李亞男

喱士睡裙伴舞 李亞男晒長腿為祖藍爭歌王

最新娛聞

廣告

王祖藍同李亞男兩公婆出名恩愛,加上亞男已經簽約由老公揸旗的工作室旗下,兩夫婦更加名正言順拍住上!日前祖藍參加的內地歌唱比賽《跨界歌王》去到決賽,入圍三甲的祖藍竟然請埋老婆出場伴舞,當日亞男以一身黑色喱士睡裙噴血look上陣,艷壓全場,一眾男評判更睇到O晒嘴!

延伸閱讀︰

孝順王祖藍掃3,700萬豪宅贈媽咪

TVB證實 鍾嘉欣BB生咗BB喇!

王祖藍憑靚聲順利入到決賽最後三強,同《瑯琊榜》郡主劉濤、內地諧星小沈陽爭最後兩個PK名額。祖藍揀唱蕭敬騰的《王妃》,唱到一半時亞男突然現身伴舞,又扭又跳超sexy,最後兩公婆更當眾在台上激咀!藍男落力表演,最終擊敗同樣請老婆做表演嘉賓的小沈陽,與劉濤爭冠軍!

除咗搵老婆幫手,祖藍又請埋唱歌老師杜麗莎做幫唱嘉賓,兩人合唱Celine Dion的經典名曲〈The Prayer〉,包括巫啟賢在內的四位評判,全部聽到拍爛手掌,杜麗莎更感動到忍唔住喊,場面超感人!祖藍最後同劉濤PK,唱Eason的〈浮誇〉high爆全場,可惜最後輸俾劉濤,只係得亞軍咋!

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!