protected]周柏豪 Pakho Chau)

讀者留言