和解在後

和解在後|Ivy So首次拍劇任真小強爬頸 獲恆仔讚十分搏命

最新娛聞

廣告

由COLLOR成員Ivy So(蘇雅琳)首次擔正主演的ViuTV劇集《和解在後》現正播出,日前一集講到Ivy飾演的方圓與葉志凡(趙善恆飾)一同到一幢舊式工業大廈查明真相,現場環境陰森恐怖,但原來更恐怖的是被活生生的曱甴爬上身!

和解在後 方圓Ivy飾)口講唔怕鬼,但去到工廈現場非常驚青!
方圓(Ivy飾)口講唔怕鬼,但去到工廈現場非常驚青!(圖片來源:FB@ViuTV)

《和解在後》Ivy So 一口答應被曱甴爬頸

這集《和解在後》講述清潔工胡婆婆冤屈大訴工作時撞鬼跌倒。為了查明真相,阿凡在夜半叫來了方圓一起查探胡婆婆的工作環境,氣氛驚心動魄,最後發現其撞鬼真相。這一幕被曱甴爬上頸的鏡頭,唔係個個女仔都接受到,連導演兼主演的趙善恆都在IG發文激讚:

「Ivy平日熟讀劇本捱更抵夜呢啲不在話下,今日Ivy昆蟲爬頸的一場戲,她是一口答應,而且沒有半點不滿,為了滿足畫面效果她十分搏命!而且當日35度天氣,片場是一個十分污糟邋遢的舊工廠大廈,不要說有無冷氣,連呼吸都有點困難。」

和解在後 趙善恆大讚Ivy為了滿足畫面效果,十分搏命。
趙善恆大讚Ivy為了滿足畫面效果,十分搏命。(圖片來源:IG@hangjai)
和解在後 他又分享埋Ivy被放曱甴上身時扮鎮定嘅一刻。
他又分享埋Ivy被放曱甴上身時扮鎮定嘅一刻。(圖片來源:IG@hangjai)

同時恆仔又讚埋Alice(許寶恆),她在劇中扮演脫毛失敗下體被燒傷的受害人:

「記得當日casting第一次見Alice已經有種”估你唔到喎” 的驚喜,試完戲後我也坦白告知當日拍攝是要真除褲。但她沒有半點推搪或疑惑,也立即答應,而且到了拍攝當日也對我們劇組有十分的信任,當然安全措施做到十足(借位加打底,好安全,大家放心)」

和解在後 Alice嘅演出亦獲網民大讚好驚喜。
Alice嘅演出亦獲網民大讚好驚喜。(圖片來源:ViuTV《和解在後》截圖)

最後他總結:「要兩位靚女拍枱講粗口除褲仲玩埋曱甴,這些要求可能有點大膽,但她們不但做到,而且做得好好!」

谷德昭勁讚Ivy有天份

劇中飾演調和中心創辦人的谷德昭,亦在IG大讚:

「蘇媽好有天份,經驗咁淺,但係已經唔驚Cam,可以做到自然,已經唔容易,萬丈高樓從地起,有呢個根基,加上觀眾緣,從實戰中進步。另外一位妹妹Sica,戲裡戲外都超高能量,本來冇乜戲嘅幾句嘢,佢可以將啲鬆咗嘅位填番完滿,如果俾佢做《黑暗榮耀》嗰啲奸角,肯定女版少年萬梓良。」

和解在後 谷德昭大讚Ivy有觀眾緣,同時好有天份。
谷德昭大讚Ivy有觀眾緣,同時好有天份。(圖片來源:IG@koktakchiu)
和解在後 Sica亦獲谷德昭大讚好適合做女版少年萬梓良。
Sica亦獲谷德昭大讚好適合做女版少年萬梓良。(圖片來源:ViuTV《和解在後》劇照)

監製爆料:冇諗過Ivy會真身演出

監製張遨揚(Kurt)在IG亦有出po大讚Ivy在這一幕中的演出:

