唐文龍

葡萄兄弟嘉穎做老襯 唐文龍趕撻女公關

最新娛聞

廣告

48歲寡佬唐文龍,上月參加好兄弟鄭嘉穎峇里的婚宴,酸溜溜表示自己仲未有著落:「眾兄弟都祝福我係下一個!我都想!」言猶在耳,原來唐文龍已趕撻開PR公司,曾介入周永恆趙頌茹婚姻的小三Ruby (劉依靜),更愛得癡纏,即使超強颱風「山竹」殺到亦連日頻密約會。對於撻著唐文龍,Ruby坦言:「性格夾唔夾,要了解吓先!」兼大讚唐文龍係好男人,但一提賤男舊愛周永恆即刻落晒閘:「佢不值一提,當發場噩夢!」明顯要同賤周劃清界線!

撰文:東方新地|圖片:新傳媒圖片、Instagram

唐文龍 獲兄弟鼓勵

拍完《溏心3》人氣急升,唐文龍被封男神筍盤,先後被拍到約會十億有錢女黃文意,又指撻著打女楊柳青,但原來通通係冇米粥,上月參加鄭嘉穎婚宴,更開到口想在兄弟中下一個結婚。據知情者透露:「文龍好羨慕嘉穎同Grace拍拖三年就修成正果,佢話自己仲冇著落,班兄弟咪鼓勵佢,話只要緣份到,可能下一個就係佢。佢不知幾受落,睇得出佢好恨快啲成家!」原來,唐文龍已成功撻著女公關新歡,曾介入周永恆趙頌茹婚姻的小三Ruby (劉依靜)。

本來大纜扯唔埋,不過一次友人飯局就將正氣型佬唐文龍同Ruby劉依靜拉埋。據知情者透露:「Ruby覺得文龍好博學,同佢一齊有好多話題,文龍好鍾意研究電影,咁啱Ruby又鍾意睇戲,加上嚟緊Ruby公司會投資搞環保塑膠生意,文龍係支持環保人士,所以成日搵文龍攞意見,佢哋真係好投契!」

心花怒放

日前本刊獨家斷正二人到尖沙咀拍拖撐枱腳直落睇戲,當日傍晚時分,唐文龍在尖沙咀亞士厘道一間茶餐廳外同友人傾偈,未幾就一個人入餐廳搵了一個隱蔽位置坐低,大約15分鐘後,女主角終於現身,當日Ruby明顯悉心打扮會情郎,甫坐低已經對住男神冧到爆,唐文龍打開餐牌介紹Ruby有乜好選擇,但似乎食物吸引唔到佢,對眼全程望到男神實一實,食物未到,唐文龍心花怒放講唔停,還攞出一本命理書同女方講相學運程,女方就嗒晒糖托住腮聽到入晒神。撐枱腳個半小時,由唐文龍埋單一齊離開,兩人急急腳截的士轉場去黃埔,原來係拍拖睇近期熱爆電影《逆流大叔》。

朝結婚方向

熱戀情侶見少一日都心掛掛,翌日唐文龍又再約會Ruby,當日下午一時多,唐文龍揸住佢架落地不久的過百萬波子Jeep,由奧海城寓所出發,先去郵局寄包裹,之後再揸車會合Ruby,Ruby還將兩人撐枱腳的合照,放上IG開心share,只見托住腮的Ruby貼實雙眼含春的唐文龍,就算簡單食茶餐廳,已經有情飲水飽閃到暈!

對於撻著唐文龍,Ruby坦言同對方係好朋友,還大讚對方是好男人:「佢份人好陽光好健康,對人好體貼,亦好gentleman,性格係咪真係夾,就要了解吓先知!」她坦言自己已經三十歲年紀唔細,再拍拖會好謹慎,希望朝住結婚方向搵對象。

Ruby Lau(@rubyrubyrubylau)分享的貼文張貼

同Ruby打得火熱,被本刊斷正翌日,唐文龍再約Ruby撐枱腳,女方更開心share,將二人合照放上個人社交網,還留言叫男方加油!唐文龍亦火速回應:「係,一齊加油!」

跌落人生谷底

14年曾經介入周永恆趙頌茹婚姻,賠上事業毀了聲譽,Ruby形容當時簡直跌咗落人生黑洞,問到渣男周永恆是否她的人生污點,Ruby直言:「佢不值一提,就當發咗場噩夢!」更承認再投入新感情會更加謹慎:「嗰時自己處理得唔好,再拍拖會好謹慎,唔想再重蹈覆轍,以後會更加愛惜自己同屋企人!」

同周永恆感情只維持一年就分手,有指周永恆同阿Yu分居後將Ruby當出氣袋,性情暴躁經常無理吵鬧,長期活在暴力陰影下的Ruby,又要負擔兩人生活費,最終頂唔順分手。她坦言:「嗰次經歷令自己跌咗落人生谷底,嗰時好無助,更加因為咁患咗驚恐症,唔敢出街,好彩有朋友不停鼓勵,不過亦明白最後要企番起身,都係要靠自己,每個人都應該有重新開始嘅機會同生活!過去嘅唔再提嘞!」

成功嗒到正氣唐文龍,應該是人生一個好開始吧!

合作鬧緋聞

早前同打女楊柳青 (後排左二) 傳緋聞,唐文龍解釋同女方只係朋友關係,之前一齊拍詠春短片,近日又合作拍電視劇《解決師》。

冇米粥

去年11月生日,唐文龍同十億有錢女黃文意去大嶼山遊大佛,亦因女方po相令戀情見光死。

新歡晒水著

甩賤男周永恆後,Ruby積極打理自己開的PR公司,曾是嫩模出身的她,亦不時在個人社交網晒生活照,生活已重入正軌。

Ruby Lau(@rubyrubyrubylau)分享的貼文張貼

Ruby Lau(@rubyrubyrubylau)分享的貼文張貼

Ruby Lau(@rubyrubyrubylau)分享的貼文張貼

Ruby Lau(@rubyrubyrubylau)分享的貼文張貼

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
Ruby唐文龍