「講多少少,其實初頭我哋係冇諗過Ivy會真身演出,畢竟女神同小強(而家叫小蝦〉擺埋一齊好大膽,拍之前我哋一直物色邊位工作人員願意犧牲做Ivy替身,結果全crew冇人肯制,最後我哋膽粗粗問Ivy,點知佢一口答應,Ivy姐係勁嘅!」

和解在後 從官方放出嘅NG片中可以見到,Ivy被工作人員放曱甴上身時,係喊咁口。
從官方放出嘅NG片中可以見到,Ivy被工作人員放曱甴上身時,係喊咁口。(圖片來源:FB@ViuTV)
和解在後 但Ivy表現得非常專業,一開機就一秒入戲!
但Ivy表現得非常專業,一開機就一秒入戲!(圖片來源:FB@ViuTV)
和解在後 之後再慢慢露出發現曱甴嘅驚嚇表情。
之後再慢慢露出發現曱甴嘅驚嚇表情。(圖片來源:FB@ViuTV)
和解在後 Ivy都有回應監製嘅讚賞,話叫佢「Ivy妹」得啦,唔使叫「Ivy姐」!
Ivy都有回應監製嘅讚賞,話叫佢「Ivy妹」得啦,唔使叫「Ivy姐」!(圖片來源:IG@ivyysooo)

網民讚Ivy:好過大台D新人

網民亦留言大讚Ivy演技比想像中好:「睇唔出係第一次拍劇」、「畀曱甴爬上頭好癲!」「Soma勁專業!一開機就一秒變表情」、「佢好過大台D新人,做戲勁自然,仲要夠膽放真曱甴上頭」、「有潛質,整定係要做演員」、「以為ivyso拍第一套劇仲要女主角一定好生硬,點知都幾自然同做得唔錯」等等。

和解在後 網民都紛紛大讚Ivy演出好自然!
網民都紛紛大讚Ivy演出好自然!(圖片來源:FB@ViuTV)

Ivy化身遊戲女箭神

此外,全劇多以西裝Look上陣的Ivy,原來都有其他靚女造型,日前一集就講到Ivy化身遊戲中的女箭神,大騷長腿,現實中亦有她穿著吊帶背心的造型,非常吸睛!趙善恆在IG講到這一幕遊戲畫面,直言:

「冇錢做CG,就以肉身去實行出嚟啦!服裝部美術部嘅同事,整咗呢件甲出嚟,着咗上身,就變咗遊戲世界裏面嘅人,俾啲掌聲佢哋!」

和解在後 Ivy化身遊戲女箭神嘅原因,原來係因為劇組冇錢做CG,不過出嚟效果網民都覺得好滿意!
Ivy化身遊戲女箭神嘅原因,原來係因為劇組冇錢做CG,不過出嚟效果網民都覺得好滿意!(圖片來源:IG@hangjai)
和解在後 仲有Ivy嘅吊帶背心Look都好吸睛!
仲有Ivy嘅吊帶背心Look都好吸睛!(圖片來源:ViuTV《和解在後》劇照)

導演駱子康也透露除了兩位靚女Ivy同Santis的服裝外,連她們身後士兵所著的盔甲,都係由服裝部一手一線去加工,然後再拎去現場「做舊」,他說:

「由於budget 有限服裝部人手唔夠,就成crew人自動自覺去幫忙一齊『做舊』,完全唔會計較而且大家仲好enjoy。借用網上一句好俾面嘅留言:『港劇就應該要咁樣拍!!!』」

和解在後 準備射箭嘅Ivy。
準備射箭嘅Ivy。(圖片來源:IG@hongtsz_lok)
和解在後 仲有著露肩戰衣嘅Santis。
仲有著露肩戰衣嘅Santis。(圖片來源:IG@hongtsz_lok)

睇埋《和解在後》睡前NG大放送!Ivy So勇氣之試煉!

真係少啲勇氣都唔得!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:FB@ViuTV、IG@hangjai、ViuTV《和解在後》截圖及劇照、IG@koktakchiu、IG@ivyysooo、IG@hongtsz_lok資料或影片來源:YouTube@ViuTV